Prezidentdən Azərpaşa Nemətovla bağlı — SƏRƏNCAM

Prezidentdən Azərpaşa Nemətovla bağlı
18:33
11.08.2017
42
Siyasət
A

Azərbaycan prezidenti İlham Əliyev Azərpaşa Nemətovun II dərəcəli “Vətənə xidmətə görə” ordeni ilə təltif edilməsi haqqında sərəncam imzalayıb.
 
"Ölkə.Az"ın məlumatına görə, A. Nemətov Azərbaycan mədəniyyətinin inkişafında xidmətlərinə görə təltif edilib.

ŞƏRH YAZ
0

Deputat: “Aksiz vergilərinin artırılması Azərbaycan məhsullarının istehsalına yönəlib”

Deputat: “Aksiz vergilərinin artırılması Azərbaycan məhsullarının istehsalına yönəlib”
12:34
Bu gün
193
Siyasət
A
Milli Məclisin İqtisadi siyasət, sənaye və sahibkarlıq komitəsinin üzvü, tütün və siqaret istehsalı ilə məşğul olan “European Tobacco-Baku” ASC-nin İdarə Heyətinin keçmiş sədri Rüfət Quliyev yanvarın 23-dən ölkəyə gətirilən tütün və tütün məmulatlarının, Aİ-95 və Aİ-98 markalı benzinin aksiz vergilərinin artırılması məsələsinə münasibət bildirib.

R.Quliyev “Ölkə.Az”-a açıqlamasında deyib ki, sözügedən məhsulların qiyməti 200 dəfə deyil, 1,5, 2, 3 dəfə qaldırılıb:

“Bu da təbii olan haldır. Çünki hər bir dövlətdə olduğu kimi, Azərbaycanda da daxili bazarın qorunması üçün müəyyən addımlar atılır. Yəni, bu addım təbiidir və daxili istehsalın qorunması və inkişafına hesablanıb. Hər bir dövlətin aksiz mallarla bağlı öz siyasəti olur. Buna misal olaraq Türkiyə nümunəsini göstərmək olar. Türkiyədə xaricdən gətirilən malla daxildə istehsal olunan malın aksizi arasında 10 dəfə fərq olur. Dünyanın əksər ölkələrində bu siyasət həyata keçirilir. Buna normal yanaşmaq lazımdır. Bu Azərbaycanın daxili bazarını qoruyacaq, daxili istehsalı gücləndirəcək. Bununla da yerli istehsal olunan mallara tələbat artacaq”.

Deputat Azərbaycanda istehsal olunan aksiz malların heç də xaricdən alınan mallardan geri qalmadığını söyləyib:

“Təbii ki, xaricdən gətirilən malların aksiz vergilərinin artırılması Azərbaycanda tütün və spirtli içkilərin qiymətlərində müəyyən artım yaradacaq. Ancaq yerli sahibkarlar da elə məhsul istehsal etməlidir ki, həm rəqabətdə, həm də keyfiyyətdə xaricdən alınan mallara uduzmasınlar. Bunun üçün Azərbaycan dövləti sahibkarlar üçün hər cür şərait yaradıb. Mən bütün rayonlarda oluram, sahibkarlarla tez-tez görüşlərim olur və sairə. Müşahidələrim də onu göstərir ki, Azərbaycanda sahibkarlar üçün bütün lazımı şərait yaradılıb. Sahibkarlarımız da fəal olsalar, həm qiymət artımı olmaz, həm də keyfiyyətli məhsullarla bazarda öz yerlərini tutarlar. Vergi orqanlarında da böyük islahatlar həyata keçirilir. Bütün bunlar Azərbaycanda kiçik və orta sahibkarlığın inkişafı üçün həyata keçirilir”. 

Xatırladaq ki, yanvarın 23-dən ölkəyə gətirilən tütün və tütün məmulatlarının, Aİ-95 və Aİ-98 markalı benzinin aksiz vergiləri artırılır. Tütün və tütün məmulatlarına tətbiq edilən aksiz vergiləri 2 dəfədən çox artırılıb. Bütün bunlar Nazirlər Kabinetinin “Azərbaycan Respublikasının ərazisinə gətirilən aksiz vergisinə cəlb olunan malların aksiz dərəcələrinin təsdiq edilməsi haqqında” qərarındakı dəyişikliklərdə öz əksini tapıb.

Dəyişikliklərə əsasən, tərkibində tütün olan siqarların 1000 ədədinə tətbiq edilən aksiz dərəcəsi 10 manatdan 20 manata, tərkibində tütün olan siqaretlərin 1000 ədədinə tətbiq edilən aksiz dərəcəsi isə 4 manatdan 12 manata qaldırılıb.

Həmçinin, tərkibində qurğuşunun miqdarı 0,013 q/l-dən çox olmayan, 95-dən az oktan ədədi ilə mühərrik benzin növlərinə aksiz dərəcəsi 1 ton üçün 1 manatdan 200 manata qaldırılıb. Tərkibində qurğuşunun miqdarı 0,013 q/l-dən çox, 95-dən az oktan ədədi ilə mühərrik benzin növlərinə tətbiq olunan 1 ton üçün 1 manat aksiz dərəcəsi də 200 manata qaldırılıb.  Tərkibində qurğuşunun miqdarı 0,013 q/l-dən çox olmayan və çox olan, 95 və ya daha çox, lakin 98-dən çox olmayan oktan ədədi ilə mühərrik benzin növlərinə tətbiq olunan 1 ton üçün 80 manat, tərkibində qurğuşunun miqdarı 0,013 q/l-dən çox olmayan və çox olan, 98 və ya çox oktan ədədi ilə mühərrik benzin növlərinə tətbiq olunan 1 ton üçün 120 manat aksiz dərəcəsi qüvvədə qalıb. Aviasiya benzini və reaktiv benzin yanacağına tətbiq edilən aksiz dərəcələri dəyişməyib.

Qeyd edək ki, bu qərarlar keçən il dekabrın 21-də qəbul olunub, sadəcə, bir ay sonra -yanvarın 23-dən qüvvəyə minir.

Vasif Həsənli
Ölkə.Az

ŞƏRH YAZ
0

İlham Əliyev "Chevron" şirkətinin vitse-prezidenti ilə görüşdü

İlham Əliyev
23:37
22.01.2018
4499
Siyasət
A
Azərbaycan Respublikasının Prezidenti İlham Əliyevin Davosda “Chevron” şirkətinin korporativ biznes inkişafı üzrə vitse-prezidenti Cey Prayer ilə görüşü olub.

"Ölkə.Az" xəbər verir ki, Cey Prayer “Azəri-Çıraq-Günəşli” yataqlarının birgə işlənilməsini nəzərdə tutan müqavilənin müddətinin uzadılması münasibətilə Prezident İlham Əliyevi təbrik edib. 

“Chevron” şirkəti ilə Azərbaycan arasında tərəfdaşlığın yüksək səviyyədə olduğunu deyən Cey Prayer bu əməkdaşlığın gələcəkdə də uğurla davam edəcəyinə əminliyini ifadə edib.

Prezident İlham Əliyev Azərbaycanda əlverişli investisiya mühitinin yaradıldığını, ölkəmizin etibarlı tərəfdaş olduğunu bir daha vurğulayıb.

Ölkə.Az

ŞƏRH YAZ
0
BAĞLA