KORONAVİRUSA YOLUXANLARIN SAYI - CANLI STATİSTİKA

Prezident çinli rəsmiləri qəbul etdi — - YENİLƏNİB

Prezident çinli rəsmiləri qəbul etdi
16:35
22.07.2019
1817
Siyasət
A
Dövlət başçısı Azərbaycan Respublikası ilə Çin Xalq Respublikası arasında ikitərəfli münasibətlərin müxtəlif sahələrdə uğurla inkişaf etdiyini bildirib.

"Ölkə.Az"ın xəbərinə görə, Çinə son səfərini məmnunluqla xatırlayan Prezident İlham Əliyev Çin Xalq Respublikasının Sədri Si Cinpinlə görüşü zamanı münasibətlərimizin gələcək inkişafı ilə bağlı səmərəli danışıqların aparıldığını qeyd edib və bu səfər zamanı 10 mühüm sənədin imzalanmasının və Çinin aparıcı şirkətlərinin rəhbərləri ilə keçirdiyi görüşlərin əməkdaşlığın genişləndirilməsi baxımından önəmli olduğunu deyib. Prezident İlham Əliyev bu yaxınlarda Çinin Sian şəhərindən Azərbaycana yük qatarının gəlməsini əməkdaşlığımızın iqtisadi, nəqliyyat sahələrində yaxşı perspektivlərə malik olmasının göstəricisi kimi dəyərləndirib. Dövlət başçısı münasibətlərimizin inkişafında müxtəlif səviyyəli qarşılıqlı səfərlərin rolunu qeyd edərək Çinin Xarici İşlər nazirinin bu il ölkəmizə səfərinin əlaqələrimizin yaxşı göstəricisi olduğunu deyib.

Xoş sözlərə görə minnətdarlığını bildirən Çin Kommunist Partiyası Mərkəzi Komitəsinin Beynəlxalq əlaqələr şöbəsinin müdiri Sun Tao, ilk növbədə, Çin Xalq Respublikasının Sədri Si Cinpinin salamlarını dövlət başçısına çatdırıb. Sun Tao qeyd edib ki, Çin Xalq Respublikası Sədrinin və Azərbaycan Respublikası Prezidentinin rəhbərliyi ilə müxtəlif sahələri əhatə edən əlaqələrimiz uğurla inkişaf edir. Qonaq qeyd edib ki, Azərbaycan Prezidenti İlham Əliyevin uzaqgörən və düşünülmüş siyasəti nəticəsində ölkəmizdə bütün sahələrdə ciddi uğurlar qazanılıb.

Sun Tao bu ilin aprelində Pekində keçirilən “Bir kəmər, bir yol” beynəlxalq forumunda Prezident İlham Əliyevin iştirakının önəmini qeyd edib. O, bu səfər zamanı Çin Xalq Respublikasının Sədri ilə Azərbaycan Prezidenti arasında əlaqələrimizin genişləndirilməsi ilə bağlı mühüm razılaşmaların əldə edilməsinin əhəmiyyətini vurğulayıb.

Dövlət başçısı Çin Xalq Respublikasının Sədri Si Cinpinin salamlarına görə minnətdarlığını bildirib, onun da salamlarını Çin Xalq Respublikasının Sədrinə çatdırmağı xahiş edib.

Görüşdə iki ölkənin hakim partiyaları arasında əlaqələrin inkişafından məmnunluq ifadə olunub və bu çərçivədə gənclərin, elm adamlarının və ictimai xadimlərin səfər mübadilələrinin həyata keçirilməsinin vacibliyi qeyd edilib.

***

Azərbaycan Respublikasının Prezidenti İlham Əliyev iyulun 22-də Çin Kommunist Partiyası Mərkəzi Komitəsinin Beynəlxalq əlaqələr şöbəsinin rəhbəri Sun Taonun başçılıq etdiyi nümayəndə heyətini qəbul edib.

"Ölkə.Az"ın xəbərinə görə, bu barədə Azərbaycan Prezidentinin Mətbuat xidməti məlumat yayıb.

Ölkə.Az

ŞƏRH YAZ
0

Vəziyyəti ağırlaşdığı üçün Türkiyəyə aparılan deputatdan xəbər var

Vəziyyəti ağırlaşdığı üçün Türkiyəyə aparılan deputatdan xəbər var
12:27
Bu gün
646
Siyasət
A

“Hazırda millət vəkili Vahid Əhmədovun səhhəti normaldır. Artıq müalicəsi bitmək üzrədir”.

Ölkə.Az xəbər verir ki, bunu Oxu.Az-a açıqlamasında millət vəkilinin köməkçisi Arif Orucov bildirib.

O qeyd edib ki, V.Əhmədov özünü yaxşı hiss edir:

“Hər gün əlaqə saxlayıram, vəziyyəti stabildir. Risk geridə qalıb. Bazar ertəsi həkimlər bir də müayinə edəcək və rəy verəcəklər. Daha sonra Azərbaycana qayıtması barədə qərar qəbul ediləcək”.

Qeyd edək ki, bir neçə müddət əvvəl Vahid Əhmədovun səhhəti ağırlaşıb. Ürəyində problem yarandığı üçü o, təcili olaraq özəl təyyarə ilə Türkiyəyə aparılıb.

ŞƏRH YAZ
0

Deputat: “İqtidar-müxalifət münasibətlərində yeni siyasi münasibətlər sisteminin formalaşmasını görməkdəyik”

Deputat: “İqtidar-müxalifət  münasibətlərində yeni siyasi münasibətlər  sisteminin formalaşmasını görməkdəyik”
12:00
Bu gün
706
Siyasət
A

“Son bir neçə ildə Azərbaycan Prezidenti cənab İlham Əliyev  tərəfindən  həyata keçirilən genişmiqyaslı islahatlar, siyasi sahəni də əhatə etməkdədir. Siyasi sahədə həyata keçirilən islahatlar nəticəsində ölkədə siyasi sistemin yeni konfiqurasiyası formalaşmaqdadır”.

Bunu “Ölkə.Az”a açıqlamasında  millət vəkili Ülvi Quliyev  Azərbaycanda həyata keçirilən iqtidar-müxalifət dialoqu və siyasi partiyaların rəsmi qeydiyyatı ilə bağlı məsələni şərh edərkən deyib.

Millət vəkilinin sözlərinə görə, biz  son zamanlarda indiyədək  iqtidar-müxalifət  münasibətlərində müşahidə etmədiyimiz tamamilə yeni siyasi münasibətlər  sisteminin formalaşmasını görməkdəyik. 

“Görünən odur ki,  hakimiyyət iqtidar-müxalifət münasibətlərin  sivil qaydalara uyğun qurulmasında, davamlı olmasında, bunun bir ənənə halını alınmasında maraqlıdır və bu məsələdə  cənab Prezidentin də siyasi iradəsinin ortada olduğuna şahidlik etməkdəyik. Bu özünü istər son zamanlarda uzun illər fəaliyyət göstərən bir sıra siyasi partiyaların rəsmi dövlət qeydiyyata alınması, istər müxalif  siyasi qüvvələrlə  iqtidarın görüşünün keçirilməsi və onların  ölkədəki vəziyyətlə bağlı mövqelərinin öyrənilməsi, istər  hakimiyyətin qanunverici orqanı olan Milli Məclisdə müxalifət partiyaların  yüksək vəzifələrdə  təmsil olunması, istər   mediada fərqli düşüncəli qüvvələrin, iqtidar-müxalifət qüvvələrin  debatları və sair  formada  təzahürünü  göstərir.  Elə bu günlərdə Milli Məclisdə  parlament sədri Sahibə xanım Qafarovanın və Prezident Administrasiyasının Siyasi partiyalar və qanunvericilik hakimiyyəti ilə əlaqələr şöbəsinin müdiri Ədalət Vəliyevin iştirakı ilə  siyasi partiyaların görüşlərinin keçirilməsi ölkədə yeni siyasi konfiqurasiyanın  formalaşması istiqamətində atılan əməli addımdır.  Yəni hakimiyyət  öz əməli fəaliyyəti ilə bunu sübut etməkdədir. Hakimiyyətin bu addımı da müxalifət qüvvələrin mütləq əksəriyyəti tərəfindən müsbət  dəyərləndirilməkdədir. Siyasi qüvvələr əmindirlər ki, həyata keçirilən bu siyasət nəticə etibarı ilə fərqli düşüncəli partiyaların ölkənin inkişafı, milli marqlar naminə mövqelərin bir araya gətirilərək, dialoqun qurulması yeni  siyasi münasibətlər sisteminin  inkişafına  öz töhfəsini verəcək”- deputat bildirib.

Deputat əlavə edib ki, müxalifətin əsas  fəaliyyəti təkcə iqtidarı  yerli-yersiz tənqid etmək deyil: 

“Təbii ki, tənqid olmalıdır. Ölkə başçısı özü hətta müşavirə və toplantılarda  görülən işlərlə bağlı çatışmayan cəhətləri gündəmə gətirir, kadrları  üzərlərinə düşən vəzifəni yerinə yetirmədiyinə görə ən kəskin formada tənqid edir,  tutduğu vəzifədən azad edir. Əgər bunu ölkə başçısı edirsə, təbii olaraq müxalifət də çatışmayan cəhətləri gündəmə gətirməli və məsələnin həlli, ölkənin inkişafı  ilə bağlı təkliflərini verməlidir. Daha  bundan siyasi spekulyasiya vasitəsi kimi istifadə etməməlidir. 
Amma təəssüflər olsun ki, ölkədəki  bəzi siyasi qüvvələr  cənab Prezidentin dialoq məsələsinə hələ də qeyri-adekvat reaksiya verməkdə və ölkədə siyasi sabitliyi pozmaq,  xaos yaratmaq, ölkənin hərtərəfli böhrana sürüklənməsində maraqlıdır. Fəaliyyətlərini də ancaq bu istiqamətdə qurublar.  Bu isə yolverilməz haldır.  Qlobal problemlər və milli məsələlərdən  spekulyasiya edib dövləti xaosa sürükləmək  isə  ilk növbədə xalqa xəyanətdir.  İstənilən siyasi qüvvənin  hakimiyyət uğrundakı mübarizəsini    cəmiyyətdə xaos yaratmadan, böhranın dərinləşməsinə yox, alternativ ideya və fikir qoymaqla sivil formada aparmalıdır.
Ölkə başçısının siyasi islahatların, siyasi qüvvələr arasında münasibətlərin və əməkdaşlığın  dərinləşdirilməsinin əsas hədəfi bu cür mənfi halların aradan qaldırılmasına, siyasi mədəniyyətin fromalaşmasına nail olmaqdır. Hesab edirəm ki, başladılan  bu proses Azərbaycanda   iqtidar-müxalifət, partiyalar arasında siyasi mədəniyyətin formalaşmasına, sağlam əməkdaşlığın, dialoq mühitinin genişlənməsinə, bütövlükdə ümummilli məsələlərdə həmrəyliyin nümayiş etdirilməsinə, milli maraqlarımızın qorunmasına öz töhfəsini verəcəkdir”.

 Mürtəza
Ölkə.Az

ŞƏRH YAZ
0
BAĞLA