Portuqaliyada meşə yanğınları istefaya səbəb oldu
Portuqaliyada meşə yanğınları davam edir.
"Ölkə.Az" xəbər verir ki, yanğınlar nəticəsində 100 nəfərdən çox insanın ölməsi daxili işlər naziri Konstanka Urbano de Souasnın istefasına səbəb olub.
Nazir istefa məktubunda: "Şəxsi və siyasi olaraq şərtlərimin vəzifəmə davam etməyimə icazə vermədiyi barədə qərar qəbul etdim"-yazıb. Baş nazir isə istefanı qəbul edib.
Portuqaliya son 90 ilin ən quraq mövsümünü yaşayıb. İki dəfə meşə yanğını baş verib. Nəticədə 350 min hektarlıq sahə kül olub.
İyun ayında 64, bazar günü başlayan yanğınlarda isə 41 nəfər həlak olub. Portuqaliyada 3 günlük matəm elan edilib.
Hikmət Həsənov
Ölkə.Az
