İlham Əliyev Naxçıvanda Sərhəd Dəstəsinə baxış keçirdi

İlham Əliyev Naxçıvanda Sərhəd Dəstəsinə baxış keçirdi
12:53
16.05.2018
765
Siyasət
A
Azərbaycan Respublikasının Prezidenti, Ali Baş Komandan İlham Əliyev mayın 16-da Dövlət Sərhəd Xidmətinin Naxçıvan şəhər Qaraçuq ərazi dairəsində Əmiraslan Əliyev adına Sərhəd Dəstəsində yaradılan şəraitlə tanış olub.

"Ölkə.Az" xəbər verir ki, Naxçıvan Əlahiddə Sərhəd Diviziyasının komandiri Asəf Quliyev Prezident, Ali Baş Komandan İlham Əliyevə raport verib.

Bildirilib ki, Əmiraslan Əliyev adına Sərhəd Dəstəsinin qərargah və yataqxana binası üç mərtəbədən ibarətdir. Binada rabitə, xidmət, silah, yataq otaqları, mətbəx, əsgər və zabit yeməkxanası yaradılıb. Binanın ikinci mərtəbəsində hərbçilər üçün 16 yerlik yataqxana, 48 yerlik əsgər yataqxanası və 4 yerlik zabit yataqxanası yerləşir. Burada ərzaq mağazası və əsgərlər üçün əlavə ləvazimatların satışı dükanı da hərbçilərə xidmət göstərəcək. Binada, həmçinin ikiotaqlı 4 mənzil də var.

Dövlət başçısı ölkədə sərhəd xidmətinin təkmilləşdirilməsinə dair kompleks tədbirlərin həyata keçirilməsini və sərhəd dəstələrinin fəaliyyətinin ən müasir tələblər səviyyəsində qurulmasını daim diqqət mərkəzində saxlayır. Havada, suda və quruda sərhədlərin etibarlı şəkildə qorunmasını təşkil etmək üçün bütün zəruri tədbirlər görülür. Bu işlərlə yanaşı, sərhədçilərin mənzil-məişət, sosial məsələlərinin həllinə də daim diqqət göstərilir.

Zastavanın texniki binasında əsgərlər üçün müasir səviyyədə hamam və camaşırxana, ərzaq, əşya və silah anbarları, avtomobillərin saxlanması üçün qaraj da yaradılıb. Kinoloji xidmət üçün 7 yerlik və atların saxlanması üçün 12 yerlik tövlə binası tikilib. Ərazidə genişmiqyaslı abadlıq-quruculuq işləri aparılıb, yaşıllıqlar salınıb. Burada hərbçilərin idmanla məşğul olmaları üçün hər cür şərait yaradılıb.

ŞƏRH YAZ
0

Finlandiyanın dövlət başçısı İlham Əliyevi təbrik etdi

Finlandiyanın dövlət başçısı İlham Əliyevi təbrik etdi
15:37
Bu gün
115
Siyasət
A
Finlandiya Respublikasının Prezidenti Sauli Niinistö Azərbaycan Respublikasının Prezidenti İlham Əliyevə təbrik məktubu ünvanlayıb.

"Ölkə.Az"ın məlumatına görə, təbrik mətnində deyilir: 

"Zati-aliləri.

Azərbaycan Xalq Cümhuriyyətinin yaradılmasının 100 illiyi münasibətilə Sizə və xalqınıza səmimi təbriklərimi və ən xoş arzularımı çatdırıram.

Cənab Prezident, xahiş edirəm, ən yüksək ehtiramımı qəbul edəsiniz".

ŞƏRH YAZ
0

Qarabağ Azadlıq Təşkilatı Fransa xarici işlər nazirinə etirazını bildirəcək

Qarabağ Azadlıq Təşkilatı Fransa xarici işlər nazirinə etirazını bildirəcək
15:30
Bu gün
102
Siyasət
A
Qarabağ Azadlıq Təşkilatı mayın 27-də Azərbaycana səfər edəcək Fransanın xarici işlər naziri Jan-İv le Driana etiraz bəyanatı ilə müraciət edəcək.

Bu barədə “Ölkə.Az”a açıqlamasında Qarabağ Azadlıq Təşkilatının sədri Akif Nağı məlumat verib. 

ATƏT-in Minsk qrupunu fəaliyyətsizlikdə ittiham edən A.Nağı deyib ki, Minsk qrupunun həmsədr ölkələrindən biri kimi Fransa da münaqişənin həllində ciddi səylər göstərmir. 

A.Nağlı Minsk qrupunun həmsədr ölkələrindən biri kimi Fransanın fəaliyyətindən narazılığı diqqətə çatdırmaq üçün bəyanatla çıxış etməyi düşündüyünü söyləyib:

“Yəqin ki, Fransanın xarici işlər nazirinin Bakıya səfəri zamanı bəyanat və ya digər formada öz narazılığımızı diqqətə çatdıracağıq. Çünki biz Minsk qrupunun fəaliyyətsizliyindən ciddi narazıyıq”.

Vasif Həsənli
Ölkə.Az

ŞƏRH YAZ
0
BAĞLA