Prezident Allahşükür Paşazadəni təbrik etdi

Prezident Allahşükür Paşazadəni təbrik etdi
10:24
26.08.2019
2408
Siyasət
A
Prezident İlham Əliyev Şeyxülislam Allahşükür Paşazadəyə doğum günü münasibətilə təbrik ünvanlayıb.

"Ölkə.Az" xəbər verir ki, təbrikdə deyilir: 

"Hörmətli Şeyx həzrətləri, 

Sizi anadan olmağınızın 70, şeyxülislamlıq fəaliyyətinizin 40 illiyi münasibətilə səmimi qəlbdən təbrik edirəm. 

Xalqımızın yaşamış olduğu taleyüklü hadisələr zamanı Siz həm dini rəhbər, həm də ictimai xadim kimi həmişə yüksək vətənpərvərlik və əsl vətəndaş mövqeyi nümayiş etdirmisiniz. Azərbaycan həqiqətlərinin, xüsusilə Ermənistan - Azərbaycan Dağlıq Qarabağ münaqişəsi ilə bağlı ədalətli mövqeyimizin dünya ictimaiyyətinə çatdırılması sahəsində səmərəli xidmətlər göstərmisiniz. 

Siz bütün həyatınız boyu cəmiyyətdə yüksək əxlaqi dəyərlərin və milli həmrəyliyin bərqərar olması yolunda əzmlə çalışmış, xalqımızın mənəvi sərvətlərinin qorunub saxlanması istiqamətində uğurlu fəaliyyət göstərmisiniz. Şeyxülislamlıq fəaliyyətiniz dövründə bir sıra ilklərə imza atmısınız. Xüsusilə müqəddəs kitabımız Qurani-Kərimin tərcüməsinin təşkil olunması və nəşr edilməsi, Aşura mərasimləri zamanı qanvermə aksiyalarının keçirilməsi, ölkəmizdə vəhdət namazı ənənəsinin dirçəldilməsi məhz Sizin adınızla bağlıdır. Azərbaycanda nümunəvi dövlət-din münasibətlərinin formalaşmasına verdiyiniz töhfələr də danılmazdır. 

Sizin fəaliyyətinizdə təkcə Azərbaycanın deyil, həm də dini lideri olduğunuz bütün Qafqaz müsəlmanlarının problem və qayğılarının beynəlxalq ictimaiyyətə çatdırılması mühüm yer tutur. Siz daim müsəlman həmrəyliyi prinsiplərindən çıxış edərək İslam dünyasında törədilən qanlı hadisələrə öz etirazınızı bildirmiş, müqəddəs ziyarətgahların, qədim tarixi abidələrin mühafizə olunması üçün beynəlxalq təşkilatlar və böyük dövlətlər qarşısında məsələ qaldırmış, dünyada sülhə və əmin-amanlığa nail olunması istiqamətində ardıcıl fəaliyyət göstərmisiniz. 

Müxtəlif konfessiyaların liderləri arasında böyük nüfuza malik şəxs kimi Siz bir çox beynəlxalq dini qurum və mərkəzlərin rəhbərliyində təmsil olunur, sivilizasiyalararası və mədəniyyətlərarası dialoqun dərinləşməsinə sanballı töhfələr verirsiniz. 

Hörmətli Şeyx həzrətləri, 

Bu əlamətdar gündə Sizə uzun ömür, möhkəm cansağlığı, nəcib və şərəfli fəaliyyətinizdə yeni-yeni uğurlar arzulayıram". 

Ölkə.Az

ŞƏRH YAZ
0

Ziyad Səmədzadənin dairəsi ilə bağlı qərar açıqlandı

Ziyad Səmədzadənin dairəsi ilə bağlı qərar açıqlandı
20:45
Bu gün
375
Siyasət
A
Mərkəzi Seçki Komissiyasının bu gün keçirilən iclasında 23 saylı Nəsimi-Səbail seçki dairəsindən daxil olmuş müraciətə baxılıb.

"Ölkə.Az" qafqazinfo-ya istinadən xəbər verir ki, məsələ barədə MSK üzvü Qabil Orucov məlumat verib. Şikayətçi namizəd Toğrul Vəliyev qeyd edib ki, səsvermənin nəticələri seçicilərin iradəsini tam əks etdirmir. 

MSK-nın araşdırması zamanı müəyyən olunub ki, yalnız 4 məntəqədə səsvermənin nəticələri etibarsız hesab edilməlidir. 

Beləliklə, 14,17,23,25 saylı məntəqələrin nəticələri etibarsız hesab edilib.

Qeyd edək ki, həmin dairədə lider namizəd  Ziyad Səmədzadədir. 

Ölkə.Az

ŞƏRH YAZ
0

MSK daha altı məntəqənin nəticələrini “sıfırladı”

MSK daha altı məntəqənin nəticələrini “sıfırladı”
20:29
Bu gün
633
Siyasət
A
Milli Məclisə seçkilərlə əlaqədar 8 saylı Binəqədi Birinci Seçki Dairəsi üzrə bir məntəqənin nəticələri etibarsız sayılıb.

"Ölkə.Az" oxu.az-a stinadən xəbər verir ki, nəticəsi etibarsız sayılan həmin dairənin 24 saylı seçki məntəqəsidir.

MSK-nın iclasında 11 saylı Qaradağ Seçki Dairəsi üzrə daxil olan müraciətlərə də baxılıb. Qərarla həmin dairənin 30 saylı seçki məntəqəsinin nəticələri etibarsız sayılıb. 

Bundan əlavə sözügedən iclasda həmçinin 23 saylı Nəsimi-Səbail Seçki Dairəsi üzrə daxil olan müraciətlər müzakirəyə çıxarılıb.  

MSK şikayətlərlə bağlı qərara alıb ki, adıçəkilən dairənin 14, 17, 23, 25 saylı seçki məntəqələrinin nəticələri etibarsız sayılsın. 

Ölkə.Az

ŞƏRH YAZ
0
BAĞLA