Prezident Rumıniya baş nazirinin müavinini qəbul etdi — YENİLƏNİB

Prezident Rumıniya baş nazirinin müavinini qəbul etdi
14:42
13.03.2018
2447
Siyasət
A
Azərbaycan Respublikasının Prezidenti İlham Əliyev martın 13-də Rumıniyanın Baş nazirinin müavini xanım Ana Birçallı qəbul edib.

"Ölkə.Az"ın xəbərinə görə, bu barədə Azərbaycan Prezidentinin mətbuat xidməti məlumat yayıb.

Xanım Ana Birçall Bakıda Respublika Narkoloji Mərkəzində baş vermiş yanğın nəticəsində insanların həlak olması ilə bağlı Rumıniya rəhbərliyi adından və öz adından başsağlığı verib.

Dövlət başçısı başsağlığına görə minnətdarlığını bildirib.

Nizami Gəncəvi Beynəlxalq Mərkəzinin təşkilatçılığı ilə keçiriləcək VI Qlobal Bakı Forumunun önəmini qeyd edən xanım Ana Birçall forumda iştirakından məmnunluğunu bildirib. O, 2017-ci ildə iki ölkə arasında diplomatik əlaqələrin qurulmasının 25 illiyinin qeyd edildiyini vurğulayıb.

Dövlət başçısı 2018-ci ilin ölkəmizdə “Azərbaycan Xalq Cümhuriyyəti İli” elan edildiyini deyib.

Xanım Ana Birçall bildirib ki, Rumıniya Azərbaycan ilə Avropa İttifaqı arasında əməkdaşlığın genişləndirilməsində maraqlıdır və bu istiqamətdə dəstəyini əsirgəməyəcək. Avropa üçün strateji əhəmiyyətli layihələrin həyata keçirilməsində Azərbaycanın mühüm rol oynadığını qeyd edən Ana Birçall bildirib ki, Rumıniya Azərbaycanı regionda sabitliyə və təhlükəsizliyə töhfə verən ölkə kimi dəyərləndirir. O, ölkəsinin Azərbaycan ilə əməkdaşlıq əlaqələrini bütün sahələrdə bundan sonra da genişləndirmək əzmində olduğunu deyib və bu işdə hökumətlərarası komissiyanın mühüm rol oynayacağına əminliyini ifadə edib.

Görüşdə Azərbaycan-Rumıniya əlaqələrinin yüksək səviyyəyə çatdığı vurğulanıb, iki ölkə arasında münasibətlərin strateji xarakter daşıdığı və əməkdaşlığımızın böyük potensialının olduğu qeyd edilib.

Söhbət zamanı beynəlxalq təşkilatlar çərçivəsində qarşılıqlı dəstəyin əhəmiyyət daşıdığı bildirilib.

Görüşdə, həmçinin qarşılıqlı sərmayə qoyuluşu və hər iki ölkədən olan şirkətlərin bu sahədə fəaliyyətinin genişləndirilməsinin vacibliyi vurğulanıb.

***

Azərbaycan prezidenti İlham Əliyev Rumıniya baş nazirinin müavini xanım Ana Birçallı qəbul edib.

"Ölkə.Az"ın xəbərinə görə, bu barədə Azərbaycan prezidentinin mətbuat xidmətinin yaydığı məlumatda deyilir. 

ŞƏRH YAZ
0

İlham Əliyev Fələstin Dövlətinin başçısını təbrik edib

İlham Əliyev Fələstin Dövlətinin başçısını təbrik edib
18:35
Bu gün
11590
Siyasət
A
Azərbaycan Respublikasının Prezidenti İlham Əliyev Fələstin Dövlətinin Prezidenti Mahmud Abbasa təbrik məktubu ünvanlayıb.

"Ölkə.Az"ın məlumatına görə, təbrik mətnində deyilir:  

"Hörmətli cənab Prezident,

Fələstin Dövlətinin milli bayramı münasibətilə Sizə və xalqınıza öz adımdan və Azərbaycan xalqı adından təbriklərimi yetirirəm.

İnanıram ki, Azərbaycan ilə Fələstin arasındakı münasibətlər xalqlarımızın iradəsinə uyğun olaraq daha da genişlənəcək və inkişaf edəcəkdir.

Sizə möhkəm cansağlığı, işlərinizdə uğurlar, qardaş Fələstin xalqına sülh və rifah diləyirəm".

ŞƏRH YAZ
0

Fransalı deputat: ATƏT-in Minsk Qrupu xarab olub

Fransalı deputat: ATƏT-in Minsk Qrupu xarab olub
18:33
Bu gün
6365
Siyasət
A
Jerome Lambert DağlIq Qarabağ münaqişəsindən danışdı

“Fransa merlərinin qondarma Dağlıq Qarabağa səfər etməsi və ya şəhərlərin qondarma Dağlıq Qarabağla qardaşlaşması təəsüf hissi doğurur”.

"Ölkə.Az" xəbər verir ki, bu açıqlamanı REAL TV-yə Azərbaycanda səfərdə olan Fransa parlamentinin deputatı Jerome Lambert etdi.

“Mən təəssüf hissi ilə qeyd edirəm ki, biz belə hallarla rastlaşırıq. Bildiyiniz kimi Fransada merlər dövlətdən asılı deyil, onlar seçiliblər və çox azaddırlar. Onlar hər hansısa bir şəhərlə münasibətə girə bilərlər, yəni əlaqə yarada bilərlər. Təbii ki, bu Fransa qanunvericiliyinə uyğun deyil, Azərbaycan ərazisi sayılan şəhərlərlə sənədələr imzalayırlar, qardaşlıq əlaqələri qururlar. Amma onlara qarşı hələ ciddi bir tədbir görülməyib. Ümid edirəm ki, bu cür hallarla tez-tez rastlaşmarıq. Həm də bu o qədər tez-tez rast gəldiyimiz fakt deyil. Amma bu fakt var. Merlər Qarabağa səfər edirlər və mən buna yalnız təəssüf edə bilərəm”, - fransalı deputat bildirib. 

Jerome Lambert münaqişənin həll edilməsi istiqamətində fəaliyyət göstərən ATƏT-in Minsk Qrupunun bu istiqamətdə işini də dəyərləndirdi.

“Təbii ki, hazırki vəziyyətdə biz buna baxsaq, ATƏT-in Minsk Qrupu işləmir, yəni xarab olub. Fransa əlbəttə ki, vacib ölkədir və həmsədr olan 3 ölkədən biridir. Fransanın sülh əldə olunmasında rolu böyük olmalıdır. Mən ümid edirəm ki, Fransa öz mövqeyini tam olaraq ortaya qoyacaq və bu münaqişənin həllində öz gücünü ortaya qoyacaq”, - deputat deyib.

Qeyd edək ki, Fransanın Sent-Etyen şəhərinin meri, "Fransa-Artsax" dostluq qrupunun üzvü Qael Perdrion Azərbaycanın işğal altında olan Qarabağ bölgəsinə qanunsuz səfər edib.

Məlumata görə, səfər çərçivəsində işğal altında olan Şuşa və Fransanın Sent-Etyen şəhərləri arasında qanunsuz olaraq "Dostluq bəyannaməsi" imzalanıb. Qeyd edək ki, Azərbaycanın qanunvericiliyə əsasən işğal altında olan Dağlıq Qarabağ bölgəsinə qanunsuz səfər edən şəxslər Xarici İşlər Nazirliyinin (XİN) arzuolunmaz şəxslər siyahısına daxil edilir.

ŞƏRH YAZ
0
BAĞLA