İlham Əliyev Bakıda iki sərgi ilə tanış olub — YENİLƏNİB + FOTO

İlham Əliyev Bakıda iki sərgi ilə tanış olub
20:50
15.05.2019
1312
Siyasət
A
Mayın 15-də Azərbaycan Respublikasının Prezidenti İlham Əliyev Bakı Ekspo Mərkəzində XXV Azərbaycan Beynəlxalq Qida Sənayesi - “WorldFood Azerbaijan” və XIII Azərbaycan Beynəlxalq Kənd Təsərrüfatı - “Caspian Agro” sərgiləri ilə tanış olub.

"Ölkə.Az" azərtac-a istinadən xəbər verir ki, kənd təsərrüfatı naziri İnam Kərimov və “Caspian Event Organisers” şirkətinin regional direktoru Edvard Straxan dövlətimizin başçısına sərgilərlə bağlı məlumat verdilər.

Bildirildi ki, dünyanın 32 ölkəsini təmsil edən 440 şirkəti, eləcə də 11 milli və regional qrupu bir araya gətirən builki sərginin ekspozisiya sahəsi ötən illə müqayisədə 20 faiz artıb. Artım iştirakçıların sayında da qeydə alınıb. “WorldFood Azerbaijan” və “Caspian Agro” sərgilərində Azərbaycanla yanaşı Litva, Rusiya, Sloveniya, Ukrayna, Xorvatiya və digər ölkələri təmsil edən şirkətlər də yer alır. Bu il İtaliya, Türkiyə və Şri-Lanka sərgidə milli stendlərlə çıxış edirlər. Ənənəvi olaraq, sərgidə Rusiyanın Başqırdıstan, Penza, Voronij, Vladimir, Kabarda-Balkar kimi regional qrupları da iştirak edir. Bu il sahəsi genişlənmiş Belarus Respublikasının milli stendinin ekspozisiyası iki zalda - ikinci və sərginin tarixində ilk dəfə açılmış üçüncü zalda təqdim olunur. Burada, eyni zamanda, qida sənayesi sahəsində fəaliyyət göstərən startaplar, mikro və kiçik sahibkarlıq subyektləri də öz məhsul və xidmətlərini təqdim edirlər. Gürcüstan və Niderland Krallığı sərgidə milli qruplarla təmsil olunur.

Prezident İlham Əliyevə Aqrar Məşğulluğun Artırılması Layihəsi barədə məlumat verildi.

Dövlətimizin başçısı sərgidə “Azersun”, “Grow Group Azərbaycan”, CASE, “Grimme”, “Agro Dairy”, CLAAS, “John Deer”, “Rostselmaş”, “Cahan Tobacco”, “Lindsay”, “Geoflow”, METAK, GİLAN, İMAGRO, “Agronaft”, “Prior Leasing” şirkətlərinin, Gəncə avtomobil zavodunun, Kiçik və Orta Biznesin İnkişafı Agentliyinin, Azərbaycan Qida Təhlükəsizliyi Agentliyinin, Kənd Təsərrüfatı Nazirliyinin, Rusiya Federasiyasının Başqırdıstan Respublikasının, Belarusun, İtaliyanın, Türkiyənin, Niderlandın, Gürcüstanın stendləri ilə tanış oldu. Stendlərdə ən müasir kənd təsərrüfatı texnikası, əkin-biçin aqreqatları, kənd təsərrüfatı məhsulları təqdim olunur.

Sərgidə Azərbaycan Respublikası Kənd Təsərrüfatı Nazirliyi və Azərbaycan Respublikası Qida Təhlükəsizliyi Agentliyi də fəal iştirak edir. Ümumilikdə isə sərgilər BMT-nin Ərzaq və Kənd Təsərrüfatı Təşkilatı (FAO), AZPROMO, Azərbaycan Respublikası Sahibkarlar Təşkilatları Milli Konfederasiyası, Kiçik və Orta Biznesin İnkişafı Agentliyinin dəstəyi ilə keçirilir. “Caspian Event Organisers” şirkəti və onun beynəlxalq agentlər şəbəkəsi sərgilərin təşkilatçısıdır.

Bu il “WorldFood Azerbaijan” sərgisi 25 illik yubileyini qeyd edir və bu sahənin regionda hərəkətverici qüvvəsinə çevrilib. Sərgi 25 illik uğurlu fəaliyyəti ərzində dünyanın 40-dan artıq ölkəsini təmsil edən 2137 şirkəti bir araya gətirib. Nəticədə bu şirkətlərin çoxu Azərbaycanda uğurlu biznes qurub.

Ənənəvi olaraq, sərgidə  “Made in Azerbaijan” brendi altında geniş çeşiddə qida, o cümlədən ət və süd məhsulları, çay, bal, şirələr və milli istehsalçıların digər məhsulları təqdim olunur. Burada, eyni zamanda, suvarma sistemləri, istixanalar və heyvandarlıq təsərrüfatları üçün avadanlıqlar, yem və toxumlar, kənd təsərrüfatı texnikası, baytarlıq preparatları, laboratoriya qurğuları və digər avadanlıqlar nümayiş olunur.

Prezident İlham Əliyevin rəhbərliyi ilə ölkəmizdə qeyri-neft sektorunun inkişaf etdirilməsi ilə bağlı həyata keçirilən tədbirlər çərçivəsində digər sahələrlə yanaşı, kənd təsərrüfatının da bir çox istiqamətləri üzrə böyük işlər görülüb, dövlətimizin başçısı tərəfindən mühüm qərar və sərəncamlar, həmçinin konkret sahələr üzrə Dövlət proqramları qəbul olunub. Bütün bunlar bir daha göstərir ki, kənd təsərrüfatının inkişafı ölkəmizdə prioritet sahələrdən biri kimi müəyyənləşib. Bu sahələrə göstərilən dövlət dəstəyi nəticəsində kənd təsərrüfatı məhsullarının ixrac potensialının artırılmasına geniş imkanlar yaranıb. Aqrar sahəyə qoyulan investisiyaların həcmi də ildən-ilə artır.

Ölkəmizdə taxıl tədarükü istiqamətində də çox mühüm işlər görülüb. Ötən il 3,3 milyon ton taxıl tədarük olunub ki, bu da 2017-ci illə müqayisədə 13 faiz çoxdur. Bu il də artım gözlənilir. Belə ki, bu il ölkə üzrə 1 milyon 47 min 500 hektar sahədə yazlıq və payızlıq taxıl əkilib.

Həyata keçirilən bütün bu layihələr Azərbaycanda ərzaq təhlükəsizliyinin təmin edilməsi baxımından mühüm əhəmiyyət daşıyır. Kənd təsərrüfatının inkişafı, eyni zamanda, bu sahədə çalışanlara və fermerlərə göstərilən dövlət qayğısı ilə şərtlənir. Prezident İlham Əliyevin tapşırıq və göstərişlərinə uyğun olaraq fermerlər müasir kənd təsərrüfatı texnikası ilə təchiz edilir, onlara subsidiyalar, yanacaq, gübrə güzəştli şərtlərlə verilir, fermerlər torpaq vergisindən başqa, bütün vergilərdən azad olunublar. Bütün bunlar kənd təsərrüfatının inkişafı üçün icra edilən tədbirlərin kompleks şəkildə davam etdirildiyini göstərir.

Kənd təsərrüfatı texnikasının ucuzlaşması isə bazarın liberallaşmasının, azad rəqabət mühitinin yaradılmasının nəticəsidir. Prezident İlham Əliyev tərəfindən aqrar texnologiyalar bazarında aparılan liberallaşma siyasəti şirkətlərin bu sahəyə marağını daha da artırıb.

Dövlətimizin başçısı “WorldFood Azerbaijan” və “Caspian Agro” sərgilərinin işinə uğurlar arzuladı.

***

Mayın 15-də Azərbaycan Respublikasının Prezidenti İlham Əliyev Bakı Ekspo Mərkəzində XXV Azərbaycan Beynəlxalq Qida Sənayesi - “WorldFood Azerbaijan” və XIII Azərbaycan Beynəlxalq Kənd Təsərrüfatı - “Caspian Agro” sərgiləri ilə tanış olub.

"Ölkə.Az"ın xəbərinə görə, bu barədə Azərbaycan Prezidentinin Mətbuat xidməti məlumat yayıb.

Ölkə.Az

ŞƏRH YAZ
0

Deputatlar Mehriban Əliyevanı belə — TƏBRİK ETDİLƏR

Deputatlar Mehriban Əliyevanı belə
12:43
Bu gün
1112
Siyasət
A
Bu gün Azərbaycan Respublikasının Birinci vitse –prezidenti Mehriban xanım Əliyevanın doğum günüdür. Doğum günü münasibəti ilə Mehriban xanım Əliyevanın ünvanına dünyanın müxtəlif ölkələrindən, o cümlədən ölkə ictimaiyyəti təbriklər ünvanlayaraq, ona böyük hörmət və ehtiramlarını, xoş arzularını diləyirlər.

Ölkə.Az” xəbər verir ki, təbrik edənlər sırasında millət vəkilləri də var. Birinci Vitse-prezidenti təbrik edən millət vəkili Məlahət İbrahimızı bunları deyib: 

“Mehriban xanım Əliyeva harada çalışmasından asılı olmayaraq, fəaliyyətinin ilk günündən hər kəsin etimadını doğruldub, könüllərdə sönməyən ümid çırağı yandırıb və xalqın tükənməz sevgisini qazanıb.

Gördüyü misilsiz fəaliyyətinə görə O, milli-mənəvi dəyərlərin və mədəniyyətin qoruyucusu və təbliğatçısı, səhiyyənin, və təhsilin hamisi, ümid qapısı, çarəsizlərin çarəsi, ümidsizlərin, kimsəsizlərin dayağı adlandırılır. Beynəlxalq aləmdəki uğurlu fəaliyyəti ölkəmizin nüfuzunu yüksəklərə qaldırmaqla, Azərbaycan qadınının əzəmətini dünya insanına tanıdır. Möhtərəm Mehriban xanım Əliyeva insanlara xidmət etməkdən yorulmur, əksinə bundan zövq alır və xidmət etdikcə şöhrətilə vətənimizə başucalığı gətirir. Mehriban xanım əməlində mərhəmətin, məsuliyyətin və vicdanın dövlətinə, vətənə və vətəndaşına xidmət etməyin təməl prinsipləri olduğunu sübut etdi. O, hansı işi görməyə qərar verirsə, hansı layihəni gerçəkləşdirdisə, uğur və nailiyyətlərlə nəticələnir . Bu mənada O, tutduğu bütün vəzifələrə şərəf gətirməklə, onu ləyaqətlə yerinə yetirmişdir. Qazandığı hər uğurda ölkəsini sevməyin və ona xidmət etməyin, onun ləyaqətli elçisi olmağın formulunu göstərdi.

O, Azərbaycan həqiqətlərinin dünyaya çatdırılmasından yorulmadı, yüksək kürsülərdə Qarabağın, Xocalının, qaçqın və köçkün soydaşlarımızın eşidilməyən haqq səsi oldu”.
Millət vəkili əlavə edib ki, M. Əliyeva nə qədər çoxsaylı və əzəmətli uğurlara imza atsa da, Azərbaycan həqiqətlərinin dünyaya çatdırılmasında daha çox əzimkarlıqla çalışır: “Onun Azərbaycan dövləti və xalqı üçün ölkə daxilində və xaricdə gördüyü bu misilsiz işlərin mayasında yalnız bir məsələ dayanır. Bu, Azərbaycanın ərazi bütövlüyünün bərpası və soydaşlarımızın öz doğma torpaqlarına qayıtmasıdır. Çünki onun da hamı kimi Qarabağ adlı nigaran yurdu, bülbülləri perik düşən Şuşa qalası var. Milli dövlətçilik tariximizin yadigarı olan bu Qala Tomris, Nüşabə, Sara Xatun, Xanqızı Natavan kimi...Onun da yolunu gözləyir.

Əminik ki, tezliklə möhtərəm Mehriban xanım Əliyeva ən yaxın silahdaşı olan Respublikamızın Prezidenti, Ali Baş Komandan möhtərəm İlham Əliyevlə xalqımızı bu müqəddəs arzuya qovuşduracaqdır”.

Millət vəkili Mirkazım Kazımov da Azərbaycanın Birinci vitse-prezidenti Mehriban xanım Əliyevanı doğum günü münasibəti ilə təbrik edib.

Bildirib ki, Mehriban Əliyeva sadəcə Birinci vitse-prezident olaraq deyil, ümumiyyətlə, bir vətəndaş, qadın, ana olaraq mövqeyini ortaya qoyaraq,  Azərbaycan üçün çox böyük işlər görüb və bu işlərin altına öz imzasını atıb.  

Onun sözlərinə görə,  M.Əliyeva ona həvalə edilən bütün sahələrdə uğurlara imza atıb və ona olan etimadı doğrultduğundan, xalqın qəlbində Mehriban Əliyeva sevgisi çuğlayır.

M.Kazımov əlavə edib ki, bu gün M.Əliyevanın danılmaz xidmətləri nəticəsində Azərbaycan mədəniyyəti, muğamı, həqiqətləri  dünyaya çatdırılıb: “Məhz bu yorulmaz fəaliyyətin nəticəsidir ki, dünya birliyi Azərbaycan həqiqətlərini tanıdığından onun ədalətli mövqeyini dəstəkləməyə başlayıb”.

Deputat qeyd edib ki, M.Əliyevanın xidmətləri sahəsinsə Azərbaycanən səhiyyə, təhsil sahəsində xeyli işlər görülüb. 

“Bu gün onun fəaliyyəti nəticəsində Azərbaycan humanitar diloq, mədəniyyətlərrarası  mərkəzinə çevrilib və dünyanaın əsas məsələləri Bakıda müzakirə olunur. Bu Azərbaycana rəhbərlik edən Prezident İlham Əliyevə və bu işdə ona yaxından kömək edən Birinci vitse-prezident Mehriban xanım Əliyevanın dəstəyi nəticəsində mümkün olub. Onun haqqında günlərlə danışsaq bitməz...

Mən Birinci vitse-prezident Mehriban xanım Əliyevanı ad günü münasibətilə təbrik edir, ona uzun ömür, can sağlığı və ürəyində olan və bu günə qədər edə bilmədikləri arzularının həyata keçirə bilməsi üçün uğurlar arzu edirəm",- deyə millət vəkili bildirib.

Millət vəkili Kamran Bayramov da  Azərbaycanın Birinci vitse-prezidenti Mehriban xanım Əliyevanın doğum günü münasibəti ilə təbrik edib:

“Bu münasibətlə Azərbaycan xalqı tərəfindən sevilən və rəğbətlə qarşılanan, onun maraq və mənafelərini hər zaman qoruyan, öz xeyirxahlığı və mərhəməti ilə seçilən, ölkəmizin inkişafına misilsiz töhfələr verən, Vətənimizə ancaq baş ucalığı gətirən hörmətli Mehriban xanımı səmimi qəlbdən təbrik edir, ona möhkəm cansağlığı, bütün işlərində tükənməz uğurlar və yeni-yeni nailiyyətlər arzulayırıq!”

Millət vəkili İlham Məmmədov da Birinci Vitse-prezident Mehriban xanım Əliyevanı təbrik edərək bunları qeyd edib: 

“Xeyirxahlıq və mərhəmətin məbədi olan Heydər Əliyev Fondunun prezidenti, Azərbaycanın Birinci vitse-prezidenti Mehriban xanım Əliyevanın kecdiyi mənalı ömür yolu yüksək humanizmi, xeyirxaqlığı , nəcibliyi və bütun bunlarla yanaşı bənzərsiz ictima-isiyasi fəaliyyəti nəinki ölkəmizdə, elecə də dünyada yüksək ehtiram və bənzərsiz bir nümunə kimi dəyərləndirilir, humanizm ,xeyirxahlıq və nəcib əməlləri bəşər durduqca yaşayacaqdır. 

Müstəqil Azərbaycan ulu öndərimiz Heydər Əliyevin şah əsəridir, əmanətidir. İnkişaf kursumuz məhz Heydər Əliyev kursuna əsaslanır. Mehriban xanım da istər ictimai–siyasi, istərsə də mənəvi, humanitar, mədəni sahələrdəki qlobal fəaliyyətinin əsas fəlsəfəsi və ən ali məqsədi Heydər Əliyev irsini və Heydər Əliyev amallarını qorumaq, yaşatmaq və təbliğ etməkdir. Ölkəmizin Birinci Vitse-prezidenti xanım Mehriban Əliyeva Azərbaycanın ən tanınmış nüfuzlu siyasi xadimidir. Cənubi Qafqazın ən güclü siyasi təşkilatı olan və 700 mindən cox üzvü olan Yeni Azerbaycan Partiyasının sədr müavinidir. Bu sahədə də Mehriban xanımın uğurlu fəaliyyəti partiyamızın hər bir üzvünün ideoloji, siyasi sahədəki fəaliyyətində bir yol və bir örnəkdir. Bəşər tarixi yaranandan hər bir yaranmış sənət əsərinin, musiqinin, nəğmənin, şerin öz müəllifi olur. Bu gün Azərbaycanımızdakı mərhəmət, şəfqət, xeyirxahlıq əsərinin də müəllifi xanım Mehriban Əliyevadır. Möhtərəm Prezidentimiz cənab İlham Əliyevin Mehriban xanım haqqında dediyi bir fikri xatılatmaq istəyirəm. “O insanlara xoş münasibəti, xoş niyyəti, xoş ünsiyyəti ilə seçilir. Bu onun xasiyyətinin ən fərqləndirici cəhətidir. Mən əminəm ki, Mehriban Əliyeva xeyriyyəçilik , insansevərlik, mərhəmət, Azerbaycan xalqının mentalitetinə, mədəniyyətinə düsüncəsinə əsrlərdən bəri formalaşan ənənələrimizə xas olan ən gözəl keyfiyyətləri hələ bundan sonra da davam etdirəcək”. 

Bu ali və nəcib missiyanı xalqımızın, doğma Azərbaycanımızın inkişafi naminə uğurla həyata keçirilməsindəki fəaliyyətində Birinci Vitse-prezident, Azərbaycanın birinci xanımı Mehriban Əliyevaya uğurlar arzulayırıq.

Allahdan sizə möhkəm can sağlığı arzulayırıq.Ulu Tanrının Mərhəməti və xeyir-duası həmişə sizinlə olsun”.

Deputat Tahir Mirkişili Mehriban xanımı təbrik edib:

“O, yüksək humanizm, xeyirxahlıq və nəciblik kimi ali xüsusiyyətlərə sahibdir... Onun bənzərsiz ictimai fəaliyyəti var... O, həyatının mənasını vətənə, xalqa və insanlara xidmətdə görür...O, şərqi qərbdə, qərbi isə şərqdə təmsil edir...O, 10 minlərlə insanın amnistiyaya düşərək azadlığa qovuşmasının təşəbbüskarıdır... O, minlərlə məktəb, xəstəxana, qaçqın və məcburi köçkünlər üçün mənzillərin tikintisinin təşəbbüskarıdır...O, xaricdə Azərbaycanı ən yaxşı təbliğ edən insanlardandır...O, siyasi karyerası, ictimai fəaliyyəti dövründə başladığı bütün işlərin öhdəsindən böyük məharətlə gəlir...O, Azərbaycanın Birinci  xanımı və Birinci Vitse-prezidentidir... O, azərbaycanlıdır!

O, Mehriban xanım Əliyevadır! Xalqımızın rifahı və dövlətimizin güclənməsi missiyasında Ona daim uğurlar arzu edirik! Həyatda daim sevinc dolu anlar yaşasın!”

Hazırladı: Mürtəza
Ölkə.Az

 

ŞƏRH YAZ
0

Həmrəyliyin və vətəndaş birliyinin memarı — Mehriban Əliyeva

Həmrəyliyin və vətəndaş birliyinin memarı
12:11
Bu gün
863
Siyasət
A

2016-cı ilin payızın əvvəllərində Azərbaycanda Konstitusiyaya dəyişikliklərlə bağlı referendum keçirildi və dövrün tələblərinə uyğun olaraq bir sıra yeniliklər qəbul olundu. Ən vacib yeniliklərdən biri də Azərbaycanda vitse-prezidentlik institutunun yaradılması oldu. Dövrün tələb və şərtlərinə uyğun olaraq belə bir təsisatın yaranması zərurətdən irəli gəlirdi. Çünki Azərbaycan cəmiyyətində, müxtəlif ictimai-siyasi qruplar tərəfindən həm referendum ərəfəsində, həm də sonrakı mərhələdə Mehriban Əliyevanın Birinci vitse-Prezident təyin edilməsi arzusu dilə gətirilirdi. 

İnsanların etimadı təsadüfi deyildi...

İnsanların bu sayaq istəklərini səsləndirməsi əslində  Mehriban Əliyevanın buna qədərki fəaliyyətinə verilən qiymət kimi də xarakterizə oluna bilər. Belə ki, onun həm Milli Məclisin fəal deputatı kimi dəfələrlə Amnistiya Aktlarının qəbul edilməsində, həm də Heydər Əliyev Fondunun Prezidenti kimi çox geniş şaxəli humanitar, sosial sahələrdə addımlarının nəticəsi olaraq ortaya çıxırdı. Buna qədər isə Mehriban Əliyeva özünü peşəkar təşkilatçı, insanların sosial problemlərinin həllinə dəstək verəcək proqramların təşəbbüskarı, belə layihələrin yerinə yetirilməsinə rəhbərlik edən siyasətçi kimi artıq tanıtmışdı. Bu baxımdan da heç kəsə sirr deyildi ki, 2017-ci ildə Mehriban Əliyevanın Birinci vitse-Prezident vəzifəsinə təyin edilməsi Azərbaycan cəmiyyətində çox razılıqla qarşılandı. Mehriban Xanım dövlətdə ikinci Şəxs kimi fəaliyyətə başlayandan qısa müddət sonra özünə bəslənən ümidləri yüksək səviyyədə doğrultdu. Şübhəsiz ki, bunun konkret səbəbləri var idi.  

 

Image result for Mehriban Əliyeva


Əvvəla, Mehriban Əliyeva dövlətin bir çox vacib sahələrinə məsul olan şəxs kimi həmin sferalarda insanların maraqlarına cavab verən yüksək nəticələrə nail oldu. Sosial sahədə həssas olan bir sıra problemli məsələlər Mehriban Əliyevanın bacarığı sayəsində öz həllini tapdı, yeniliklər tətbiq edildi. Şəhid ailələri ilə görüşlər, əlillərin problemlərinin həllinə onun həssas münasibəti cəmiyyətin dövlətçil siyasətçiyə olan etimadını artırırdırsa, digər yandan Mehriban xanımın Qarabağ münaqişəsinə münasibətdə mövqeyinin göstəricisi idi.


Eyni zamanda, ayrı-ayrı vətəndaşların sosial problemlərinə yaxından diqqət və qayğı göstərildi. Təsadüfi deyil ki, bu gün cəmiyyətdə gündəmə gətirilən istənilən ictimai müzakirələrə Mehriban Əliyeva çox operativ reaksiya verir. Kiminsə mənzil, kiminsə, təhsil, kiminsə də müalicə məsələləri həll edilir. İnsanların çağırışlarına belə isti münasibət göstərməsi nəticəsində vətəndaşlar Mehriban Əliyevanın timsalında ölkə Prezidenti İlham Əliyevə ən böyük dəstək verən görkəmli dövlət xadimini görür.

 

Image result for Mehriban Əliyeva


Mehriban Əliyeva Azərbaycanda mədəniyyətin, idmanın, təhsilin inikişafına böyük töhfə verir. Onun şəxsi təşəbbüsü sayəsində Azərbaycan təhsilinə bir sıra yeniliklər edildi, təhsilimizin idarəedilməsində Avropa standartları tətbiq olunmağa başladı. İldən-ilə Azərbaycanda təhsillə bağlı yeniliklər müşahidə olunur. 


Bu gün Mehriban Əliyeva tərəfindən Azərbaycan mədəniyyətinin dünyada tanıdılmasına və inkişafına böyük dəstək verilir. Digər sahələr kimi, mədəniyyətimizin inkişafında da onun misilsiz xidmətləri var. 


Azərbaycanın ayrı-ayrı tarixi və mədəniyyət abidələrinin, həmçinin, Şəki Xan Sarayının, Azərbaycan muğamının dünyada tanıdılması YUNESKO-nun Ümumdünya İrs Siyahısına salınması bilavasitə Mehriban Əliyevanın əməyinin bəhrəsidir.

 

Related image


Təsadüfi deyil ki, bu ilin aprelində Azərbaycanın maddi mədəniyyət abidələrindən biri olan İçərişəhərdə Qala divarları qarşısında tikilən restoranın damında söküntü işlərinə Mehriban xanım dərhal reaksiya vermişdi. Onun məsələyə müdaxiləsindən sonra həmin tarixi abidə dağılmaq təhlükəsindən xilas olmuşdu. Həmin ərəfədə Birinci vitse-prezident daha bir tarixi yerin – Bakının Süleyman Rüstəm küçəsi 10 ünvanında yerləşən, 1913-cü ildə molokanlar üçün ibadət evi kimi tikilmiş binanın qorunması barədə də mühim tapşırıqlar verdi. Onun bu cür həssas məsələlərə olduqca diqqətcil yanaşması əslində Mehriban Əliyevanın Azərbaycanın və paytaxt Bakının memarlıq və tarixi irsinin qorunub saxlanılması ilə bağlı təşəbbüslərini hər birimiz üçün prioritet məsələyə çevirib. Bəlkə də buna görədir ki, xalqımız Birinci Xanımın bu cür addımlarına xilas yolu kimi baxırlar. 


Mehriban Əliyeva həm də cəmiyyətimizdə vətəndaş həmrəyliyinin və milli birlik faktorunun güclənməsinə böyük təkan verir. Bu günlərdə Azərbaycanın keçmiş Prezidenti mərhum Əbülfəz Elçibəyin həyat yoldaşı Həlimə Əliyevanın dünyasını dəyişməsi xəbəri Mehriban Əliyeva tərəfindən çox həssaslıqla qarşılandı, onun dəfninin xərcləri Heydər Əliyev Fondu tərəfindən qarşılandı. Həmçinin Həlimə Əliyevanın cənazəsinin Naxçıvana aparılması üçün xüsusi təyyarə ayrıldı. Azərbaycanın tanınmış dövlət xadimləri və onların ailə üzvləri ilə bağlı Mehriban Əliyevanın bu cür hümanist addımları dövlətçilik adət-ənənələrinin yaradılmasında mühüm rol oynayır. Və ilk belə hadisə deyildi.

 

Related image


Azərbaycanın sabiq prezidenti Ayaz Mütəllibovun 2012-ci ildə Azərbaycana qayıtmasında da Birinci vitse-Prezidentin rolu danılmazdır. Həmçinin Mütəllibovun oğlu Azad Mütəllibovun müalicəsi də məhz Fond tərəfindən həyata keçirilmişdi. Bütün bunlar vətəndaşın probleminin şəxsən Mehriban Əliyevanın diqqətində olması qənaətinə gəlməklə yanaşı onun cəmiyyətdə birləşdirici  siyasətçi obrazını yaradır. 


Mehriban Əliyeva eyni zamanda Azərbaycan dövlətini dünyada yüksək səviyyədə təmsil edir, ölkəmizin milli problemlərini gündəmə gətirir. Mehriban Əliyevanın ölkə Prezidenti ilə bölgələrə səfəri zamanı hansısa məsələlərin həllində yaxından iştirakı, həmin məsələlərə operativ reaksiya insanların dövlətdən razı qalmasına gətirib çıxarır. Bu baxımdan Mehriban Əliyevanın Birinci vitse-Prezident təyin edilməsi və indiki yorulmaz fəaliyyəti həm də Prezident İlham Əliyevin uğurlu daxili-xarici siyasət həyata keçirməsini asanlaşdırır. Bu isə cəmiyyətimizdə dövlətə inamın və bağlılığın daha güclənməsini təmin edir. 

 

Image result for Mehriban Əliyeva Əbülfəz Elçibəyin xanımı


İndi xalqımız Mehriban Əliyevanın timsalında Azərbaycan qadınının müdrikliyini, böyüklüyünü, onun hər bir vətəndaşa həssas yanaşmasını görür. Şübhəsiz ki, insanları narahat edən sosial problemlər Prezident İlham Əliyevin yürütdüyü siyasətin nəticəsində həllini tapır. Ancaq bu problemlərin həllində ölkə başçısına ən böyük dəstəyi məhz Mehriban xanım Əliyeva verir.  

P.S. Bu gün Azərbaycanın Birinci vitse-prezidenti, Heydər Əliyev Fondunun prezidenti Mehriban Əliyevanın ad günüdür.  

Vasif Həsənli

ŞƏRH YAZ
0
BAĞLA