"Prezidentin mənə mənzil verəcəyi günü səbrsizliklə gözləyirəm" — Rəhman Rəhmanov

15:04
08.07.2019
2257
Mədəniyyət
A
Abdulla Şaiq adına Dövlət Kukla Teatrının aparıcı səhnə ustası, əməkdar artist Rəhman Rəhmanov mənzil problemi ilə bağlı Prezident İlham Əliyevə müraciət edib.

Sənətkar "Ölkə.Az"ın əməkdaşı ilə söhbətində bildirib ki, müraciətinə müsbət cavab veriləcəyi günü səbrsizliklə gözləyir:

"Eşitdiyimə görə cənab Prezidentə mənzillə bağlı etdiyim müraciət nəzərə alınıb. Böyük səbrsizliklə həmin günü gözləyirəm. İnanın ki, hazırda yaşadığım 15 kvadratmetrlik  yarımzirzəmidə çox əziyyət çəkirəm. Özüm də, oğlum da ikinci qrup əlilik, o biri oğlum kirayədə qalır, çatdıra bilmirəm.  Günləri sayıram ki, mənə nə vaxt ev verəcəklər. 2014-cü ildə cənab Prezidentin imzasıyla "Əməkdar artist" fəxri adına layiq görülmüşəm. 2013-2018-ci illərdə Prezident mükafatı almışam".

Rəhman Rəhmanov sənət yolu barədə danışarkən bunlrı deyib:

"1978-ci ildən Teatr Xadimləri İttifaqının üzvüyəm, "Qızıl dərviş" mükafatı laureatıyam, "Sənətkar"  medalına layiq görülmüşəm. Dəfələrlə beynəlxalq festivallarda Azərbaycanı təmsil etmişəm. Bölgələrimizi qarış-qarış, kəndbəkənd gəzərək, bizim balaca balalarımıza xidmət etmişəm, Qarabağ müharibəsinin ən qızğın vaxtlarında səngərlərimizdə çıxışlarım olub, əsgərlərimizi ruhlandırmışam. Müdafiə Nazirliyinin fəxri fərmanına layiq görülmüşəm, müharibə bölgələrindəki hərbi hissələrin batalyon komanandirlərinin imzasıyla təşəkkürnamələr almışam.  Əsas problemim mənzillə bağlıdır. İnanıram ki, Cənab Prezident mənim mənzillə bağlı xahişimi, müraciətimi də nəzərə alacaq, problemim müsbət həllini tapacaq.  Dünya miqyaslı UNİMA (Beynəlxlq Kukla Teatrları İttifaqı) təşkilatının Azərbaycandakı azsaylı üzvlərindən biriyəm.  Qırx beş ildir Abdulla Şaiq adına Dövlət Kukla Teatrının aparıcı səhnə ustasıyam. Kukla Teatrında yeganə aktyoram ki, Telefilm Yaradıcılıq Birliyi bu yaxınlarda haqqımda "Nağıllı sahillər" adlı sənədli film çəkib. Həmin filmin bu yaxınlarda premyerası oldu və Qızıl Fondda saxlanılır.  Onlarla bədii filmə, telviziya tamaşalarına çəkilmişəm. Qırx ildən yuxarıdır ki, televiziyanın ən maraqlı yumoristik verilişlərində bu günə qədər də iştirak edirəm. Çox ümid edirəm ki, bütün bunlar nəzərə alınacaq".

İntiqam VALEHOĞLU
Ölkə.Az

ŞƏRH YAZ
0

İsveçrəli məktəblilərə Azərbaycan rəqsləri öyrədilir

İsveçrəli məktəblilərə Azərbaycan rəqsləri öyrədilir
22:10
23.07.2019
379
Mədəniyyət
A
İsveçrədə yaşayan soydaşlarımız bu ölkənin ictimai və mədəni həyatında həyata keçirilən inteqrasiya səciyyəli tədbir və layihələrdə fəal iştirak etməyə çalışırlar. Bu layihələrdən biri də miqrantların mədəniyyətinin təbliğ olunması ilə bağlıdır.

“Ölkə.Az” Diasporla İş üzrə Dövlət Komitəsinə istinadən xəbər verir ki, artıq 3 ildir Aargau bölgəsinin Miqrasiya və İnteqrasiya Departamentinin maliyyə dəstəyi ilə həyata keçirilən layihə məktəblərdə təqdim olunur.

Layihənin rəhbəri İsveçrədəki Azərbaycan Mədəniyyət Mərkəzinin rəhbəri Qasım Nəsirovdur.

Q.Nəsirov bildirib ki, əsas məqsəd məktəbliləri ölkədəki miqrantların mədəniyyətləri ilə tanış etmək, onlara inteqrasiya barədə məlumat verməkdir. Layihə çərçivəsində məktəblilərə Azərbaycan rəqsləri də öyrədilir. Bunun üçün “Qarabağ” Azərbaycan məktəbinin müəllimi Gülnarə Axundova layihədə iştirak etməyə dəvət edilib. Üç ildir ki, G.Axundova isveçrəli uşaqlara milli rəqslərimizi öyrədir.

Qeyd edək ki, bu yaxınlarda Aargauda 16 yaşlı 100 məktəblinin iştirakı ilə təqdim olunan Azərbaycan rəqsləri böyük maraqla qarşılanıb.

Ölkə.Az

ŞƏRH YAZ
0

Dar cığırla hər gün çığırışa-çığırışa məktəbə gedib-gələrdik — Arif Babayevin AĞDAM XATİRƏLƏRİ

Dar cığırla hər gün çığırışa-çığırışa məktəbə gedib-gələrdik
15:40
23.07.2019
887
Mədəniyyət
A
“Mən and içmişəm, torpaqlarımız düşmən tapdağından azad olunan gün dizlərimi yerə qoyub, dizin-dizin Qarabağa, qapıma gedəcəyəm”.

Bu sözləri Xalq artisti Arif Babayev “Ölkə.Az”a Ağdam haqqında danışarkən bildirib. 

Xalq artisti deyib ki, geridə qalan 26 il onun üçün çox ağır keçib:

"Həmişə ümid etmişəm ki, Qarabağ qayıdacaq. Millətimiz şad- xürrəm o torpaqlara dönəcək. İnşallah, o ümidlə də yaşayırıq. Qarabağ yaralı yerimizdir. Qarabağ bütün millətin vətənidir. Təkcə mənim, onun deyil, hamının vətənidir. Ağdam mənim üçün də çox əziz yerdir. Böyüyüb başa çatdığım torpaqdı. Onun nisgili mənim hər zaman ürəyimdədir".

Ustad sənətkar artisti münaqişənin tezliklə həllini tapacağına ümid etdiyini dilə gətirib:

"Bizim güclü ordumuz  var, gecə-gündüz çalışan Prezidentimiz, Birinci vitse prezidentimiz - Mehriban xanımımız var. İnanıram ki, onların müdrik siyasəti sayəsində münaqişə tezliklə həllini tapacaq. Biz yenə öz torpaqlarımıza sahib olacağıq.  Əlavə qüvvələr mane olmasa, biz daha da irəli gedəcəyik. Görürsünüz ki, dost dediklərimiz birdə görürsən düşmən çıxır”. 

Əməkdaşımızın “Ağdamlı günlərinizi yada salıb, kövrəlirsiniz?”-sualına xalq artisti kövrələrək cavab verib:

“Vallah elə kövrəlirəm, elə kövrəlirəm, heç təsəvvür edə bilməzsiniz. O torpaqda doğulasan, böyüyəsən –indi gedib görə bilmirəm, o doğma yerlərimə həsrət qalmışam. Tez-tez uşaqlıq illərimi yada salıram, arada cavanlıq illərim gözümün qarşısına gəlir. O üzümlük bağları, bağçamızın ağacları - hamısını xatırlayıram. Xəyallarımda bir-bir ağacları sayıram, deyirəm, bax, orada armud ağacı vardı, hasarın dibindəki heyva agacı görəsən bar verir? Hər gün dar cığırla çığırışa-çığırışa məktəbə gedib-gələrdik. Düşünürəm, görəsən o yerlər necə oldu? Ağdamın hər yeri, nöqtəsinə kimi yadımdadı.  Mən yuxularımda, xəyallarımda hər gün  Ağdama qayıdıram.

Bir dəfə mənə o torpaqların videosunu göstərdilər, iki mərtəbəli evimiz vardı, darmadağın edilmişdi. Evdi, həyətdi bunlar boş şeylərdi mənim üçün, əsas torpaqlarımız qayıtsın. Torpaq hər şeydən əzizdir. Deyirlər “Ana qucağı hər şeydən əzizdir” mən deyırəm ki, torpaq hamısından əzizdir”.

Xatırladaq ki, Ağdam 1992 ci il 23 iyulda ermənilər tərəfindən işğal olunub.

Vüsalə Balayeva
Ölkə.Az

ŞƏRH YAZ
0
BAĞLA