Prezident onları təltif etdi

Prezident onları təltif etdi
17:09
09.01.2018
2589
Siyasət
A
Prezident İlham Əliyev Azərbaycan mədəniyyətinin inkişafı və təbliğində xidmətlərinə görə Fərhad Ağa Səlim oğlu Babayevin “Şöhrət” ordeni ilə təltif edilməsi haqqında sərəncam imzalayıb.

"Ölkə.Az"ın xəbərinə görə, dövlət başçısının digər sərəncamı ilə Azərbaycan təsviri sənətinin inkişafında xidmətlərinə görə Arif Möhübəli oğlu Əzizov “Şöhrət” ordeni ilə təltif edilib. 

Qeyd edək ki, əməkdar mədəniyyət işçisi olan Fərhad Babayev Heydər Əliyev Sarayının direktorudur. Yanvarın 5-də F.Babayevin 70 yaşı tamam olub.

Əməkdar incəsənət xadimi Arif Əzizov isə Azərbaycan Dövlət Mədəniyyət və İncəsənət Universitetinin professoru və Dünya Rəssamlıq Akademiyasının Bakı nümayayəndəliyinin rəhbəridir. Yanvarın 3-də onun 75 yaşı tamam olub.

ŞƏRH YAZ
0

"Azərbaycanın müstəqilliyinə gedən yolda heç bir əngəl yaratmamışam" — Ayaz Mütəllibov

12:12
Bu gün
1
Siyasət
A
"Vaxtilə Azərbaycanın müstəqilliyinin əldə edilməsi ilə bağlı taleyüklü qərarın qəbul edilməsində tək iştirak etməmişəm. Dövlət müstəqilliyi ilə bağlı Konstitusiya Aktına deputatların əsas hissəsi öz imzasını qoymuşdu. Biz millətimizi birliyə çağırırıqsa, niyə narazılıq yaratmalyıq? Sadəcə olaraq, həmin dövrdə Prezident mən olduğum üçün Müstəqillik Aktına imza atan dövlət başçısı kimi tarixə düşmüşəm".

Bu fikirləri "Ölkə.Az"a açıqlamasında Azərbaycanın sabiq prezidenti Ayaz Mütəllibov bildirib. 

A.Mütəllibov deyib ki, Müstəqillik Aktında imzası olan şəxslər dərin hörmətə layiq insanlardır: 

"Həmin dövrdə müstəqillik məsələsi könüllü idi. Heç kimlə məsləhətləşməmişdik. Oktyabrın 18-də müstəqilliyimizi elan etdiyimiz gün kimsə deyə bilməzdi ki, Sovet İttifaqı məhv olacaq. Heç kəsin də xəbəri yox idi ki, nə vaxtsa 3 müttəfiq respublika bir araya gəlib sənədə qol çəkəcək və SSRİ buraxılacaq. Biz o zaman böyük riskə getdik. Suverenliyin dolğun şəkildə təmin olunmasına nail olduq. Biz 1991-ci ilin əvvəlindən bu işə başlamışdıq. Həmin vaxt çox gərgin və təlatümlü dövr idi. Moskvanın özündə elə hadisələr baş vermişdi ki, hadisələri qiymətləndirəndə, görürsən ki, vəziyyət qarışıq idi. Həmin vaxt Ali Sovetin sədri, rəhmətlik Elmira Qafarova ilə söhbət edəndə, dedik ki, artıq müstəqilliyimizi elan etməyin zamanıdır. Həmin dəqiqədən sonra Ali Sovetin tərkibində olan qurumlar, təşkilatlar layihə hazırlamağa başladılar. Ali Sovetin binasında Müstəqillik Aktına imza atdıq. Sovet hakimiyyəti buna görə bizə təzyiq göstərə bilmədi”.

Ayaz Mütəllibov əlavə edib ki, Azərbaycanın müstəqilliyinə gedən yolda o zamankı SSRİ hakimiyyəti daim tənqid olunurdu: 

“Mən hər zaman Azərbaycanın dövlət müstəqilliyini istəyən, buna can atan adam olmuşam. Bu tarixdir, bunu danmaq olmaz. Həmin dövrdə prezident mən idim, müstəqilliyə gedən yolda bir rəhbər kimi heç bir əngəl yaratmadım. Həmin vaxt konfederativ respublika yaradılmasını təklif etdim. O zaman müstəqillik tam şəkildə müttəfiq respublikalara keçəcəkdi. Müstəqilliyimiz tam və dolğun şəkildə formaşalacaqdı. İqtisadi məsələlərdə həlledici rol oynayacaqdıq. Suveren dövlət olacaqdıq. Qorbaçov gözünü mənə zilləyərək qulaq asırdı. Təhlükəsizlik və xarici siyasət məsələsinə gəldikdə, bu, mərkəzdən idarə olunacaqdı. Yerdə qalan məsələlər bizim tabeliyimizdə olacaqdı. Bu məsələlər gizli deyil və müstəqilliyimiz birdən-birə meydana gəlməyib. 1990-cı ilin sonu, 1991-ci ilin axırına kimi sürətlə bu məsələləri müzakirə edirdik. Sadəcə, siyasi iradə nümayiş etdirərək bu təklifi verdim. Bilirdim ki, buna gedilməyəcək. Bunlar tarixi məsələlərdir".

Vasif Həsənli
Ölkə.Az

ŞƏRH YAZ
0

Gələn ilin büdcə zərfi Milli Məclisə daxil olub

Gələn ilin büdcə zərfi Milli Məclisə daxil olub
10:55
Bu gün
175
Siyasət
A
Azərbaycanın 2019-cu il üzrə büdcə zərfi Milli Məclisə (MM) daxil olub.

"Ölkə.Az"ın Report-a istinadən məlumatına görə, zərfə "2019-cu il dövlət büdcəsi haqqında”, " 2019-cu il üçün yaşayış minimumu haqqında”, "2019-cu il üçün ehtiyac meyarının həddi haqqında”, "Dövlət Sosial Müdafiə Fondunun 2019-cu il büdcəsi haqqında” qanun layihələri, MM-in və Hesablama Palatasının gələn il üçün xərclər smetaları daxildir.

ŞƏRH YAZ
0
BAĞLA