Prezident Şəki Xan Sarayı ilə bağlı xalqı təbrik etdi

Prezident Şəki Xan Sarayı ilə bağlı xalqı təbrik etdi
17:43
07.07.2019
1069
Mədəniyyət
A
Prezident İlham Əliyev Azərbaycan xalqını Şəkinin UNESKO-nun Dünya İrs Siyahısına salınması münasibətilə təbrik edib.

“Ölkə.Az” xəbər verir ki, prezidentin təbrikində bunlar qeyd edilib:

“Bu gün Bakıda UNESKO-nun Ümumdünya İrs Komitəsinin 43-cü sessiyasında Azərbaycanın “Xan Sarayı ilə birgə Şəkinin tarixi mərkəzi” UNESKO-nun Ümumdünya İrs Siyahısına daxil edilib.

Azərbaycanın ən qədim şəhərlərindən olan Şəkinin tarixi hissəsi yüzillər boyu ölkəmizin mədəniyyət mərkəzlərindən biri kimi tanınıb. Unikal abidələrlə zəngin Şəki şəhərinin tarixi hissəsinin mühafizəsi və inkişafı daim dövlətin diqqətində saxlanılıb.

Son illər Azərbaycanın mədəni irsinin dünya səviyyəsində tanıdılması və qorunması istiqamətində çoxsaylı layihələr həyata keçirilib. Qeyd edilməlidir ki, bu fəaliyyətlər beynəlxalq təşkilatlarla, xüsusən dünya mədəniyyəti, təhsili və elminə məsul olan UNESKO ilə sıx əməkdaşlıq şəraitində gerçəkləşdirilir. Təsadüfi deyil ki, “İçərişəhər, Qız Qalası və Şirvanşahlar Saray Kompleksi”, “Qobustan Qaya Sənəti Mədəni Landşaftı” UNESKO-nun Ümumdünya İrs Siyahısında, həmçinin xalqımızın qeyri-maddi mədəni irsinin 13 nümunəsi UNESKO-nun qeyri-maddi mədəni irs siyahısında yer alır. Bu hadisələr Azərbaycan xalqının ümumbəşər mədəniyyətinə verdiyi töhfənin beynəlxalq miqyasda bir daha etirafıdır.

Əziz həmvətənlər,

Şəkinin tarixi mərkəzində keçmişimizi özündə təcəssüm etdirən Şəki Xan Sarayı, karvansaraylar, məscid və minarələr, qədim körpülər, sənətkarlıq emalatxanaları və yaşayış evləri bu gündən etibarən təkcə xalqımızın deyil, bəşəriyyətin mədəni irsi hesab olunur.

UNESKO tərəfindən “Xan Sarayı ilə birgə Şəkinin tarixi mərkəzi”nin Ümumdünya İrsi elan edilməsi münasibətilə bütün Azərbaycan xalqını təbrik edirəm.

Ölkə.Az

ŞƏRH YAZ
0

54 yaşlı aktrisa gözəllik sirrini — AÇIQLADI

54 yaşlı aktrisa gözəllik sirrini
08:31
16.07.2019
704
Mədəniyyət
A
Məşhur rus aktrisası İrina Bezrukovanın 54 yaşı tamam olub.

“Ölkə.Az” xəbər verir ki, yaşına baxmayaraq gözəl və təravətli qalan aktrisa cazibəsinin sirrini açıqlayıb. Məlum olub ki, ən vacib faktor yaxşı yuxu imiş.
İrina bildirib ki, özünə qulluq üçün külli miqdarda pul xərcləmir. Bunun üçün bütün bədəninə özü qulluq edir. Onun əsas sirlərindən biri yaxşı yuxudur.

O, qeyd edir ki, yataq otağında işıq və səs qəti olmamalıdır. Bu zaman isə rahat yuxuya getmək və yaxşı yatmaq olar. Bezrukova evində televizorun, yataq otağında isə saatın olmadığını deyib.

Ölkə.Az

 

ŞƏRH YAZ
0

Musa Yaqub gəzir — FOTO

Musa Yaqub gəzir
14:25
15.07.2019
918
Mədəniyyət
A
Tamada Pünhan İsmayıllı Xalq şairi Musa Yaqubun fotosunu sosial şəbəkədə paylaşıb.

"Ölkə.Az"-ın məlumatına görə, o, fotonu "Allaha şükür, qoca şir yavaş-yavaş gəzir" şərhiylə paylaşıb.

Qeyd edək ki, bir neçə gün öncə səksən yaşlı şairin ölüm xəbəri yayılmışdı.

Ölkə.Az

ŞƏRH YAZ
0
BAĞLA