Prezident onları mükafatlandırdı

Prezident onları mükafatlandırdı
18:27
19.10.2017
429
Siyasət
A
Prezident İlham Əliyev bir qrup energetikə fəxri adların verilməsi haqqında sərəncam imzalayıb.

"Ölkə.Az"ın məlumatına görə, Azərbaycanda energetika sahəsinin inkişafında xidmətlərinə görə aşağıdakı şəxslərə fəxri adlar verilib:
 
 
“Əməkdar elm xadimi”
 
 
Rəhmanov Nəriman Rəhmanoviç
 
 
 
“Əməkdar mühəndis”
 
 
Əhmədov Canəhməd Səbzulla oğlu
 
Qafarlı Etibar Məmməd oğlu
 
Ramazanov Qəzənfər Çoban oğlu
 
Tağıyev Sadir Sadıq oğlu
 
 
Dövlət başçısının digər sərəncamı ilə energetika sahəsində səmərəli fəaliyyətinə görə aşağıdakı şəxslər “Tərəqqi” medalı ilə təltif ediliblər:
 
 
Abdullayev Saleh Fazil oğlu
 
Babayev Azər Məşədibaba oğlu
 
Bayramov Araz İsa oğlu
 
Bayramov Arif Qəhrəman oğlu
 
Əfəndiyev Akif Ələddin oğlu
 
Əliyev Elçin Fazil oğlu
 
Əliyev Soltan Teymur oğlu
 
Kəlbiyev Ramiz Kəlbi oğlu
 
Kərimov Ələkbər Mehdi oğlu
 
Kərimov İlqar İkram oğlu
 
Qəribzadə Pərviz Qəşəm oğlu
 
Quliyev Abas Yaqub oğlu
 
Quliyev Mehman Şikar oğlu
 
Manafov Süleyman İsmayıl oğlu
 
Məlikov Cəmil Əhməd oğlu
 
Məmmədov Rövşən Məmməd oğlu
 
Mürsəliyev Amil Balamehti oğlu
 
Orucov Namiq Qərib oğlu
 
Rəhimov Toğrul Əzim oğlu
 
Səmədov Azad Mahmud oğlu
 
Səmədov Əhməd Səməd oğlu
 
Süleymanov Fəzayıl İmaməli oğlu
 
Zeynalov Sahib Səfərəli oğlu

ŞƏRH YAZ
0

Azərbaycanda yeni agentlik yaradılıb

Azərbaycanda yeni agentlik yaradılıb
20:27
16.07.2018
1113
Siyasət
A
Prezident İlham Əliyev yerin təkindən istifadə olunmasının, onun mühafizəsi və idarə edilməsi mexanizmlərinin təkmilləşdirilməsi, bu sahəyə dövlət nəzarətinin gücləndirilməsi tədbirləri haqqında fərman imzalayıb.

"Ölkə.Az" xəbər verir ki, fərmana əsasən Ekologiya və Təbii Sərvətlər Nazirliyinin tabeliyində Dövlət Mineral Xammal Ehtiyatlarından İstifadə Agentliyi yaradılıb.

Agentlik “Yerin təki haqqında” Azərbaycan Respublikasının Qanununda nəzərdə tutulmuş yerin təkindən istifadə növləri üzrə fəaliyyətin tənzimlənməsini, habelə yerin təkinin istifadəsində və mühafizəsində qanunvericiliyə, müəyyən edilmiş standartlara və tələblərə əməl olunmasına nəzarəti həyata keçirən, yerin təkindən istifadə ilə bağlı müsabiqə və hərracların keçirilməsini təşkil edən, bu sahədə xidmətlər göstərən publik hüquqi şəxsdir. Agentliyin nizamnamə fondu Mineral Xammal Bazasının Bərpası üzrə Dövlət Fondunun vəsaiti və Ekologiya və Təbii Sərvətlər Nazirliyinin balansından agentliyə verilən aktivlər hesabına formalaşdırılır.

Bu fərman energetika ilə bağlı yerin təkindən istifadə münasibətlərinin tənzimlənməsinə şamil olunmur.

Ölkə.Az

ŞƏRH YAZ
0

Fuad Muradov Almaniyada azərbaycanlı iş adamları ilə görüşdü

Fuad Muradov Almaniyada azərbaycanlı iş adamları ilə görüşdü
18:24
16.07.2018
1143
Siyasət
A
Diasporla iş üzrə Dövlət Komitəsinin sədri Fuad Muradov Avropaya səfəri çərçivəsində Almaniyanın qərb bölgələrində yaşayan azərbaycanlılar və buradakı diaspor təşkilatlarının rəhbərləri, eləcə də ölkənin qərb bölgələrində təhsil alan azərbaycanlı gənclərlə görüşüb.

Komitənin mətbuat xidmətindən "Ölkə.Az"a verilən məlumata görə, görüşdə xaricdə yaşayan soydaşlarımızın azərbaycançılıq ideyaları ətrafında birləşmək imkanlarından, Dağlıq Qarabağ münaqişəsi və Azərbaycan həqiqətlərinin dünya ictimaiyyətinə çatdırılmasında diaspor təşkilatlarının rolundan danışılıb.

Komitə sədri onların qayğıları ilə maraqlanıb, soydaşlarımızın təklif və ideyaları ətrafında maraqlı müzakirə aparılıb. Diqqət mərkəzində olan məsələlərdən biri bu ölkədə yaşayan ailələrin uşaqları üçün Azərbaycan dili məktəblərinin açılması olub. Tədbirdə Komitənin yeni yazılmış himni səsləndirilib, yeni loqo, ilk dəfə yaradılan infoqrafik diaspor xəritəsi və qurumun yenilənmiş saytı barədə məlumat verilib.

Səfər çərçivəsində mühüm görüşlərdən biri də Almaniyanın Köln şəhərində yaşayan azərbaycanlı iş adamları ilə keçirilib. Toplantıda Almaniyadakı azərbaycanlı iş adamlarının fəaliyyəti, “Made in Azerbaycan” brendinin tanıdılması, ölkəmizdə biznes maraqlarının artırılması ilə bağlı fikir mübadiləsi aparılıb, onların təklifləri dinlənilib. Almaniya azərbaycanlılarının Koordinasiya Şurasının yaradılması və biznes forumun keçirilməsi təklifləri maraqla qarşılanıb. İş adamları yeni biznes platformasının və resurs mərkəzinin yaradılmasını təklif ediblər.

F. Muradov yeni təşəbbüslərin olmasının, sosial-mədəni layihələrin həyata keçirilməsinin əhəmiyyətini vurğulayaraq, görüş iştirakçılarını əmin edib ki, onların təşəbbüsləri, təklifləri qiymətləndiriləcək, bundan sonra heç bir diaspor təşkilatı və heç bir insan diqqətdən kənarda qalmayacaq, gənclərin diaspor fəaliyyətinə cəlb olunması üçün mümkün addımlar atılacaq. Komitə sədri diaspor hərəkatının keyfiyyətcə yeni mərhələyə-lobbiçilik fəaliyyətinə keçməsinin gerçəkləşdirilməsi yolunda da mühüm planların olduğundan bəhs edib.

ŞƏRH YAZ
0
BAĞLA