Prezident İlhan Aküzümü “Dostluq” ordeni ilə təltif etdi

Prezident İlhan Aküzümü “Dostluq” ordeni ilə təltif etdi
17:27
13.09.2017
25
Siyasət
A

Azərbaycan Prezidenti İlham Əliyev İlhan Aküzümün “Dostluq” ordeni ilə təltif edilməsi haqqında sərəncam imzalayıb.

Sərəncamda qeyd olunur ki, Azərbaycanla Türkiyə arasında dostluq əlaqələrinin möhkəmləndirilməsi və diaspor quruculuğu sahəsində səmərəli fəaliyyətinə görə İlhan Aküzüm “Dostluq” ordeni ilə təltif edilsin.

ŞƏRH YAZ
0

Ramiz Mehdiyev MDB dövlətləri təhlükəsizlik şuraları katiblərinin görüşündə iştirak edib

Ramiz Mehdiyev MDB dövlətləri təhlükəsizlik şuraları katiblərinin görüşündə iştirak edib
18:08
Bu gün
374
Siyasət
A
Prezident Administrasiyasının rəhbəri Ramiz Mehdiyev Moskvada şəhərində keçirilən MDB dövlətlərinin təhlükəsizlik şuraları katiblərinin beşinci görüşündə iştirak edib.

"Ölkə.Az"ın APA-ya istinadən məlumatına görə, görüşdə MDB məkanında radikal dini cərəyanların yayılmasının qarşısının alınması məsələləri, habelə Əfqanıstan İslam Respublikasında vəziyyət və Orta Asiya regionu dövlətlərinin təhlükəsizliyinin təmin edilməsi tədbirləri müzakirə edilib, beynəlxalq terrorçuluğa qarşı mübarizənin bəzi aspektləri ilə bağlı məruzələr dinlənilib.
 
R. Mehdiyev tədbirdə məruzə ilə çıxış edib. Çıxışda dini radikalizmin, ekstremizmin və terrorçuluğun qarşısının alınması sahəsində Azərbaycanın müsbət təcrübəsi, o cümlədən müvafiq qanunvericiliyin təkmilləşdirilməsi, ölkəmizin hüquq mühafizə orqanları və xüsusi xidmətlərinin səmərəli fəaliyyəti barədə ətraflı məlumat verilib.
 
Tədbir çərçivəsində R. Mehdiyev Rusiya Federasiyası Təhlükəsizlik Şurasının katibi Nikolay Patruşev və katibin müavini Rəşid Nurqaliyev, habelə Belarus Respublikası Təhlükəsizlik Şurasının dövlət katibi Stanislav Zas ilə ikitərəfli görüşlər keçirib. Görüşlərdə təhlükəsizlik şuraları xətti üzrə əməkdaşlığın inkişafı məsələləri müzakirə edilib, həmçinin Rusiya Federasiyası Təhlükəsizlik Şurasının Aparatı ilə 2018-2019-cu illər üçün Əməkdaşlıq Planı imzalanıb.

ŞƏRH YAZ
1

Spiker: Büdcədə neftin qiymətinə yenidən baxıla bilər

Spiker: Büdcədə neftin qiymətinə yenidən baxıla bilər
17:11
Bu gün
632
Siyasət
A
“Lazım olacaqsa, gələn ilin may ayında büdcədə dəyişiklik edib, neftin qiymətinə yenidən baxa bilərik”.

"Ölkə.Az"ın APA-ya istinadən məlumatına görə, bunu Milli Məclisin bu gün keçirilən iclasında 2018-ci il üzrə büdcə müzakirələri zamanı spiker Oqtay Əsədov deputatların neftin qiymətinin büdcədə 45 dollardan götürülməsi ilə bağlı narahatlığına cavab olaraq deyib.
 
O qeyd edib ki, neftin qiymətinin hazırda 45 dollardan götürülməsində məqsəd riskləri qabaqlamaqdır: “Hazırda neftin qiyməti bu göstəricidən yuxarıdır. Belə olacağı təqdirdə, biz gələn il büdcəyə may ayında yenidən baxa bilərik. Təki neftin qiyməti düşməsin”. 

ŞƏRH YAZ
0
BAĞLA