Prezident Amalya Pənahovanın vəfatı ilə bağlı nekroloq imzaladı

Prezident Amalya Pənahovanın vəfatı ilə bağlı nekroloq imzaladı
16:17
08.11.2018
1192
Siyasət
A
Prezident İlham Əliyev xalq artisti Amalya Pənahovanın vəfatı ilə bağlı nekroloq imzalayıb.

"Ölkə.Az"ın xəbərinə görə, nekroloqda deyilir:

"Azərbaycan mədəniyyətinə ağır itki üz vermişdir. Müasir Azərbaycan teatrı və kino sənətinin tanınmış nümayəndəsi, Dövlət mükafatı laureatı, Azərbaycan Respublikası Prezidentinin fərdi təqaüdçüsü, Xalq artisti, sənətşünaslıq üzrə elmlər doktoru, professor Amalya Əliş qızı Pənahova 2018-ci il noyabr ayının 8-də ömrünün 74-cü ilində vəfat etmişdir.

Amalya Pənahova 1945-ci il iyunun 15-də Gəncə şəhərində anadan olmuşdur. Orta məktəbi bitirdikdən sonra o, 1962–1966-cı illərdə Azərbaycan Dövlət Teatr İnstitutunun dram və kino aktyorluğu fakültəsində ali təhsil almışdır.

1964-cü ildə Azərbaycan Dövlət Akademik Milli Dram Teatrının aktyor truppasına qəbul edilən Amalya Pənahova burada 1992-ci ilədək səhnə fəaliyyətini davam etdirmişdir. O, 1992-ci ildə Bakı Bələdiyyə Teatrını yaratmış və ömrünün sonunadək həmin Teatra rəhbərlik etmişdir.

Zəngin yaradıcılıq axtarışları sayəsində milli teatr və kino sənətinə dəyərli töhfələr vermiş Amalya Pənahova müasir Azərbaycan mədəniyyətində özünəməxsus layiqli yer tutur. Azərbaycan teatrının parlaq ənənələri zəminində formalaşan və bu irsə həmişə sadiq qalan sənətkar gözəl ifa tərzi və yüksək səhnə mədəniyyəti ilə qısa müddət ərzində teatr və kino həvəskarlarının rəğbətini qazanmış, sənətsevərlərin qəlbinə yol tapmışdır. İfadəli səs tembrinə malik istedadlı aktrisanın milli və dünya dramaturji irsinə müraciət edərək teatr səhnəsində böyük məharətlə canlandırdığı çox sayda yaddaqalan obrazlar öz təbiiliyi, həyatiliyi və lirik-psixoloji dərinliyi ilə səciyyələnir. Onun sənətkar olaraq müasirlərin daxili aləminə peşəkarlıqla nüfuz etmək bacarığı mütəxəssislər tərəfindən təqdirlə qarşılanmışdır.

Amalya Pənahovanın televiziya tamaşalarında yaratdığı unudulmaz personajlar milli televiziyanın fondunda diqqətəlayiq sənət nümunələri kimi qorunub saxlanmaqdadır. Kinofilmlərdəki müxtəlif səpkili rolları aktrisanın bu sənətin incəliklərinə dərindən bələd olduğunu aydın təcəssüm etdirir. Amalya xanımın ekran həyatı bəxş etdiyi dolğun və bitkin surətlər sırasında tarixi-mədəni keçmişimizlə bağlı qadın obrazları Azərbaycan kinematoqrafiyasının nailiyyətlərindən sayılır.

Teatr sənətini pedaqoji fəaliyyətlə uğurla əlaqələndirən Amalya Pənahova respublikada gənc aktyorların yetişdirilməsi üçün böyük əmək sərf etmişdir. O, ölkənin ictimai-siyasi həyatında yaxından iştirak etmiş, ikinci çağırış Azərbaycan Respublikası Milli Məclisinə deputat seçilmişdir.

Amalya Pənahovanın Azərbaycan mədəniyyətinin inkişafı sahəsində göstərdiyi xidmətlər lazımınca qiymətləndirilmişdir. O, bir sıra mükafatlara və fəxri adlara layiq görülmüş, müstəqil Azərbaycan Respublikasının ali dövlət mükafatlarından “Şöhrət” və “Şərəf” ordenləri və “Azərbaycan Respublikası Prezidentinin fəxri diplomu” ilə təltif edilmişdir.

Tanınmış sənətkar, teatr təşkilatçısı, pedaqoq və səmimi insan Amalya Pənahovanın xatirəsi onu tanıyanların qəlbində daim yaşayacaqdır".

Nekroloqu imzalayıblar:

İlham Əliyev

Mehriban Əliyeva

Novruz Məmmədov

Oqtay Əsədov

Ramiz Mehdiyev

Əli Əhmədov

Fərəh Əliyeva

Əbülfəs Qarayev

Ceyhun Bayramov

Anar Rzayev

Eldar Quliyev

Azər Paşa Neymətov

Rasim Balayev

Şəfiqə Məmmədova

Hacı İsmayılov

Nurəddin Quliyev.

Mərhumun cənazəsi vidalaşmaq üçün 2018-ci il noyabrın 9-da saat 11.00-dan 13.00-dək Azərbaycan Dövlət Akademik Milli Dram Teatrının binasında qoyulacaq (Füzuli meydanı, 1).

Ölkə.Az

ŞƏRH YAZ
0

İrandan Avropa İttifaqına xəbərdarlıq

İrandan Avropa İttifaqına xəbərdarlıq
03:55
Bu gün
145
Siyasət
A
Cavad Zərif Avropanın öz şərtlərinə əməl edəcəyi təqdirdə İranın nüvə proqramına dair hərtərəfli birgə fəaliyyət planına uyğun olaraq öhdəçiliyinə yenidən qayıda biləcəyini açıqlayıb.

“Ölkə.Az” TRT-yə istinadən xəbər verir ki, Cavad Zərif Stokholmda Beynəlxalq Sülh Tədqiqatları İnstitutunda çıxışı zamanı bildirib ki, Avropa saziş üzrə öhdəliklərini yerinə yetirərsə, İran öhdəliklərinin yerinə yetirilməsinə qayıdar.

ABŞ Prezidenti Donald Trampın gözlənilməz siyasətinə cavab olaraq İranın da gözlənilməz addımlar ata biləcəyini ifadə edən Cavad Zərif deyib ki, bu  siyasət Qarşılıqlı gözlənilməzlik xaosa gətirib çıxaracaq:

“Tramp özü gözlənilməz siyasət yürütdüyü halda digərlərindən bunun əksini gözləyə bilməz”. Körfəzdəki Ərəb ölkələri Qərb silahlarını almağa milyardlarla dollar xərcləməklə bölgədə təhlükəsizliyə nail ola bilməzlər. Körfəzdə heç bir xarici hərbi qüvvə etibarsızlığın və təhlükənin qarşısını ala bilməz”.

Ölkə.Az

ŞƏRH YAZ
0

Prezident onları təltif etdi — SİYAHI

Prezident onları təltif etdi
18:45
21.08.2019
952
Siyasət
A
Prezident İlham Əliyev Azərbaycan Respublikası Xüsusi Dövlət Mühafizə Xidmətinin hərbi qulluqçularının və mülki işçilərinin təltif edilməsi haqqında sərəncam imzalayıb.

Sərəncamda qeyd edilir ki, xidməti vəzifələrini yerinə yetirərkən fərqləndiklərinə görə Xüsusi Dövlət Mühafizə Xidmətinin aşağıdakı hərbi qulluqçuları və mülki işçiləri təltif edilsinlər: 

3-cü dərəcəli “Vətənə xidmətə görə” ordeni ilə 

Atakişiyev Kamil Atakişi oğlu – polkovnik 

Zeynalov Elşən Əsgər oğlu – polkovnik 

“Vətən uğrunda” medalı ilə 

Əliyev Elçin Qədir oğlu – polkovnik 

Babayev Həsənalı Balaca oğlu – polkovnik-leytenant 

Hüseynov Ağabala Mirzəbala oğlu – polkovnik-leytenant 

Muradov Namiq Adil oğlu – polkovnik-leytenant 

İbrahimov Oruc Adil oğlu – mayor 

“İgidliyə görə” medalı ilə 

Abbasov Ədalət Hekayət oğlu – polkovnik 

İbrahimov Mircəlal Cəfərağa oğlu – polkovnik 

Mayılov Ağamiri Səfi oğlu – polkovnik 

Cəfərov Sənan Aslan oğlu – polkovnik-leytenant 

Əliyev Mürsəl Sadıq oğlu – polkovnik-leytenant 

Eynalov Əfqan Telman oğlu – mayor 

Mirzəyev Rəşad Gülağa oğlu – mayor 

“Tərəqqi” medalı ilə 

Rzayev Rasim Rahib oğlu 

“Hərbi xidmətlərə görə” medalı ilə 

Həsənov Rövşən Adil oğlu – polkovnik 

Novruzov Vasif Usub oğlu – polkovnik 

Rzayev Fikrət Əşrəf oğlu – polkovnik 

Süleymanov Bəhlul Eyvaz oğlu – polkovnik 

Cəfərov Qabil Kərim oğlu – polkovnik-leytenant 

Təhməzov İrafət Ağasəf oğlu – polkovnik-leytenant 

Bayramov Mübariz Aslan oğlu – tibb xidməti mayoru 

Eminov Elşən Ərəstun oğlu – mayor 

Eminov Vüqar Çingiz oğlu – mayor 

Əhmədov Ramin İbrahim oğlu – mayor 

Nəbiyev Tural Bəhman oğlu – mayor 

Nəsirov Tamerlan Tariel oğlu – mayor 

Behbudov Rəhim Əli oğlu – kapitan 

Əhmədov Sərdar Eldar oğlu – kapitan 

İsmayıl-zadə Elnur Tariyel oğlu – kapitan 

Tatlıyev Orxan Ramiz oğlu – kapitan 

Ələsgərov Rövşən Aydın oğlu – baş leytenant 

Abıyev Vüqar İldar oğlu – gizir 

Babayev Nemət Həbib oğlu – gizir 

Xələfov Anar Səhhət oğlu – gizir 

Hüseyinov Elçin Allahpayı oğlu – baş çavuş 

Xudiyev Şamo Şakir oğlu – baş çavuş 

Novruzbəyov Rasim Həsən-bala oğlu – baş çavuş 

Zərbəliyev Cavanşir Ramiz oğlu – baş çavuş. 

Bundan başqa Prezident İlham Əliyev Bəhlul Əliyevə general-mayor ali hərbi rütbəsinin verilməsi haqqında da sərəncam imzalayıb.

Sərəncamda qeyd edilir ki, Bəhlul Lətif oğlu Əliyevə general-mayor ali hərbi rütbəsi verilsin. 

Həmçinin Prezident İlham Əliyev Sabir Nağıyevə general-leytenant ali hərbi rütbəsinin verilməsi haqqında da sərəncam imzalayıb.

Sərəncamda qeyd edilir ki, Sabir Nağı oğlu Nağıyevə general-leytenant ali hərbi rütbəsi verilsin. 

ŞƏRH YAZ
0
BAĞLA