Prezidentin köməkçisi: “Azərbaycanı söyməklə öz komfortlu yaşayışını təmin etmək insanlıq simasını itirmək deməkdir”

Prezidentin köməkçisi: “Azərbaycanı söyməklə öz komfortlu yaşayışını təmin etmək insanlıq simasını itirmək deməkdir”
20:15
21.03.2018
3380
Ölkə
A
"Belələri öz dövlətlərinə qarşı mübarizəyə sövq edilirlər"

“Ölkə.Az” xəbər verir ki, Azərbaycan prezidentinin İctimai-siyasi məsələlər üzrə köməkçisi Əli Həsənov"Facebook" sosial şəbəkəsindəki səhifəsində ikinci dəfə xarici ölkələrdə anti-Azərbaycan kampaniyası aparan bir qrup şəxs haqqında status yazıb.

Ə. Həsənov qeyd edib ki, Azərbaycan jurnalistlərinin Vll qurultayındakı çıxışında və "Facebook" vasitəsilə bir həftə əvvəl paylaşdığı statusda xarici ölkələrdə məskunlaşmış bəzi soydaşlarımızı milli-mənəvi dəyərlərimizə, dövlət simvollarımıza hörmətlə yanaşmağa, yaşadıqları ölkələrin müsbət nümunələrini əxz edərək opponentlərinə qarşı yalan, şantaj, qeyri-etik və qeyri-əxlaqi davranış nümayiş etdirməməyə çağırıb.
 
Azərbaycan prezidentinin köməkçisi bildirib ki, məqsədi bir tərəfdən siyasi mübarizə meydanında son zamanlar bəhs olunan şəxslər tərəfindən başladılmış və getdikcə genişlənən qeyri-əxlaqi mübarizə üsullarını aradan qaldırmaq, digər tərəfdənsə, bu cür hərəkətlərin heç kimə şərəf gətirməyəcəyinə, qeyri-əxlaqi davranış sahiblərinin xalqın nifrətini qazanacaqlarına onları inandırmaq olub:

"Mən hər bir insanın mahiyyətində və əxlaqında bir xeyir başlanğıcı olduğuna inanıram və inandırmaq istəyirəm ki, bu və ya digər yad təsirlər, şəxsi və ya siyasi uğursuzluqlar üzündən yaranmış hər hansı kin-küdurət hissi azərbaycanlıların öz dövlətinə düşmən kəsilməsi üçün səbəb ola bilməz. Müraciətim yayılandan sonra daxili müxalifətin, xaricdəki diaspor fəallarının bu polemikaya qatılacağını və indiki qeyri-normal halın aradan qaldırılması yollarının müzakirə ediləcəyini gözləyirdim. Ancaq bu gün dərin təəssüf hissi ilə bildirmək məcburiyyətindəyəm ki, Azərbaycan dövlətinə, hakimiyyətə, ayrı-ayrı şəxslərə, o cümlədən də şəxsən ölkə Prezidentinə və onun köməkçisi kimi mənə qarşı çirkin kampaniya aparan həmin “insanlar” nəinki polemika mədəniyyətlərinin olmadığını, həm də tərbiyə və əxlaq normalarından çox-çox uzaq olduqlarını bir daha nümayiş etdirdilər. Tam məsuliyyətimlə bəyan edirəm ki, cavabdeh olduğum sahədə çalışan şəxslərin heç biri və heç vaxt öz opponentlərinin şərəf və ləyaqətinə, milli-vətəndaş heysiyyatına toxuna biləcək leksikondan istifadə etməyiblər və belə hərəkətləri həmişə sərt formada qınayıblar. Biz həmişə istənilən şəxs, siyasi qurum və qüvvə ilə istənilən platformada sivil polemikaya açıq olmuşuq və bu gün də buna hazırıq. Görünür, mədəniyyət, əxlaq, tərbiyə və şərəf barədə anlayışları plintusdan da aşağı səviyyədə olan vidadi isgəndərli, isa sadıqov, elşad abdullayev kimilərdən qısa müddətdə möcüzəli transformasiya gözləmək əbəs imiş. Bir də təkrar edirəm, insanlar təkcə bildikləri danışıq dilində deyil, eyni zamanda malik olduqları mədəni-mənəvi keyfiyyətlərin dili ilə danışırlar. İnsanın mahiyyəti nədirsə, davranış və leksikonu da elədir.  Böyük Füzulinin təbirincə desək, “kim nə miqdar olsa, əhlin eylər ol miqdar söz”. Jurnalistlərin son qurultayında ifadə etdiyim fikri bir daha, bu dəfə ünvanlı şəkildə, mahiyyətcə düşük olanların diqqətinə çatdırıram: özünüzə rəva görmədiyinizi başqasına da etməyin! Ailəsinin şərəfini gözləyən hər bir şəxs başqasının ailəsini də təhqir etməz! Özünə rəva görmədiyi ədəbsiz ifadələri başqası barədə də işlətməz!".

Həsənov  hazırda dünyanın bir parçası kimi virtual informasiya mühitində, azad internet və demokratiya şəraitində yaşadığımızı qeyd edib:

"Siyasi mübarizə gedir və bundan sonra da davam edəcək. Sosial şəbəkələrdən qaçmaq mümkün deyil və görünən budur ki, gələcəkdə də qaca bilməyəcəyik. Amma unutmaq olmaz ki, biz azərbaycanlıyıq, öz adət-ənənəmiz, əxlaq və şərəf ölçülərimiz var. Siyasi mübarizəni də həmin çərçivədə, cəmiyyətimizə, vətəndaşlarımıza utanc gətirməyəcək formada, milli-mənəvi və əxlaqi dəyərlərimizə uyğun şəkildə aparmalıyıq. Bu gün öz “siyasi mübarizəsini” söyüş və təhqir üzərində quranlar tutduqları yolun nə onların özlərinə, nə də ki, Azərbaycan cəmiyyətinə heç bir faydası olmadığını anlamalıdırlar. Belələri başa düşməlidirlər ki, müxtəlif fərziyyələrini mənim və hakimiyyəti təmsil edən digər şəxslərin adına çıxmaqla, “trollar”, “məqsədli təhqir” və s. bu kimi ifadələr ortaya atmaqla, heç kimə şərəf gətirməyən və sonu heç də yaxşı olmayan işə baş qoşurlar. Onlara bu ziyanlı əməllərdən əl çəkməyi tövsiyə edirəm. Yenə də jurnalistlərin qurultayında ifadə etdiyim və bəziləri tərəfindən təhrif olunmuş şəkildə şərh edilən fikrimə qayıtmaq istəyirəm: bu gün Azərbaycan dövlətinə və onun simvollarına, hakimiyyət nümayəndələrinə, cəmiyyət üzvlərinə qarşı qeyri-əxlaqi çirkab yağdıranlar xarici ölkələrin müvafiq orqanları qarşısında xüsusi öhdəlik götürmüş ünsürlərdir. Belələri Azərbaycanın sərhədlərini keçdikdən sonra pasportlarını bəlli dairələrə təhvil verib xüsusi öhdəliklər götürür və sonra da öz dövlətlərinə qarşı mübarizəyə sövq edilirlər. Əlbəttə, bu fikri xaricdəki bütün soydaşlarımız haqqında söyləmək olmaz. Avropada yüz mindən çox azərbaycanlı məskunlaşıb, onların 15-20 min nəfəri fəaldır və ölkəmizin maraqlarını həmişə müdafiə edirlər. Hazırda söhbət müxtəlif saxta yollarla Avropada siyasi sığınacaq almış və anti-Azərbaycan fəaliyyəti ilə məşğul olan beş-on nəfərdən gedir. Onlar iki əlin barmaqları ilə sayılacaq qədərdir. Mən üzümü məhz onlara tuturam və söyləyirəm: Azərbaycanı söyməklə öz komfortlu yaşayışınızı təmin etmək, İŞİD-in virtual versiyasını yaradaraq Vətəninizə qarşı savaş açmaq insanlıq simasını itirmək deməkdir. Düşünürəm ki, cəmiyyətimiz belələrinə sükutla yanaşmamalı, diasporumuz, media nümayəndələrimiz, ictimai fəallarımız seyrçi mövqe tutmamalıdırlar. Düşünürəm ki, məskunlaşdıqları ölkələrdə digər çoxminli soydaşlarımızdan nümunə götürərək, bu insanlar öz həyatlarını qanunlar və əxlaq normaları çərçivəsində qursalar, Azərbaycandakı qohum-əqrəbaları da onlara görə utanmaz, əksinə, qürur duyarlar".

Ölkə.Az

 

ŞƏRH YAZ
0

“Evə girəndə kişi kimi girirdim” — Rayondan qaçıb 6 dəfə həbs olunan məhkum - VİDEO

“Evə girəndə kişi kimi girirdim”
16:52
Bu gün
1739
Ölkə
A
ARB TV-nin “Rezonans” proqramı növbəti buraxılışında məhkum Rüfiz Rüstəmovdan bəhs edib.

“Ölkə.Az” xəbər verir ki, Rufiz artıq 6 dəfə məhkum olunub.

 Rüfiz Rüstəmov – Məhkum: “2010-cu ildə evlənmişəm. Atam polis işçisi olub, anam da müəllim olub. Masallı rayonunda böyümüşəm. 9-cu sinifə kimi oxumuşam. Tüfeyli həyat yaşayanlara qoşuldum. Valideynlərim rayona aparandan sonra, Bakıya qaçdım. Bunları tapdım. 1-ci dəfə tutulanda 15 yaşım var idi. 2 nəfər evə girmişdi, mən də qapıda durmuşdum. Bizi bir yerdə tutdular. Birinci dəfə əfv olundum. Hakimin katibəsi mənə pul verdi ki, evə get. Mən də getmədim. Yenidən özümə dost tapdım və avaralıq etdim. 37 maşına ziyan vurduq. Qırmızı maşın var idi. Dedik ona da girək. Orda da polis var imiş. Maşına girəndə polis tutdu. Onda 6-7 ay yatdım. Valideynlərim də cəriməni ödədi”.

Məhkum daha sonra növbəti dəfə Bakıya qaçıb, tutulmağından da danışıb:

“Məni apardılar rayona. Amma dayana bilmirdim. Yenə Bakıya qayıtmaq istədim. Məni vağzalda tutub dayımgilə gətirdilər. Bibimi aldadıb pul götürüb Bakıya qaçdım. 6-7 ay yaxşı dövr sürdüm. 2001-ci ildə yenə içəri girdim. 4 il yarım mənə iş verdilər. O vaxt qardaşım əsgərlikdən təzə gəlmişdi. Ondan pul götürüb yenə Bakıya qaçdım. Saxta sənədlə həbs olundum. 2-ci işimdə tutuldum. Maşının içində sahibi məni tutdu. Dedim ki, dayı, rayondan gəlmişəm yağış yağır, səhər gedərəm. O da məni buraxdı. İnsanlıq etdi, amma mən ona qarşı insanlıq etmədim. 1 saatdan sonra o maşından oğurluq etdim. Evdəkilərə söz vermişdim ki, bu iş bitdi. Amma altdan-altdan işimi görürdüm. Evə də girəndə kişi kimi girirdim ki, guya mən qazancdan gəlirəm. 2009-cu ildə buraxıldım, xoşbəxt adam idim ki, 2 il azad yaşadım. Evləndim, uşağım 3 aylıq olanda tutuldum. Artıq narkotikə başlamışdım. Əlimdə tutdular. Dedilər ki, bölmədə çəkərsən. Yenə əfv olundum. 2014-cü ildə 2 kilodan artıq heroinlə yenə tutuldum. Taksiylə gəldim, maşından düşdüm. Mən də heroini verməliydim başqasına. Gözlədim ki, adam gələ. Bir də gördüm ki, yaxınlaşdılar. Dedilər ki, özünü şübhəli aparırsan. Dedim ki, axtardığınız adam mənəm. Birinci dəfə tutulmurdum ki. Məhkəmə mənə 12 il iş verdi. Dedilər son sözün nədir? Dedim ki, heç nə, Allah balanı saxlasın”.

Ölkə.Az

ŞƏRH YAZ
0

Qohumunu zorlamaqda ittiham olunan bəraət aldı

Qohumunu zorlamaqda ittiham olunan bəraət aldı
16:28
Bu gün
2032
Ölkə
A
Bakı Ağır Cinayətlər Məhkəməsində arvadının qohumunu zorlamaqda təqsirləndirilən 38 yaşlı Məftun Bayramova hökm oxunub.

"Ölkə.Az"ın Qafqazinfo-ya istinadən verdiyi xəbərə görə, hakim Novruz Kərimovun icraatında olan prosesdə məhkəmə kollegiyasının hökmü ilə M.Bayramova bəraət verilib və o, məhkəmə zalından azadlığa buraxılıb.

İttihama görə, Bakı şəhər sakini, 1980-ci il təvəllüdlü Məftun Bayramov qohumu - Sumqayıt şəhər sakini, 1996-cı il təvəllüdlü Gülçin Məmmədlinin (ad, soyad şərtidir) köməksiz vəziyyətindən istifadə etməklə 2015-ci ilin sentyabrından 2016-cı ilin noyabr ayınadək olan müddətdə onu mütəmadi olaraq Bakı və Sumqayıt şəhərlərində zorlayıb.

Həmçinin, M.Bayramov çəkdiyi intim əlaqələrini əks etdirən video görüntü və foto şəkilləri sosial şəbəkələrdə yayacağı ilə hədələyərək G.Məmmədlidən 1890 manat dəyərində qızıl-zinyət əşyalarını almaqda ittiham olunub. 

Lakin M.Bayramov məhkəmədə ifadəsi zamanı özünü təqsirli bilməyib və əlavə edib ki, Gülçinlə sevgi münasibətləri olub və qızın razılığı ilə onunla intim əlaqədə olub.

Ölkə.Az

ŞƏRH YAZ
0
BAĞLA