KORONAVİRUSA YOLUXANLARIN SAYI - CANLI STATİSTİKA

Prezident mükafatına layiq görülən sənətkarlar — Bunun sevincini sözə çevirmək qeyri-mümkündür

Prezident mükafatına layiq görülən sənətkarlar
19:11
07.05.2020
6826
Mədəniyyət
A
Bu gün Prezident İlham Əliyev bir qrup incəsənət xadiminə Azərbaycan Respublikası Prezidentinin mükafatının verilməsi haqqında sərəncam imzalayıb.

 Səhnə fəaliyyəti ilə bağlı mükafatla təltif olunan incəsənət nümayəndələrinin təəssüratlarını öyrənmək üçün “Ölkə.Az”ın əməkdaşı onlarla əlaqə saxlayıb.

Əməkdar artist Ədilə Əflaki çox sevincli olduğunu söyləyib.

“Elə indi əmim oğlu mənə xəbər verdi, inanın, sevincimin həddi-hüdudu yoxdur. 50 illik milli muğam sənətinə xidmətlərimin bəhrəsini gördüm. Mən, Prezident İlham Əliyevə və Birinci vitse-prezident Mehriban Əliyevaya səmimi qəlbdən təşəkkürümü bildirirəm. Bu, 50 illik xidmətlərimi dəyərləndirdikləri üçün onlara minnətdəram. Onlar incəsənət xadimlərini heç bir zaman yaddan çıxarmır, qayğılarını əsirgəmirlər”.

Əməkdar artist Sənubər İsgəndərli: 

“Çox sağ olsun, cənab Prezident belə bir ağır vaxtlarda yenə də sənət adamlarını diqqətdən kənar qoymadı.  Dövlət başçımız bizə hər zaman dayaq və dəstək olur. Bunun sevincini sözə çevirmək qeyri-mümkündür. Bir daha İlham Əliyevə və Birinci vitse-prezident Mehriban Əliyevaya sonsuz təşəkkürlərimi bildirirəm”.

Xalq artisti, aktyor Əjdər Həmidov: 

“Bu, çox gözəl təəssüratdır. Çox sevincliyəm ki, mən Prezidentimiz tərəfindən bu mükafata layiq görüldüm. Mən tək deyiləm, digər həmkarlarım, incəsənət xadimləri də mükafatlandırılıb. Buna görə, həm öz adımdan, həm də aktyor dostlarımın adından Prezident İlham Əliyevə və Birinci vitse-prezident Mehriban Əliyevaya sonsuz təşəkkürlərimi bildirirəm”.

Vüsalə Balayeva
Ölkə.Az

 

ŞƏRH YAZ
1

Azərbaycanın məşhur əməkdar artisti VƏFAT ETDİ — FOTO- SON DƏQİQƏ

Azərbaycanın məşhur əməkdar artisti VƏFAT ETDİ
21:05
05.07.2020
5610
Mədəniyyət
A
Akademik Milli Dram Teatrının aktyoru, əməkdar artist Tofiq Hüseynov vəfat edib.

“Ölkə.Az” xəbər verir ki, bu barədə aktrisa Rada Nəsibova “Facebook” səhifəsində məlumat verib.

“Daha bir sənətkarımız dünyasını dəyişdi. Nə deyim, gözəl insan, söz tapa bilmirəm. Sizdən zərrə qədər incikliyimiz olmadı. Yeriniz hər zaman görünəcək. Çox heyif. Nur içində yatın”.

Qeyd edək ki, Tofiq Əbdülrəhim oğlu Hüseynov 1949-cu il iyun 24-də Bakı şəhərində anadan olub. Tofiq Əbdülrəhim oğlu Hüseynov 1971-ci ildə M.A.Əliyev adına Azərbaycan Dövlət İncəsənət İnstitutunun dram və kino aktyoru fakültəsini bitirmişdir.Tofiq Hüseynov bir çox teatrların səhnəsində çalışmış, müxtəlif obrazlar oynamışdı. Bunlar: Rza bəy (“O olmasın, bu olsun”,Ü.Hacıbəyov),Əzrayıl (“Bu meydan, bu şeytan”,F.Aşurov),Mərd Mazarov (“Adamın adamı”,Anar),Hacı Namazalı (“Danabaş kəndinin məktəbi” C.Məmmədquluzadə),Tülkü (“Cücələrim” T.Mütəlibbov ),Cəbi (“Hacı Qəmbər”,N.Vəzirov ),Şah Kreon (J.Anuy “Medeya”),Vəzir Zəban (O.Altunbay “Tomris”) obrazlarıdır.

Tofiq Hüseynov 2001-ci ildən Azərbaycan Dövlət Akademik Milli Dram Teatrında çalışır.Teatrın repertuarındakı müxtəlif janrlı tamaşalarda rollar oynayıb.Onlardan:Komiyonçu “Kəllə”(N.Hikmət),Knyaz Orbeliani “Brüsseldən məktublar”( H.Həsənov),Oqtay “Rəqabət”(B.Vahabzadə),Hacı Kərim “Ölülər” (C.Məmmədquluzadə), Rüstəm xan(“Eloğlu”,A.Şaiq),Qala rəisi(“Xurşidbanu Natəvan”,İ.Əfəndiyev),Bekar Ağabala “Dirilən adam”( Mir Cəlal),Katib “Ölüləri qəbiristanlıqda basdırın”( İ.Şıxlı),Ağamusa Fərəcov “Dəlilər və ağıllılar” (İ.Əfəndiyev),Əcəl “Alın yazısı”( T.Minnullin) və digər obrazları tamaşaçı maraqla qarşılayıb.

Aktyor “Meteranpaj”(Kamayev),”3-mollanın sərgüzəşti”(Mola Vəli),”Şkafda adam”(Ər),Molla Nəsrəddinin lətifələri əsasında eyniadlı əsərin tamaşalarında, “Marş” (Komandir),“Dəvətnamə”(Briqadir),”O dünyadan salamlar”(Əli bəy), “Bahar ərəfəsində”(Direktor) və s.filmlərə çəkilib.

Tofiq Hüseynov 2009-cu ildə Azərbaycan Respublikasının Əməkdar artisti fəxri adına layiq görülüb.

Xatırladaq ki, Tofiq Hüseynov xərçəng xəstəliyindən əziyyət çəkirdi.

ŞƏRH YAZ
0

Əməkdar artistin bacısı — KORONAVİRUSA yoluxdu

Əməkdar artistin bacısı
21:33
03.07.2020
4072
Mədəniyyət
A
"Koronavirus bizim ailədən də yan keçmədi. Bacım virusa yoluxub, indi ev şəraitində müalicə alır".

"Ölkə.Az" xəbər verir ki, bunu Əməkdar artist Gülüstan Əliyeva deyib.

Müğənni bacısına görə narahat olduğunu bildirib: "Bacımın vəziyyəti əvvəl ağır idi, indi səhhəti düzəlib. Evdə müalicələrini davam etdirir. Neçə vaxtdır ki, başımız ona qarışıb. Mən özüm də qorunuram.

Tibbi maska taxıram, əlcək geyirəm. Spirt həmişə çantamda olur. Doğrudur, bacımın koronavirusa yoluxması əhvalımıza təsir edib.

Amma son günlər sağalma müşahidə edilir, bu səbəbdən tezliklə əvvəlki vəziyyətə qayıdacağına ümid edirik". //Showxeber.az

ŞƏRH YAZ
0
BAĞLA