Prezident MSK-ya deputatları cəzalandırmaq hüququ verən qanunu imzalayıb

Prezident MSK-ya deputatları cəzalandırmaq hüququ verən qanunu imzalayıb
10:38
12.01.2018
1426
Siyasət
A
Prezident İlham Əliyev Seçki Məcəlləsində dəyişikliklər edilməsi haqqında qanunu imzalayıb.

"Ölkə.Az"ın xəbərinə görə, Seçki Məcəlləsindəki dəyişikliklərdən biri də Mərkəzi Seçki Komissiyasına deputatları cəzalandırmaq hüququ verir.

Məcəllənin indiyədək qüvvədə olan 175-ci (Milli Məclisin deputatının mandatdan məhrum edilməsi haqqında qərarın qəbul edilməsi) maddəsinə əsasən, Konstitusiyanın 89-cu (Azərbaycan Milli Məclisi deputatlığından məhrumetmə və Milli Məclisin deputatlarının səlahiyyətlərinin itirilməsi) maddəsinin I hissəsinin 2-ci (Azərbaycan Respublikası vətəndaşlığından çıxdıqda və ya başqa dövlətin vətəndaşlığını qəbul etdikdə), 4-cü (dövlət orqanlarında vəzifə tutduqda, din xadimi olduqda, sahibkarlıq, kommersiya və başqa ödənişli fəaliyyətlə məşğul olduqda (elmi, pedaqoji və yaradıcılıq fəaliyyəti istisna olmaqla), 5-ci (özü imtina etdikdə) bəndlərdə göstərilən əsaslar olduqda, deputatın mandatdan məhrum edilməsi haqqında qərarı Mərkəzi Seçki Komissiyası qəbul edir.

Hazırda isə məcəlləyyə 6-cı (Bu Konstitusiyanın 93-cü maddəsinin III hissəsinin (Azərbaycan Respublikası Milli Məclisinin deputatları səsvermə hüququnu şəxsən həyata keçirirlər) tələbini pozduqda), 7-ci (deputat üçün qanunla müəyyən edilmiş etik davranış qaydalarını kobud surətdə pozduqda) bəndlər də əlavə edilib. Həmin şikayətə 15 gün müddətində baxılmalıdır. İş üzrə apellyasiya instansiyası məhkəməsinin qərarından həmin qərarın tam formada təqdim olunduğu gündən 10 gün müddətində Ali Məhkəməyə şikayət verilə bilər. Bu şikayətə 15 gün müddətində baxılmalıdır.

Məcəlləyə 176.2-1 maddə əlavə edilib. Maddəyə əsasən, Azərbaycan Respublikası Konstitusiyasının 89-cu maddəsinin I (Azərbaycan Respublikası Milli Məclisinin deputatı bu hallarda mandatından məhrum edilir) hissəsinin 6-cı ((Bu Konstitusiyanın 93-cü maddəsinin III hissəsinin (Azərbaycan Respublikası Milli Məclisinin deputatları səsvermə hüququnu şəxsən həyata keçirirlər) tələbini pozduqda) və 7-ci (deputat üçün qanunla müəyyən edilmiş etik davranış qaydalarını kobud surətdə pozduqda) bəndlərində göstərilən hallarla əlaqədar Mərkəzi Seçki Komissiyasına Milli Məclisin rəsmi məlumatı daxil olduqdan sonra 15 gündən gec olmayaraq Mərkəzi Seçki Komissiyası həmin rəsmi məlumatı müzakirə edərək müvafiq qərar qəbul edir. Azərbaycan Respublikası Konstitusiyasının 89-cu maddəsinin I hissəsinin 2-ci, 4-cü, 5-ci, 6-cı və 7-ci bəndlərində göstərilən hallarda qərarın Mərkəzi Seçki Komissiyası tərəfindən qəbul edilməsi günündən birmandatlı seçki dairəsi üzrə seçilmiş deputat mandatından məhrum edilmiş sayılır.

Məcəllənin 176.4 maddəsində edilən dəyişikliyə əsasən, deputat mandatının boş qalmasından sonra bir ay müddətində müəyyənləşdirilmiş qaydada müvafiq birmandatlı seçki dairəsi üzrə əlavə seçkilər təyin edilir. Deputatın mandatdan məhrum edilməsi haqqında Mərkəzi Seçki Komissiyasının qərarından məhkəməyə şikayət verdiyi hallarda müvafiq birmandatlı seçki dairəsi üzrə əlavə seçkilər məhkəmədə işə baxılmasının nəticələrindən asılı olaraq təyin edilir.

ŞƏRH YAZ
0

Ümummilli lider Heydər Əliyevin xatirəsi Türkiyədə daim yaşayacaq — Prezident Administrasiyası

Ümummilli lider Heydər Əliyevin xatirəsi Türkiyədə daim yaşayacaq
21:50
Bu gün
136
Siyasət
A
Azərbaycanın ümummilli lideri, mərhum Prezident Heydər Əliyevin xatirəsi Türkiyədə daim yaşayacaq.

"Ölkə.Az" bildirir ki, bu barədə trend-ə Türkiyə Prezidenti Administrasiyasından bildiriblər.

Qeyd olunub ki, ulu öndər Heydər Əliyev Türkiyə-Azərbaycan münasibətlərinin banisi olmaqla yanaşı, Türk dünyasının sevilən liderlərindən biri olub:

"Türkiyə-Azərbaycan münasibətlərinin bir millət - iki dövlət prinsipi ilə inkişafında və təşəkkülündə Heydər Əliyevin rolu əvəzsizdir".

Prezident Administrasiyasından deyilib ki, ümummilli lider Heydər Əliyev Türkiyə və Azərbaycan arasında əlaqələri möhkəmləndirməklə yanaşı, önəmli enerji layihələrinin də əsasını qoyub:

"Bu gün Türkiyə və Azərbaycan arasında əlaqələrin daha da güclənməsi siyasəti ölkə Prezidenti İlham Əliyev tərəfindən yüksələn xətt üzrə inkişaf etdirilir".

Ölkə.Az

ŞƏRH YAZ
0

Nəcməddin Sadıkov NATO Müttəfiq Qüvvələrinin Avropadakı Baş komandanı ilə görüşüb — FOTO

Nəcməddin Sadıkov NATO Müttəfiq Qüvvələrinin Avropadakı Baş komandanı ilə görüşüb
20:42
Bu gün
957
Siyasət
A
Azərbaycan Respublikası müdafiə nazirinin birinci müavini - Silahlı Qüvvələrin Baş Qərargah rəisi, general-polkovnik Nəcməddin Sadıkov NATO Müttəfiq Qüvvələrinin Avropadakı Baş komandanı (SACEUR), general Körtis Skaparottinin başçılıq etdiyi nümayəndə heyəti ilə görüşüb.

"Ölkə.Az" bildirir ki, Müdafiə Nazirliyindən verilən məlumata görə, general-polkovnik N.Sadıkov Şimali Atlantika Alyansı ilə hərbi əlaqələrin inkişaf etdiyini qeyd edərək Azərbaycan ilə NATO arasında hərbi əməkdaşlıq, o cümlədən Azərbaycan Ordusunun müxtəlif proqramlar çərçivəsində fəaliyyəti, Əfqanıstandakı Qətiyyətli Dəstək Missiyasına verilən töhfə haqqında ətraflı danışıb.

Bölgədəki hərbi-siyasi vəziyyətə toxunan general-polkovnik N.Sadıkov Dağlıq Qarabağ münaqişəsinin Azərbaycanın ərazi bütövlüyü və beynəlxalq hüquq normaları çərçivəsində həllinə nail olunmasının vacibliyini vurğulayıb.

NATO-nun ölkəmizin ərazi bütövlüyü və suverenliyinə dair mövqeyini yüksək qiymətləndirən general-polkovnik N.Sadıkov Alyansın bundan sonra da bu istiqamətdə səylərinin davam edəcəyinə əminliyini ifadə edib.

Ölkə.Az

Öz növbəsində, general K.Skaparotti Azərbaycanın Alyansın etibarlı tərəfdaşı olduğunu xüsusi qeyd edərək ölkəmizin terrorizmlə mübarizədə iştirakını, sülhməramlı əməliyyatlar üçün yük daşımalarına önəmli töhfə verdiyini, Əfqanıstanda həyata keçirilən əməliyyatlarda göstərilən peşəkarlığı yüksək qiymətləndirib.

General K.Skaparotti NATO-nun Azərbaycanın ərazi bütövlüyünü, müstəqilliyini və suverenliyini dəstəklədiyini bildirərək Alyansın Ermənistan-Azərbaycan, Dağlıq Qarabağ münaqişəsinin sülh yolu ilə həllinin tərəfdarı olduğunu diqqətə çatdırıb.

Qonaq səmimi qəbula və göstərilən qonaqpərvərliyə, həmçinin sabah Bakıda Rusiya Federasiyası Silahlı Qüvvələrinin Baş Qərargah rəisi ilə görüşün keçirilməsi üçün yaradılan şəraitə görə Azərbaycan dövlətinin rəhbərliyinə minnətdarlığını bildirib.

Görüşdə tərəflər qarşılıqlı maraq doğuran bir sıra məsələlər barədə fikir mübadiləsi aparıblar.

ŞƏRH YAZ
0
BAĞLA