Nazirlər Kabinetində boş qalmış vəzifələrə təyinatlar olub — SİYAHI

Nazirlər Kabinetində boş qalmış vəzifələrə təyinatlar olub
19:12
23.04.2018
11074
Ölkə
A
Azərbaycan respublikasının prezidenti İlham Əliyev “Azərbaycan Respublikası Nazirlər Kabinetinin yeni tərkibi haqqında” Azərbaycan Respublikası Prezidentinin 2018-ci il 21 aprel tarixli Sərəncamına əlavələr edilməsi barədə sərəncam imzalayıb.

"Ölkə.Az" xəbər verir ki, sərəncamla bir sıra vəzifələrə yeni təyinatlar edilib. Sərəncamda deyilir:

Azərbaycan Respublikası Konstitusiyasının 109-cu maddəsinin 5-ci bəndini rəhbər tutaraq qərara alıram:

1. “Azərbaycan Respublikası Nazirlər Kabinetinin yeni tərkibi haqqında” Azərbaycan Respublikası Prezidentinin 2018-ci il 21 aprel tarixli 9 nömrəli Sərəncamına əlavə olaraq, aşağıdakı şəxslər Azərbaycan Respublikası Nazirlər Kabinetinin üzvləri təyin edilsinlər:

1.1. Azərbaycan Respublikasının ekologiya və təbii sərvətlər naziri – Muxtar Bahadur oğlu Babayev;

1.2. Azərbaycan Respublikasının gənclər və idman naziri – Azad Arif oğlu Rəhimov;

1.3. Azərbaycan Respublikasının mədəniyyət naziri – Əbülfəs Mürsəl oğlu Qarayev;

1.4. Azərbaycan Respublikasının müdafiə sənayesi naziri – Yavər Talıb oğlu Camalov;

1.5. Azərbaycan Respublikasının səhiyyə naziri – Oqtay Kazım oğlu Şirəliyev;

1.6. Azərbaycan Respublikasının təhsil naziri – Ceyhun Əziz oğlu Bayramov;

1.7. Azərbaycan Respublikasının Ailə, Qadın və Uşaq Problemləri üzrə Dövlət Komitəsinin sədri – Hicran Kamran qızı Hüseynova;

1.8. Azərbaycan Respublikasının Diasporla İş üzrə Dövlət Komitəsinin sədri – Fuad Rauf oğlu Muradov;

1.9. Azərbaycan Respublikasının Dini Qurumlarla İş üzrə Dövlət Komitəsinin sədri – Mübariz Qəhrəman oğlu Qurbanlı;

1.10. Azərbaycan Respublikasının Dövlət Gömrük Komitəsinin sədri – Səfər Məmməd oğlu Mehdiyev;

1.11. Azərbaycan Respublikasının Dövlət Statistika Komitəsinin sədri – Tahir Yaqub oğlu Budaqov;

1.12. Azərbaycan Respublikasının Əmlak Məsələləri Dövlət Komitəsinin sədri – Kərəm Əvəz oğlu Həsənov;

1.13. Azərbaycan Respublikasının Dövlət Turizm Agentliyinin sədri – Fuad Hümbət oğlu Nağıyev;

1.14. Azərbaycan Respublikasının Qida Təhlükəsizliyi Agentliyinin sədri – Qoşqar İlahi oğlu Təhməzli;

1.15. Azərbaycan Respublikasının Dövlət Miqrasiya Xidmətinin rəisi – Vüsal Əfqan oğlu Hüseynov;

1.16. Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinin rəisi – Arzu Yusif oğlu Rəhimov.

 

2. Bu Sərəncam imzalandığı gündən qüvvəyə minir.

İlham Əliyev

Azərbaycan Respublikasının Prezidenti

ŞƏRH YAZ
0

Müdafiə Nazirliyinin rəhbər heyəti toplandı

Müdafiə Nazirliyinin rəhbər heyəti toplandı
18:48
Bu gün
2226
Ölkə
A
Müdafiə naziri, general-polkovnik Zakir Həsənovun təsdiq etdiyi fəaliyyət planına əsasən, Nazirliyin bütün rəhbər heyətinin iştirakı ilə toplanış keçirilib.

Müdafiə Nazirliyindən "Ölkə.Az"a verilən məlumata görə, müdafiə nazirinin müavinləri, qoşun növləri və qisimləri komandanları, nazirliyin baş idarə, idarə və xidmət rəisləri, birlik və birləşmə komandirləri, qərargah rəisləri və digər məsul zabitlərin iştirak etdiyi toplanışdan əvvəl şəxsi heyətin sıra baxışı keçirilib. 

Toplanışa qatılan heyət Təlim-Tədris Mərkəzində və çöl-səhra şəraitində təşkil olunan təlim nöqtələrində nəzəri və praktiki məşğələlərdə iştirak ediblər. 

Şəxsi heyətin fiziki və sıra hazırlığı yoxlanılıb, iştirakçılardan hərbi nizamnamələr, rəhbəredici və digər normativ hüquqi sənədlər üzrə məqbullar qəbul edilib. 

Çöl-səhra şəraitində təşkil olunmuş təlim sahələrində atıcı silahlardan atışlar icra olunub. 

Ölkə.Az

ŞƏRH YAZ
0

Klinikanın baş həkimi Praqada keçirilən konfransda iştirak edib

Klinikanın baş həkimi Praqada keçirilən konfransda iştirak edib
18:24
Bu gün
1815
Ölkə
A
VİP Style Estetik Klinikanın baş həkimi Samirə Məcidova dekabrın 10-dan 13-dək Çexiyanın Praqa şəhərində keçirilən Estetik Konsilium elmi-praktiki konfransda iştirak edib.

Dünyanın bir çox ölkələrindən olan həkimlərin iştirak etdiyi konfransın keçirilməsində əsas məqsəd anti-age kosmetologiya, inyeksion kosmetologiya, dermotologiya, endokrinoloji kosmetologiya, estetik ginekologiya sahəsində çalışan həkimlərin bilik və bacarıqlarını artırmaq, onların gələcək fəaliyyətlərində müasir texnologiyaların tətbiqində yararlanmağa töhfə verməkdir. Bio və nano texnologiya sayəsində anti-age terapiyada əldə olunan yeniliklər, həmçinin ən son nailiyyətlərdən faydalanaraq, müasir, innovativ və effektli aparatlar barədə mühazirələr dinlənilib.

Konfransa Azərbaycan, Türkiyə, Rusiya, Gürcüstan, Ukrayna, Polşa, İspaniya, Böyük Britaniya, Fransa və İtaliyanın peşəkar həkim mütəxəssisləri və plastik-rekonstruktiv estetik cərrahları qatılıblar. 

Konfrans iştirakçıları qeyd ediblər ki, adətən elmi müzakirələrə çıxarılan mövzular bu sahədə çalışan həkimlərin gündəlik fəaliyyətləri zamanı tez-tez qarşılaşdığı mövzulardır. Konfransda bu sahədəki problemlərin innovativ yollarla həlli, diaqnostik-müayinə və müasir aparatlarla müalicə üsulları haqqında elmi mühazirələr dinlənilib. Elmi-praktiki konfransda məruzəçilər tərəfindən verilən suallar da cavablandırılıb və konfransın iştirakçılarına sertifikatlar təqdim olunub.

Qeyd edək ki, VİP Style Estetik Klinikanın baş həkimi Samirə Məcidova buna qədər bir çox ölkələrin konfrans və seminarlarında iştirak edərək, məruzələrə qatılıb.

 Koroğlu Rəhimov 47 
  (+99450) 400 03 03
 (+99412) 555 55 34

ŞƏRH YAZ
0
BAĞLA