Prezident çinli rəsmiləri qəbul etdi — - YENİLƏNİB

Prezident çinli rəsmiləri qəbul etdi
16:35
22.07.2019
1384
Siyasət
A
Dövlət başçısı Azərbaycan Respublikası ilə Çin Xalq Respublikası arasında ikitərəfli münasibətlərin müxtəlif sahələrdə uğurla inkişaf etdiyini bildirib.

"Ölkə.Az"ın xəbərinə görə, Çinə son səfərini məmnunluqla xatırlayan Prezident İlham Əliyev Çin Xalq Respublikasının Sədri Si Cinpinlə görüşü zamanı münasibətlərimizin gələcək inkişafı ilə bağlı səmərəli danışıqların aparıldığını qeyd edib və bu səfər zamanı 10 mühüm sənədin imzalanmasının və Çinin aparıcı şirkətlərinin rəhbərləri ilə keçirdiyi görüşlərin əməkdaşlığın genişləndirilməsi baxımından önəmli olduğunu deyib. Prezident İlham Əliyev bu yaxınlarda Çinin Sian şəhərindən Azərbaycana yük qatarının gəlməsini əməkdaşlığımızın iqtisadi, nəqliyyat sahələrində yaxşı perspektivlərə malik olmasının göstəricisi kimi dəyərləndirib. Dövlət başçısı münasibətlərimizin inkişafında müxtəlif səviyyəli qarşılıqlı səfərlərin rolunu qeyd edərək Çinin Xarici İşlər nazirinin bu il ölkəmizə səfərinin əlaqələrimizin yaxşı göstəricisi olduğunu deyib.

Xoş sözlərə görə minnətdarlığını bildirən Çin Kommunist Partiyası Mərkəzi Komitəsinin Beynəlxalq əlaqələr şöbəsinin müdiri Sun Tao, ilk növbədə, Çin Xalq Respublikasının Sədri Si Cinpinin salamlarını dövlət başçısına çatdırıb. Sun Tao qeyd edib ki, Çin Xalq Respublikası Sədrinin və Azərbaycan Respublikası Prezidentinin rəhbərliyi ilə müxtəlif sahələri əhatə edən əlaqələrimiz uğurla inkişaf edir. Qonaq qeyd edib ki, Azərbaycan Prezidenti İlham Əliyevin uzaqgörən və düşünülmüş siyasəti nəticəsində ölkəmizdə bütün sahələrdə ciddi uğurlar qazanılıb.

Sun Tao bu ilin aprelində Pekində keçirilən “Bir kəmər, bir yol” beynəlxalq forumunda Prezident İlham Əliyevin iştirakının önəmini qeyd edib. O, bu səfər zamanı Çin Xalq Respublikasının Sədri ilə Azərbaycan Prezidenti arasında əlaqələrimizin genişləndirilməsi ilə bağlı mühüm razılaşmaların əldə edilməsinin əhəmiyyətini vurğulayıb.

Dövlət başçısı Çin Xalq Respublikasının Sədri Si Cinpinin salamlarına görə minnətdarlığını bildirib, onun da salamlarını Çin Xalq Respublikasının Sədrinə çatdırmağı xahiş edib.

Görüşdə iki ölkənin hakim partiyaları arasında əlaqələrin inkişafından məmnunluq ifadə olunub və bu çərçivədə gənclərin, elm adamlarının və ictimai xadimlərin səfər mübadilələrinin həyata keçirilməsinin vacibliyi qeyd edilib.

***

Azərbaycan Respublikasının Prezidenti İlham Əliyev iyulun 22-də Çin Kommunist Partiyası Mərkəzi Komitəsinin Beynəlxalq əlaqələr şöbəsinin rəhbəri Sun Taonun başçılıq etdiyi nümayəndə heyətini qəbul edib.

"Ölkə.Az"ın xəbərinə görə, bu barədə Azərbaycan Prezidentinin Mətbuat xidməti məlumat yayıb.

Ölkə.Az

ŞƏRH YAZ
0

Məşhur siyasətçi koronavirusu ABŞ-ın təxribatı hesab edir

Məşhur siyasətçi koronavirusu ABŞ-ın təxribatı hesab edir
06:42
Bu gün
85
Siyasət
A
Rusiyanın Liberal Demokrat Partiyasının lideri Vladimir Jirinovski Çində yayılan koronavirusu ABŞ-ın təxribatı hesab edir.

"Ölkə.Az" oxu.az-a istinadən xəbər verir ki, siyasətçi aşağıdakıları bildirib:

“Koronavirus artıq qitələr boyu irəliləyir. Əslində bu nədir - qripin yeni tipi, ya kimin təxribatıdır? ABŞ! İqtisadiyyat! Amerikalılar qorxur ki, Çini ötə, heç olmasa ona bərabər ola bilməyəcəklər”.

Jirinovski qeyd edib ki, bu, birinci hal deyil. O, quş qripini və Britaniyanın “kiminsə xoşuna gəlməyən” mal ətini nümunə kimi göstərib.  

Siyasətçinin sözlərinə görə, hazırkı epidemiya qığılcımı bir ay ərzində bitəcək:

“Dərmanı alıblar, kimsə milyarder olub. Onlar əsasən İsveçrədə yaşayırlar”.

Qeyd edək ki, son məlumatlara görə, koronavirusdan ölənlərin sayı 41-ə çatıb.

Ölkə.Az

ŞƏRH YAZ
0

Özbəkistanda yeni hökumət quruldu

Özbəkistanda yeni hökumət quruldu
02:58
Bu gün
167
Siyasət
A
Özbəkistan Prezidenti Şavkat Mirziyoyev baş nazir Abdulla Aripovun rəhbərliyilə qurulan yeni hökumətin üzvlərini təsdiqləyib.

"Ölkə.Az" TRT-yə istinadən xəbər verir ki, Ş.Mirziyoyev Özbəkistan parlamentinin alt qanadı olan Yasama Məclis tərəfindən təqdim edilən yeni hökumət üzvlərini təsdiq edən fərmanı imzalayıb.

Abdulla Aripovun yenidən baş nazir olaraq yer aldığı hökumətdə 4 baş nazir müavini, 21 nazir və 10 dövlət komitəsi sədri var.

Qeyd edək ki, Özbəkistanda 22 dekabr 2019-cu ildə keçirilən seçkilərdən sonra yeni kabinetin yaradılması məqsədiylə bu həftənin əvvəlində hökumət istefa vermişdi.

Ölkə.Az

ŞƏRH YAZ
0
BAĞLA