Prezident İlham Əliyevin ünvanına təbriklər gəlməkdə davam edir

Prezident İlham Əliyevin ünvanına təbriklər gəlməkdə davam edir
22:44
26.04.2018
2276
Siyasət
A
İtaliya-Azərbaycan Parlamentlərarası Dostluq Qrupunun sədri, İtaliya Senatının senatoru Sercio Divinadan Prezident İlham Əliyevin ünvanına təbrik məktubu gəlib.

"Ölkə.Az"ın məlumatına görə, məktubda deyilir:

"Möhtərəm cənab Prezident. Yenidən dövlət başçısı seçilməyiniz və xalqınızın Zati-alinizə böyük etimadının aydın təzahürü olan inamlı qələbəniz münasibətilə Sizi İtaliya-Azərbaycan Parlamentlərarası Dostluq Qrupunun sədri kimi ürəkdən təbrik edirəm.

Sizin rəhbərliyinizlə ölkələrimiz arasındakı münasibətlərin daim qarşılıqlı məmnunluq doğuracağına əminliyimi ifadə edir və bu xoş fürsətdən istifadə edərək Sizə ən səmimi salamlarımı çatdırıram".

XXX

Dünya Taekvando Federasiyasının prezidenti Çunq Von Çodan:

"Zati-aliləri. Yenidən Azərbaycan Respublikasının Prezidenti seçilməyiniz münasibətilə Sizi Dünya Taekvando Federasiyası adından səmimi qəlbdən təbrik edirəm. Seçkilərdə inamlı qələbəniz Azərbaycanın inkişafı naminə gördüyünüz böyük işlərə xalqın verdiyi qiymətin təsdiqidir.

Dünya Taekvando Federasiyası ilə Azərbaycan Respublikası arasında çox gözəl işgüzar münasibətlər mövcuddur. Son illər ərzində idmanın taekvando növü Azərbaycanda çox geniş inkişaf edib və biz bu işdə Sizin xidmətlərinizi yüksək qiymətləndiririk. Federasiyamızın hər bir üzvü Azərbaycanda taekvandonun daha da inkişaf etməsi üçün Sizinlə sıx əməkdaşlıq etmək niyyətindədir.

Zati-aliləri, Sizə prezidentliyinizin yeni dönəmində daha böyük uğurlar arzulayıram".

XXX

Beynəlxalq Paralimpiya Komitəsinin sabiq prezidenti Filip Kravendən:

"Cənab Prezident. Yenidən Azərbaycan Respublikasının Prezidenti seçilməyiniz münasibətilə Sizi səmimi qəlbdən təbrik edirəm. Azərbaycan Milli Paralimpiya Komitəsinə göstərdiyiniz dəstəyə görə Sizə minnətdarlığımı bildirirəm.

Azərbaycan Milli Paralimpiya Komitəsinin sürətlə inkişaf etməsini görmək məni çox sevindirir. Paralimpiya oyunlarına nisbətən yeni qoşulan bir ölkənin idmanın bu sahəsində yüksək uğurlar qazanmasını görmək çox xoşdur. Bu uğurlar Sizin Milli Paralimpiya Komitəsinə göstərdiyiniz yüksək diqqət və qayğının nəticəsidir.

Prezidentliyinizin yeni dönəmində Sizə daha böyük uğurlar arzulayıram. Əminəm ki, Azərbaycan Milli Paralimpiya Komitəsi qarşıdakı illərdə daha böyük nailiyyətlər əldə edəcəkdir".

XXX

Ümumdünya Əqli Mülkiyyət Təşkilatının baş direktoru Francis Qarridən Prezident İlham Əliyevin ünvanına təbrik məktubu gəlib.

Təbrikdə deyilir: "Hörmətli cənab Prezident. Yenidən Azərbaycan Respublikasının Prezidenti seçilməyiniz münasibətilə Sizi səmimi qəlbdən təbrik edir, ali dövləti vəzifənizdə uğurlar arzulayıram. Əminəm ki, Azərbaycan Respublikası Sizin rəhbərliyinizlə daha da inkişaf edəcək.

İnanıram ki, Azərbaycan Respublikası ilə Ümumdünya Əqli Mülkiyyət Təşkilatı (ÜƏMT) arasında ən yüksək səviyyədə olan əlaqələr davam etdiriləcək və gələcəkdə daha da möhkəmlənəcək.

Hörmətli cənab Prezident, mənim ən yüksək ehtiramımı qəbul etməyinizi xahiş edirəm".

XXX

Beynəlxalq Miqrasiya Təşkilatının baş direktoru Uilyam Leysi Svinqdən Prezident İlham Əliyevin ünvanına təbrik məktubu gəlib.

Təbrikdə deyilir: "Yenidən Azərbaycan Respublikasının Prezidenti seçilməyiniz münasibətilə Sizi Beynəlxalq Miqrasiya Təşkilatı adından və şəxsən öz adımdan səmimi qəlbdən təbrik etməyi özümə şərəf bilir və bundan məmnunluq duyuram.

Miqrasiya XXI əsrin qlobal gündəliyində əsas məsələlərdən biri kimi yer alıb və ölkənizdə bu məsələyə xüsusi diqqət yetirilir. Beynəlxalq Miqrasiya Təşkilatı 1996-cı ildən etibarən Azərbaycan Respublikasında fəaliyyət göstərir və miqrasiya ilə bağlı məsələlərin həllində hökumətinizə yardım edir.

Beynəlxalq Miqrasiya Təşkilatı tərəfindən miqrasiyanın fərdlər, icmalar və ümumiyyətlə cəmiyyət üçün yaratdığı imkanların daha yaxşı tənzimlənməsi istiqamətində hökumətinizlə Bakıda, Cenevrədə və digər yerlərdə müzakirələri davam etdirmək niyyətindəyik.

Səmimi qəlbdən inanıram ki, Azərbaycan Respublikası ilə Beynəlxalq Miqrasiya Təşkilatı arasında əməkdaşlıq möhkəmlənməkdə və dərinləşməkdə davam edəcək və ölkənizin gələcək inkişafına öz töhfəsini verəcəkdir.

Zati-aliləri, prezidentliyinizin yeni dönəmində Sizə böyük uğurlar diləyir və ən yüksək ehtiramımı qəbul etməyinizi xahiş edirəm".

ŞƏRH YAZ
0

“Münaqişənin nizamlanması əsas vəzifə olacaq” — Elmar Məmmədyarov

“Münaqişənin nizamlanması əsas vəzifə olacaq”
18:47
Bu gün
987
Siyasət
A
Dağlıq Qarabağ münaqişəsinin nizamlanması yollarının axtarışı 2019-cu ildə Azərbaycan üçün əsas vəzifə olaraq qalacaq.

"Ölkə.Az"ın məlumatına görə, bunu Azərbaycanın xarici işlər naziri Elmar Məmmədyarov ölkəmizdə fəaliyyət göstərən diplomatik korpusun rəhbərləri ilə 2018-ci ilin yekunlarına həsr edilmiş qəbulda deyib. 

Nazir qeyd edib: "Əsas vəzifələrimizdən biri müstəqilliyimizin möhkəmləndirilməsi idi. Fəaliyyətimin böyük hissəsini Dağlıq Qarabağ münaqişəsinin həlli yollarının axtarışına həsr etmişəm. Bu, gələn ilin də əsas vəzifəsi olacaq. Əsas məqsəd nəzərəçarpacaq nəticələrə nail olmaqdır. Bu, təkcə mənim yox, hər bir azərbaycanlının arzusudur. Hesab edirəm ki, uzun müddətdən sonra ilk dəfə Milanda erməni həmkarımla son görüşüm zamanı qarşılıqlı anlaşma əldə edə bildik". 

E.Məmmədyarov bildirib ki, növbəti ayda Ermənistanın xarici işlər naziri ilə görüşü olacaq: “Biz Dağlıq Qarabağ münaqişəsinin həlli yollarını müzakirə edəcəyik. Azərbaycan münaqişənin sülh yolu ilə həllinin tərəfdarıdır”. 

Bu il əldə olunan mühüm nailiyyətlərdən danışan nazir Xəzər dənizinin hüquqi statusunun müəyyən edilməsini xüsusi vurğulayıb: "Bu, böyük irəliləyişdir, nəhayət, uzun illərdən sonra biz buna nail olduq". 

ŞƏRH YAZ
0

Ankarada Azərbaycan-Türkiyə 11-ci Yüksək Səviyyəli Hərbi Dialoq İclası keçirilir

Ankarada Azərbaycan-Türkiyə 11-ci Yüksək Səviyyəli Hərbi Dialoq İclası keçirilir
18:28
Bu gün
858
Siyasət
A
Ankarada Azərbaycan-Türkiyə 11-ci Yüksək Səviyyəli Hərbi Dialoq İclası öz işinə başlayıb.

Müdafiə Nazirliyindən "Ölkə.Az"a verilən məlumata görə, əvvəlcə Azərbaycan nümayəndə heyəti Ankara şəhərindəki Heydər Əliyev parkını ziyarət edib. Azərbaycan Respublikasının Müdafiə Nazirliyi adından ulu öndərin abidəsi önünə əklil qoyulub. Nümayəndə heyəti həmçinin Atatürk mövzoleyini də ziyarət edib. Azərbaycan Respublikasının Müdafiə Nazirliyi adından Atatürkün məzarı önünə əklil qoyulub.

Sonra nümayəndə heyətləri plenar açılış iclasında geniş tərkibdə iştirak ediblər. İclasda həmsədrlərin açılış nitqləri səsləndirilib və regional təhlükəsizlik mühitinin vəziyyətinə dair brifinqlər təqdim olunub.

Daha sonra iclas yardımçı işçi qruplarda davam edib.

Dekabrın 20-dək davam edəcək iclasda Azərbaycan ilə Türkiyə arasında təhlükəsizlik, hərbi, hərbi-texniki, hərbi tibb, hərbi təhsil, hərbi sənaye və digər sahələrdə əməkdaşlığın hazırkı vəziyyəti, inkişaf perspektivləri, hər iki ölkənin orduları arasında dostluq əlaqələrinin möhkəmləndirilməsi məsələləri, eləcə də 2019-cu ildə qarşıda duran vəzifələrin yerinə yetirilməsi üçün əsas fəaliyyət istiqamətləri müzakirə ediləcək.
Hərbi dialoq çəçivəsində müzakirələrdə cari ildə görülmüş işlər təhlil edilərək 2019-cu il üçün fəaliyyət planı razılaşdırılacaq.

Qeyd edək ki, iclasın Azərbaycan tərəfindən həmsədri Müdafiə nazirinin şəxsi heyət üzrə müavini-Şəxsi Heyət Baş İdarəsinin rəisi general-leytenant Kərim Vəliyev, Türkiyə tərəfindən isə Baş Qərargahın ikinci rəisi korpus generalı Mətin Gürakdır.

ŞƏRH YAZ
0
BAĞLA