Portuqaliyada meşə yanğınları davam edir
Portuqaliyada üç gündür davam edən meşə yanğınları hələ də nəzarətə götürülə bilmir.
"Ölkə.Az" xəbər verir ki, faciə nəticəsində 64 nəfər həlak olub, 204 nəfər isə yaralanıb. Meşə yanğınları ölkənin şimal hissəsinə doğru irəliləyir.
Hazırda 3 min nəfərlik qrup alova qarşı mübarizə aparır. Artıq 33 kənd boşaldılıb.
Baş nazir Antonio Kosta yanğını "son dövrlərin ən böyük insan faciəsi" adlandırıb.
İspaniya, İtaliya, Fransa və Mərakeş dövlətləri yanğının təsir etdiyi ərazilərə kömək etməyə çalışırlar.
Hikmət
Ölkə.Az
