Prezident Xorvatiyaya səfər edəcək

Prezident Xorvatiyaya səfər edəcək
18:16
22.05.2018
1740
Siyasət
A
Xorvatiya Respublikasının Prezidenti Kolinda Qrabar-Kitaroviç Azərbaycan Respublikasının Prezidenti İlham Əliyevə təbrik məktubu ünvanlayıb.

"Ölkə.Az"-ın xəbərinə görə, təbrik mətnində deyilir: 

"Hörmətli cənab Prezident. Azərbaycanın milli bayramı – Respublika Günü münasibətilə Sizi Xorvatiya Respublikasının vətəndaşları adından və şəxsən öz adımdan səmimi qəlbdən təbrik edir, ölkənizin və xalqınızın firavanlığı üçün ən xoş arzularımı bildirməkdən məmnunluq hissi duyuram.

Xorvatiya Respublikası ilə Azərbaycan Respublikası arasında son illər ərzində çox gözəl münasibətlər formalaşıb. Ölkələrimiz arasında mövcud olan bu dostluq və tərəfdaşlıq münasibətləri ikitərəfli və qlobal əhəmiyyətə malik dialoq və əməkdaşlıq münasibətlərinin daha da dərinləşməsinə əlavə təkan verəcək. Əminəm ki, bir çox sahələri əhatə edən əməkdaşlığımız xalqlarımız arasında qarşılıqlı anlaşma və dostluq münasibətləri naminə bundan sonra da möhkəmlənməkdə davam edəcək.

Sizinlə bu ilin sentyabr ayında Xorvatiya Respublikasına planlaşdırdığınız səfəriniz zamanı görüşməyi səbirsizliklə gözləyirəm. Əminəm ki, bu səfər dostluq münasibətlərimizin və Xorvatiya ilə Azərbaycan arasında mövcud olan hərtərəfli münasibətlərin qarşıdakı dövrdə daha da güclənməsinə əlavə stimul verəcək. Cənab Prezident, xahiş edirəm ən yüksək ehtiramımı qəbul edin".

ŞƏRH YAZ
0

"Yeni hakimiyyətin səriştəsiz siyasəti Ermənistanın vəziyyətini daha da ağırlaşdıracaq" — Millət vəkili

15:12
Bu gün
46
Siyasət
A
Azərbaycan parlamentinin 100 illiyinə həsr olunmuş tədbir böyük hadisədir.

"Ölkә.Az" xәbәr verir ki, bunu trend-ə açıqlamasında millət vəkili Tahir Kərimli deyib.

Onun sözlərinə görə, parlamentin 100 illiyi münasibətilə keçirilən təntənəli iclasda müxtəlif dövlət və beynəlxalq təşkilatların 40-a yaxın nümayəndəsi çıxış etdi, amma tədbirdə ən yaddaqalan çıxış Azərbaycan Prezidenti İlham Əliyevin nitqi oldu:

"Cənab Prezident çıxışında Azərbaycan parlamentinin tarixi, müasir inkişafımız barədə danışdı. Dövlət başçısı Milli Məclisin fəaliyyətindən razılıq etdi, beynəlxalq arenada Azərbaycanın milli dəyərlərinin qorunduğunu bildirdi. İkinci ən mühüm məsələ cənab Prezidentin Dağlıq Qarabağ münaqişəsi barədə fikirləri oldu. Ali Baş Komandan bildirdi ki, biz münaqişəni sülh yolu ilə həll etməyə çalışırıq, lakin tərəflər bir-birinə adekvat yanaşmalı olsa da, qarşı tərəf qeyri-adekvatdır. Yəni səriştəsiz, küçə dalğası ilə hakimiyyətə gələn Ermənistan rəhbərliyi danışıqlara hazır deyil və buna görə də məsuliyyət Ermənistanın üzərinə düşür. Heç şübhəsiz ki, Paşinyan hakimiyyətinin səriştəsiz siyasəti Ermənistanın vəziyyətini daha da ağırlaşdıracaq. Dövlət başçısı bir daha Azərbaycan Ordusunun gücündən, silahlı qüvvələrimizin hər an torpaqlarımızı azad etməyə hazır olmasından danışdı və bildirdi ki, Azərbaycan Ordusu dünyanın 50 ən güclü orduları sırasındadır. Dövlət başçısı, həmçinin Azərbaycanın müstəqil siyasət yeritdiyini, iqtisadiyyatının gücləndiyini bir daha bəyan etdi".

T.Kərimıli bildirib ki, iclasda iştirak edən əksər xarici dövlət nümayəndələri çıxışlarında Azərbaycan Prezidentinin nitqinə istinad etdilər: "Ən diqqət çəkən məqamlardan biri də iclasda Türkiyə Böyük Millət Məclisi sədrinin çıxışı oldu. O, çıxışında bildirdi ki, Azərbaycana soyuq dəyərsə, biz xəstələnərik".

Ölkә.Az

ŞƏRH YAZ
0

"Azərbaycan Prezidenti parlamentdəki çıxışı ilə Ermənistana nəticə çıxarmaq və düz yola gəlmək üçün şans verdi" — Əflatun Amaşov

12:40
Bu gün
250
Siyasət
A
Azərbaycan Prezidenti parlamentdəki çıxışı ilə Ermənistana nəticə çıxarmaq və düz yola gəlmək üçün şans verdi.

"Ölkә.Az" xәbәr verir ki, bunu trend-ə millət vəkili, Azərbaycan Mətbuat Şurasının sədri Əflatun Amaşov deyib.

Ə.Amaşov qeyd edib ki, Azərbaycan Respublikasının Prezidenti cənab İlham Əliyevin Azərbaycan Parlamentinin 100 illik yubileyi münasibətilə keçirilmiş iclasdakı çıxışı Azərbaycanın ötən 100 ildəki inkişaf xronikasının müfəssəl təsviri idi:

"Biz haradan hara gəlmişik? Doğrudan da qürurlu tarixdir. Cənab Prezident bu tarixin incəliklərindən bəhs etməklə yanaşı, Azərbaycanın bölgədəki hegemon mövqeyinin real əsaslarını son dərəcə dəqiqliklə göstərdi. Dövlət başçısının bu fikirləri məhz Azərbaycan Parlamentinin 100 illiyi ilə bağlı keçirilmiş yubiley iclasında – ali qanunverici orqanın kürsüsündən səsləndirməsi xüsusilə qürurvericidir, Azərbaycan Respublikasının Milli Məclisinin yerinə və roluna verilən böyük dəyərdir: “Deyə bilmərəm ki, biz o vaxt beynəlxalq təcriddən tam çıxa bilmişdik. Bizi qəbul etməyənlər də var idi. Biz tarixi yaxşı bilirik. Bu gün isə Azərbaycan dünya xəritəsində bir uğur nümunəsidir. ...Azərbaycansız bölgədə heç bir təşəbbüs, heç bir layihə həyata keçirilə bilməz və getdikcə bizim gücümüz - siyasi çəkimiz, iqtisadi potensialımız, hərbi gücümüz artır, beynəlxalq mövqelərimiz möhkəmlənir”. Dünyada 5 mindən çox xalq var. Onlardan yalnız 200-ə yaxınının dövləti var. Təbii ki, bu günün müstəqil Azərbaycanı xalqımızın tarixi nemətidir".

Onun sözlərinə görə, yaşadığımız bölgənin olduqca mürəkkəb olduğunu və dəfələrlə tarixin sərt sifətinin bizləri müstəqillikdən məhrum etdiyini nəzərə alsaq, ötən 27 il həqiqətən də bir nemətdir:

"Parlamentarizmimizin 100 ili isə müasir müstəqillik yaşantımızın əbədilik simvoludur. Ötən 27 il 100 ili nəsillərə miras edəcək təminatdır. Ötən 27 il 100 ilimizi ənənəyə çevirən misilsiz tarixdir və bu tarixin yazılmasında Azərbaycan Respublikasının Milli Məclisinin rolu son dərəcə böyükdür. Milli Məclis 100 illik parlamentarizm ənənəmizi yaşadan mühüm institutdur. Tarixi parlamentimizin ənənələrinin davam etdirən Milli Məclisin fəaliyyəti eyni zamanda Azərbaycanın dünyadakı hüquqi-demokratik dövlət simasının təsdiq platformasıdır. Dövlət başçımızın çıxışında bu kimi məqamlar ustalıqla diqqətə çatdırıldı, müqayisə və paralellər aparıldı".

Millət vəkili vurğulayıb ki, cənab Prezidentin parlament kürsüsündən etdiyi çıxış Ermənistanın baş naziri Nikol Paşinyanın son günlər səsləndirdiyi fikirlərin avantürist mahiyyətinin ciddi arqumentlərlə əsaslandırılması və ifşası, belə demək mümkünsə, ucuz populizmə reallıq dərsi idi:

"Hansı halda Ermənistan bölgənin inkişafından pay götürə bilər? Necə olur ki, Ermənistanın inkişafına əngəl yaranır? Cənab İlham Əliyev çıxışında Ermənistan cəmiyyəti üçün inkişaf yolunu göstərdi. Təbii ki, ölkənin iflasının nədən qaynaqlandığını izah etdi: “Bu gün bizim siyasətimiz, - mən bunu bir daha demək istəyirəm, bu, sirr deyil, - Ermənistanı tam təcrid edilmiş vəziyyətə salmaqdır, iqtisadi dayaqlarını, - ona dayaq da demək olmaz, - çökdürməkdir”. İllərdir ki, Cənubi Qafqazın bu ölkəsində inkişaf yoxdur, ictimai-siyasi durum gərgindir, sosial-iqtisadi vəziyyət acınacaqlıdır, dözülməzdir, digərində - Azərbaycanda isə nəhəng layihələr reallaşır, inkişaf xüsusiyyətləri dünya reytinqləri ilə ölçülür. Hesab edirəm ki, həm erməni cəmiyyəti, həm də hakimiyyəti bunu nəzərə almalı və ciddi düşünməlidir".

Ə.Amaşov bildirib ki, Azərbaycan Prezidenti əslində parlamentdəki çıxışında düşünmək, nəticə çıxarmaq və düz yola gəlmək üçün şans da verdi. Bu şans Azərbaycan torpaqlarının işğalına son qoyulmasından keçir. Dövlət başçısı bu məqamı diqqətə çatdırmaqla yanaşı, Azərbaycanın işğalla barışmayacağını xüsusi vurğuladı:

"Bir daha müstəqillik haqqında. Hesab edirəm ki, “müstəqillik təkcə dövlət atributları deyil” deyən Azərbaycan Prezidentinin səsləndirdiyi fikirlər dövlət müstəqilliyi fəlsəfəsinin çox sadə, ancaq fundamental izahı idi. Bu izahda Azərbaycanın yeritdiyi siyasi xəttin əminliyi, dönməzliyi ifadə olunurdu. Dövlət başçısının aşağıdakı fikirləri həm də işğalçı Ermənistana ünvanlanmış mesaj idi. “Sən müstəqil siyasət apara bilirsən, yoxsa yox? Bunu uğurla apara bilirsən, yoxsa yox? Bu müstəqil siyasət sənə xeyir gətirir, yoxsa yox? Bax, bu suallara cavab verdikdə əminliklə deyə bilərik ki, bu gün tam şəkildə müstəqil siyasət aparan Azərbaycan öz milli maraqlarını tam şəkildə təmin edir. Azərbaycan parlamentinin bu işlərdə önəmli rolu var".

Ölkә.Az

ŞƏRH YAZ
0
BAĞLA