Prezident Sumqayıtda məktəb binasının tikintisinə 2 milyon manat ayırdı

Prezident Sumqayıtda məktəb binasının tikintisinə 2 milyon manat ayırdı
16:18
21.11.2019
565
Siyasət
A
Prezident İlham Əliyev Sumqayıt şəhərində yeni ümumtəhsil məktəbi binasının tikintisi ilə bağlı tədbirlər haqqında sərəncam imzalayıb.

Sərəncamda qeyd edilir ki, Sumqayıt şəhərində 1 nömrəli şəhər tam orta məktəbi üçün 1800 şagird yerlik yeni binanın tikintisi məqsədilə Azərbaycan Respublikasının 2019-cu il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan Azərbaycan Respublikasının Təhsil Nazirliyinə ilkin olaraq 2 milyon manat ayrılsın.

Maliyyə Nazirliyinə tapşırılır ki, bu Sərəncamın 1-ci hissəsində göstərilən məbləğdə maliyyələşməni təmin etsin.

İqtisadiyyat Nazirliyi Azərbaycan Respublikasının 2020-ci il dövlət büdcəsi layihəsində dövlət əsaslı vəsait qoyuluşu xərclərinin bölgüsündə bu Sərəncamın 1-ci hissəsində göstərilən ümumtəhsil məktəbi binasının tikintisinin başa çatdırılması üçün zəruri olan maliyyə vəsaitini nəzərdə tutacaq.

Nazirlər Kabinetinə bu Sərəncamdan irəli gələn məsələləri həll etmək tapşırılır.

ŞƏRH YAZ
0

Müsavat və AXCP-nin fəaliyyəti Azərbaycanın beynəlxalq imicinə zərbə vurmaqla gəlir əldə etmək olub

Müsavat və AXCP-nin fəaliyyəti Azərbaycanın beynəlxalq imicinə zərbə vurmaqla gəlir əldə etmək olub
15:35
Bu gün
233
Siyasət
A

Necə deyərlər, zaman ən böyük və ədalətli hakimdir. Bütün qaranlıq görünən və vaxtında dərk edilməyən məsələlərə işıq salıb, aydınlıq gətirən zamandır. Ona görə də zaman ən böyük və ədalətli hakim hesab olunub. Bu fikir bu gün özünün əsas hədəfi  və məramı Azərbaycanda demokratik dəyərlər, qanunun aililiyi,  dövlətin  hərtərəfli inkişafını dəstəvuz edən müxalifət düşərgəsinə də aiddir. Zaman keçdikcə bəlli oldu ki, bəzi müxalifət partiyalarının liderlərinin əsas məqsədi heç də ölkədə qanunun aliliyinin, demokratiyanın, iqtisadi-sosial inkişaf  deyil, əslində bu ad altında öz  gələcək rahat həyat şəraitlərini təmin etmək olub. Alman polisinin Azərbaycanın müxalif düşərgəsinə məxsus  saxta mühacir alveri ilə bağlı saxladığı şəxslərdən sonra bu çılpaqlığı ilə ortaya çıxdı və geniş cəmiyyət kütləsi bundan agah oldu. Baxmayaraq ki, ölkədən saxta mühacir biznesi müxalifət düşərgəsində hələ 90-cı illərin ortalarından başlayaraq vüsət alıb.  Necə deyərlər müxalifət liderləri  saxta mühacir biznesindən istifadə edərək özlərinə mütəşəkkil şəbəkə yaradaraq, yaxşı gəlir əldə ediblər.

Əslində müxalifət liderlərinin, xüsusən də Müsavat və AXCP-nin  ötən müddət ərzində fəaliyyəti Azərbaycanın beynəlxalq imicinə zərbə vurmaq, beynəlxalq təzyiq altında saxlmaqla gəlir əldə etmək olub. Belə ki, həmin düşərgənin liderləri əslində bir  güllə ilə bir neçə “dovşan vurmağa” çalışıblar və müəyyən mənada məqsədlərinə də nail olublar. Deyə bilrəsiniz necə?

Müxalifət bir yandan özlərini millətin xilaskarı obrazını formalaşdırmaq, ölkədə qanun aliliyi, demokratiyanın, söz və fikir azadlığı, vətəndaşların sərbəst toplaşma hüququnun  bərqərar olması adı altında  kütləvi aksiyalar və digər müxtəlif tədbirlər keçiriblər. Və çalışıblar ki, kütləvi aksiyalar polislə qarşıdurma şəraitində keçsin. Bunu etməklə adı çəkilən partiyalar guya ölkədə demokratiyanın boğulduğunu bəhanə gətirərək  xarici donorlardan maliyyə alsınlar, həm də Azərbaycan haqqında mənfi imic formalaşdırsınlar. Çünki onlar yaxşı anlayırlar ki, xarici donorlar və erməni lobbisi ancaq Azərbaycan haqqında mənfi imic formalaşdıranda “səxavət kisəsinin” ağızını açır.

Bunu etmək üçün hətta icazəli aksiyalarda belə bacardıqca aksiya iştirakçıları ilə polis arasında daha çox qarşıdurma yaransın. Hətta polis aksiya iştirakçılarına  fiziki xətər yetirsin. Bunun üçün müxtəlif təxribatlara əl atıblar. Sonda aksiyada  polis və hüquq-mühafizə orqanları tərəfindən təzyiqə məruz qalmışların  adlarının  yerli və xarici media orqanlarında  çap olunmasına çalışırdılar. Və mediada bir çox hallarda heç aksiyaya aidiyyatı olmayan insanların adı  hallanırdı. Bu həm onlara xarici “donorlar”dan, həm daxildə hakimiyyəti zəiflətmək üçün alışan qüvvəlrədən pul almaq üçün istifadə olunurdu, həm də  mühacir ixracı üçün ən gözəl vasitə idi. Ona görə də müxalifət bir güllə ilə bir neçə “dovşan” vurmağa çalışırdı. Artıq 2000-ci illərin əvvəllərində müxalifətin mühacir ixracı və biznesi geniş vüsət aldığından müxalifət düşərgəsinə aidiyyatı olmayanların öz həyat şəraitini daha da yaxşı qurmaq üçün Avropaya daha rahat yolla getməsi üçün bir tramplin rolunu oynamağa başladı.  Çünki müxalifət partiyasına aidiyyatı olmayan insanlar  aksiyalarda, xüsusən də icazəsiz aksiyalarda, seçki ərəfəsində daha çox “fəallıq” nümayiş etdirməyə başlayırdı. Bir daha qeyd edirəm ki, hətta icazəli aksiyalarda  polislə açıq qarşıdurmaya gedərək ya onları saxlayaraq barələrində inzibati cəza kəsilməsinə, ya da polisin onlara zor işlətməsinə nail olmağa çalışırdı. Bu anları da bacardıqca fotokadrlara çəkdirirdilər. Hətta bunun üçün həmin insanlar yanında xüsus fotoqraflar və yaxudda mobil telefonlardan istifadə edirdilər.

Bundan sonra müxalifət partiyasının biri ilə, xüsusən də Müsavat və AXCP-dən pulla vəsiqə və digər lazımi sənədlər alaraq Avropaya üz tuturdu.  Bu yolla orada “siyasi mühacir” statusu alaraq digər istəklərini reallaşdırırdılar. 

Bununla bağlı  müxalifət liderlərinə iradlar  və etirazlar olsa da, onlar əks həmlə ilə bu fikri səsləndirənləri yaxın ətrafları ilə linç etməyə çalışırdılar.  Sadə “obıvatel”ə isə guya onlar şər atıldığını iddia edərək, bu oyundan təmiz çıxmağa çalışırdılar. Ancaq  Alman polsinin saxta mühacir və sənəd  biznesi ilə bağlı Müsavat Partiyasının  bir neçə üzvünü saxlamasından sonra onların bu siması cırıldı. Və geniş cəmiyyət kütləsi də anlamağa başladı ki, bunların əsas məqsədi ölkənin inkişafı deyil, əslində ölkəni xaosa sürükləmək,  beynəlxalq aləmdə mənfi imic formalaşdırıb, düşmənlərdən maddi dəstək almaq  və ən nəhayət mühacir biznesi ilə məşğul olaraq rahat gələcəklərini təmin etmək olub.

Mürtəza
Ölkə.Az

ŞƏRH YAZ
0

İlham Əliyev Həştərxan vilayətinin qubernatorunu qəbul etdi — FOTO

İlham Əliyev Həştərxan vilayətinin qubernatorunu qəbul etdi
14:41
Bu gün
540
Siyasət
A
Azərbaycan Respublikasının Prezidenti İlham Əliyev dekabrın 13-də Rusiya Federasiyası Həştərxan vilayətinin qubernatoru İqor Babuşkinin başçılıq etdiyi nümayəndə heyətini qəbul edib.

"Ölkə.Az" xəbər verir ki, qonaqları salamlayan Prezident İlham Əliyev deyib:

“Xoş gəlmisiniz, sizi görməyimə şadam.

Çox şadam ki, siz Həştərxan vilayətinin rəhbəri təyin ediləndən az sonra Azərbaycana gəlmisiniz. Bu, çox yaxşı əlamətdir, bizim tərəfdaşlığımızın, dostluğumuzun əlamətidir. Həştərxan ilə Bakını uzun qarşılıqlı fəaliyyət, tərəfdaşlıq və əməkdaşlıq tarixi bağlayır. Biz Xəzərin sahilində yerləşirik, ona görə də münasibətlərimizin tarixi keçmiş əsrlərin dərinliklərinə gedir. Mən də Həştərxana səfərim zamanı bu şəhərlə tanış olmaq imkanı əldə etdim. O cümlədən mənə əməkdaşlığımızın tarixi barədə məlumat verildi. Bu əməkdaşlıq həqiqətən həmişə çox müsbət olub. Bu gün də biz çox fəal qarışlıqlı fəaliyyət göstəririk. Rusiya regionları arasında Həştərxan vilayəti ilə Azərbaycanın xüsusi münasibətləri var. Bu, bir daha bizim tariximizə və son vaxtlar çoxlu müştərək layihələrimizə əsaslanır.

Bildiyiniz kimi, Həştərxanda Azərbaycan İşgüzar Mərkəzi yaradılıb, keçən il həmin mərkəzin açılışı olub. Mənə verilən məlumata görə, Bakıda Həştərxan İşgüzar Mərkəzi də açılış üçün hazırdır və onun tikintisi demək olar ki, başa çatdırılıb. Bu, çox mühüm hadisədir, çünki biz bu işgüzar mərkəzlər vasitəsilə qarşılıqlı ticarəti inkişaf etdirəcəyik. Bu gün mən cari ilin 9 ayının məlumatlarına baxmışam. Bizdə əmtəə dövriyyəsi artımının o qədər də çox olmaması müşahidə edilir, amma hər halda burada da müsbət dinamika var.

Həştərxan ilə Bakını bağlayan amillər çoxdur. Əlbəttə, gələcəkdə birgə fəaliyyətimizi elə planlaşdırmalıyıq ki, qarşılıqlı əlaqələrimiz daha sıx olsun. Biz artıq birbaşa aviasiya əlaqəsinə malikik. Bu da çox müsbət məqamdır. Hesab edirik ki, həm bizim turistlər, həm də Həştərxandan olan turistlər daha çox qarışlıqlı səfərlər edəcəklər. Ümumiyyətlə, Azərbaycana gələn rusiyalı turistlərin sayı artır. Fikrimcə, bu il həmin rəqəm bir milyon nəfərə yaxın olacaq. Beləliklə, bu da əməkdaşlığın, dostluğun yaxşı göstəricisidir və bizim vətəndaşlarımız bir-birinə baş çəkəndə özlərini rahat hiss edirlər.

Bütövlükdə bu il Rusiya-Azərbaycan münasibətləri üçün çox uğurlu olub. Yüksək səviyyədə, nazirlər, qanunverici hakimiyyətin rəhbərləri səviyyəsində əlaqələr, biznes forumlar xeyli çox olub. Bu yaxınlarda Moskvada regional forum keçirilib. Buna görə biz ili siyasi sahədə yaxşı nəticələrlə, əmtəə dövriyyəsinin xeyli artması ilə başa vururuq və gələn ilə böyük nikbinliklə baxırıq. Çünki əminəm ki, Rusiya-Azərbaycan münasibətləri ölkələrimizin, xalqlarımızın rifahı naminə durmadan inkişaf edəcək və biz, əlbəttə, öz tərəfdaşlarımızla ənənəvi əlaqələri möhkəmlədəcəyik. Bir daha xoş gəlmisiniz. Bakıda vaxtınızın xoş keçməsini arzu edirəm”.

Rusiyanın Həştərxan vilayətinin qubernatoru İqor Babuşkin deyib:

“Çox sağ olun, hörmətli İlham Heydər oğlu. İcazə verin, ilk növbədə, Sizə dərin ehtiramımı və şəxsən görüşmək imkanına görə təşəkkürümü bildirim. Həqiqətən, Azərbaycan Respublikası Həştərxan vilayəti üçün Xəzəryanı regionda əsas tərəfdaşlardan biridir. Uzun müddət ərzində əmtəə dövriyyəsi, turizm sahəsində bu cür sıx münasibətlər, işgüzar əlaqələr yaranıb. Müasir mərhələdə bizim iqtisadi əlaqələrimizin flaqmanı, heç şübhəsiz, xarici ticarət dövriyyəsidir. Siz dediyiniz kimi, 10 ay ərzində xarici ticarətin həcmi kifayət qədər böyükdür və faiz nisbətində artım müşahidə edirik.

Biz ticari əlaqələrimizin genişlənməsi perspektivini keçən il Həştərxanda açılmış Azərbaycan İşgüzar Mərkəzinin işi ilə bağlayırıq. Dünən biz Həştərxan İşgüzar Mərkəzinin tikintisinin gedişi ilə tanış olmaq imkanı əldə etdik. Demək istəyirəm ki, işin gedişindən çox razıyıq və hesab edirik ki, iyunun əvvəlində biz bu mərkəzi təntənəli şəkildə aça biləcəyik. Siz dediyiniz kimi, Həştərxanda və Bakıda bu cür mərkəzlər həqiqətən bizim ticari və mədəni əlaqələrimizin inkişafı üçün yaxşı vasitə olacaq.

Fikrimizcə, nəqliyyat sahəsində uğurlu əməkdaşlığı nümunə göstərmək olar”.

***

Azərbaycan Respublikasının Prezidenti İlham Əliyev dekabrın 13-də Rusiya Federasiyası Həştərxan vilayətinin qubernatoru İqor Babuşkinin başçılıq etdiyi nümayəndə heyətini qəbul edib.

ŞƏRH YAZ
0
BAĞLA