Türkiyə prezidenti 15 iyul mitinqində iştirak etdi — FOTOLAR

Türkiyə prezidenti 15 iyul mitinqində iştirak etdi
09:13
16.07.2018
4382
Siyasət
A
Bu gün axşam saatlarında İstanbulda 15 iyul Türkiyədə dövlət çevrilişinə cəhdin 2-ci ildönümü münasibətilə mitinq keçirilib.

"Ölkə.Az"-ın İstanbula ezam olunan əməkdaşı xəbər verir ki, mitinqdə 10 minlərlə insan iştirak edib. 

Mitinq 15 iyul şəhidlərinin anım mərasimi ilə başlayıb.

Mitinqdə çıxış edən Türkiyə prezidenti Rəcəb Tayyib Ərdoğan bildirib ki, hazırda 15 iyul demokratiya və milli həmrəylik günü münasibətilə təkcə Ankara və İstanbulda deyil, Türkiyənin 81 vilayətində bu cür anım tədbirləri keçirilir:

"15 iyul gecəsi FETÖ-çu alçaqlar qarşısında öz qanları ilə dastan yazan, müstəqilliyimizə, Vətənimizə və dövlətimizə sahib çıxan bütün şəhidlərimizə Allahdan rəhmət diləyirəm. Terrorla mübarizədən xaricdəki hərbi əməliyyatlara qədər millətimizin hüzuru üçün şəhadət yolunda yürüyən bütün qardaşlarımızı burada bir daha yad edirəm. Qazilərimizə öz fədəkarlıqlarına görə ölkəm və millətim adından minnətdarlığımı bildirirəm. Bu gün həm dərin bir kədərin, həm də böyük bir qüruru daxilən hiss edirik. Bir tərəfdən 251 nəfər vətəndaşımızı bir gecədə itirməyin acısını yaşarkən, digər tərəfdən isə dirənişə imza atılmasının qürurunu yaşayırıq. Bir tərəfdən 16-17 yaşlı fidanların həyatını itirməsini yaşadığımız halda digər tərəfdən vətənimizin xilas olmasını iftixarını qeyd edirik. Bədəl ödəmədən heç bir uğur əldə edilməz. Tarix boyu qazandığımız hər zəfərin arxasında bir kədər vardır. 15 iyul zəfəri həmin gecə təyyarələrə və tanklara meydan oxuyan millətimizin qələbəsidir. O gecə türk milləti öz cəsarəti və mübarizliyi ilə Çanaqqala zəfəri ruhunun hələ də həyatda olduğunun göstəricisidir. FETÖ-nun ölüm saçan silahları qarşısında millətimiz canından və qanından daha çox dəyər verdiyi övladlarından keçdi, bu Vətənə naməhrəm əllərin dəyməsinə imkan vermədi. Bir əsr əvvəl "ya istiqlal, ya ölüm" şüarı ilə istiqlal mübarizəsini uğurla başa çatdıran türk milləti 15 iyulda da "bu gün Vətənə sahib çıxmaq gecəsidir" deyərək qiymaçıları məğlubiyyətə düçar edib. Yüz il əvvəl Anadolunu işğlaçılara təslim etməyən igidlərin nəvələri 15 iyulda da FETÖ-çu alçaqlara meydanları, küçələri və mitinq keçirilən bu körpünü haram edib. Bu millət FETÖ-çular vasitəsilə Türkiyəni işğalçıların nəzarətinə keçməsinə imkan verməyib. Mən bu millətin fərdi olmağımdan şərəf hissi keçirirəm".

Prezident qeyd edib ki, nə yaxşı ki, Allah onlara bu mübarizədə Türkiyə millətinə ağalıq etmək deyil, xidmət göstərməyi nəsib edib:

"15 iyul millətin xəyanətə, cəsarətin pisliyə qalib gəldiyi gündür. Bu gün tarixə qızıl hərflərlə yazılıb. Bu mübarizənin və qələbənin memarı 81 milyonluq Türkiyə xalqıdır".

Prezident Ərdoğan bildirib ki, hazırda Moskva və digər şəhərlərdə də bu cür anım mərasimləri təşkil olunur:

"Bu cür anım tədbirləri Qərbdə də keçirilir. Çünki bu nəbz hər yerdə vurur. 15 iyul hadisələri Türkiyə qarşısında yeni qapılar açıb. 15 iyul həm də terrora qarşı ciddi mübarizənin başlanğıcı oldu. Hər kəs əmin olsun ki, FETÖ-nun kökünü tamamilə kəsəcəyik. Qeyd edim ki, indiyədək həm ölkə daxilində, həm də ölkə xaricində FETÖ-ya qarşı uğurlu əməliyyatlar həyata keçirtmişik. Türkiyədə və xarici ölkələrdə dövlətimizə qarşı xəyanət planlarını beşiyində boğduq. Türkiyə sərhədləri yaxınlığında terrorçuların kökünü kəsdik. Bununla əlaqədar "Fərat qalxanı" və "Zeytun budağı" əməliyyatları həyata keçirdik. "Zeytun budağı" əməliyyatı zamanı 4600 terrorçunu məhv etdik. Ölkə daxilində həyata keçirilən əməliyyatlarda 1400 terrorçu zərərsizləşdirildi".

Rəcəb Tayyib Ərdoğan deyib ki, 15 iyul hadisələri kimin Türkiyənin dar günün dostları olduğunu isbat edib:

"O gecə bizim üçün dua edənlərlə FETÖ-nun qələbəsini arzulayanları heç zaman yaddan çıxartmayacağıq. Həmin günü xuntaçılara dəstək verənlərlə demokratiyaya dəstək verənləri heç zaman eyni tərəziyə qoymarıq. Ölkəmizdən qaçan FETÖ-çulara dəstək verən qüvvələri əsla yaddaşımızdan silməyəcəyik. Açıq-aşkar deyirəm ki, kimin harada və necə gəzib-dolaşdığını çox yaxşı bilirik. Kimin kimlərlə iş birliyində olduğunu da kifayət qədər dəqiq görürük. Ümidlərini FETÖ-çu xuntaçılara bağlayanları, 15 iyul gecəsi hadisələrin məcrasının dəyişməsindən sonra necə məyus olduqlarını və bundan necə narahat olduqlarını çox gözəl bilirik. İlk andan çevrilişə qarşı da münasibətini ortaya qoyanları nəzərə alırıq və bundan sonra da alacağıq. İstər ölkə daxilində, istərsə də ölkə xaricində FETÖ ilə mübarizəmizi fasiləsiz davam etdirəcəyik. Budur, Azərbaycandan 2, Ukraynadan da 2 FETÖ-çu ölkəmizə gətirildi. Ölkə xaricində olan FETÖ-çuları bir-bir ölkəyə gətirəcəyik. Pensilvaniyada oturan terror başçısının qollarını artıq kəsdik və belə davam edəcək".

Qeyd edək ki, mitinqdə Türkiyənin sabiq baş nazirləri - Tansu Çillər və Əhməd Davudoğlu da iştirak edib. 


Vasif Həsənli
Ölkə.Az
İstanbul

ŞƏRH YAZ
0

Prezident Oman və Latviya dövlət başçılarını təbrik edib

Prezident Oman və Latviya dövlət başçılarını təbrik edib
16:21
Bu gün
850
Siyasət
A
Prezident İlham Əliyev Omanın Sultanı Qabus bin Səidə təbrik məktubu ünvanlayıb.

Təbrik məktubunda deyilir: "Əlahəzrət, Ölkənizin milli bayramı münasibətilə Sizi və Sizin simanızda bütün xalqınızı öz adımdan və Azərbaycan xalqı adından ürəkdən təbrik edirəm.

Bu əlamətdar gündə Sizə möhkəm cansağlığı və xoşbəxtlik, dost Oman xalqına daim əmin-amanlıq və rifah diləyirəm".

Azərbaycan Prezidenti İlham Əliyev Latviya Respublikasının Prezidenti Raymonds Veyonisə də təbrik məktubu ünvanlayıb:

"Hörmətli cənab Prezident,

Latviya Respublikasının milli bayramı – Müstəqillik Günü münasibətilə Sizə və xalqınıza şəxsən öz adımdan və Azərbaycan xalqı adından ən səmimi təbriklərimi yetirirəm.

Azərbaycan-Latviya münasibətlərinin hazırkı səviyyəsi məmnunluq doğurur. İnanıram ki, ölkələrimiz arasındakı siyasi, iqtisadi və mədəni əlaqələr xalqlarımızın mənafelərinə uyğun olaraq bundan sonra da inkişaf edəcək və genişlənəcəkdir.

Belə bir xoş gündə Sizə möhkəm cansağlığı, işlərinizdə uğurlar, dost Latviya xalqına daim əmin-amanlıq və firavanlıq diləyirəm".

ŞƏRH YAZ
1

"Azərbaycan və Belarus arasında xüsusi münasibətlər var" — Hikmət Hacıyev

15:42
Bu gün
712
Siyasət
A
"Azərbaycan və Belarus arasında xüsusi münasibətlər var. Dövlərlərimiz arasındakı münasibətlər qarşılıqlı anlaşmaya, tərəfdaşlığa və dostluğa əsaslanır. Bu, ilk növbətə dövlət başçıları səviyyəsindəki münasibətlərdir və dostluqdur ki, nəticə etibarilə Azərbaycanla Belarus arasında münasibətlərin, strateji tərəfdaşlığın inkişafına xidmət göstərir".

"Ölkə.Az"ın məlumatına görə, bunu jurnalistlərə Azərbaycan Prezidenti Administrasiyasının Xarici siyasət məsələləri şöbəsinin müdir müavini Hikmət Hacıyev bildirib. 

Onun sözlərinə görə, diplomatik münasibətlərdə və protokolda müstasna bir hal idi ki, Azərbaycan Respublikasının Belarusdakı səfiri Belarus prezidenti tərəfindən qəbul olundu və iki ölkə arasında əməkdaşlığın inkişaf perspektivləri müzakirə olundu: "Həmçinin dövlətimizin başçısı tərəfindən də Belarusun Azerbaycandakı səfiri qəbul olundu. Və diplomatik protokol qaydalarına istisna şəkildə Azərbaycan-Belarus əməkdaşlığın inkişaf etdirilməsi perspektivləri barəsndə geniş bir müzakirələr aparıldı.

Bu gün Azərbaycan və Belarus arasında münasibətlər siyasi, iqtisadi, ticarət, hərbi-texniki, mədəni, humanitar və diqər sahələri əhatə edir və ticarət dövriyyəsi daimi sürətlə artır. Həmçinin də dövlətimizin başçısının yaxın vaxtlarda Belarusa səfəri nəzərdə tututlub. Belə ali səfərlər ölkələrimiz arasında intensiv xarakter daşıyır. Və bu səfər çərçivəsində də çoxsaylı sənədlərin imzalanması nəzərdə tutulub. Hesab edirik ki, bu səfər nəticə etibarilə Azərbaycan və Belarusiya arasındandakı əlaqələrin inkişafına daha da ciddi bir şəkildə təkan verəcək". 

Ölkə.Az

ŞƏRH YAZ
0
BAĞLA