KORONAVİRUSA YOLUXANLARIN SAYI - CANLI STATİSTİKA

Prezidentin Müdafiə Sənayesi naziri təyin etdiyi Mədət Quliyevin — DOSYESİ

Prezidentin Müdafiə Sənayesi naziri təyin etdiyi Mədət Quliyevin
18:11
20.06.2019
32017
Ölkə
A
Prezident İlham Əliyevin sərəncamı ilə Mədət Qəzənfər oğlu Quliyev Azərbaycan Respublikasının Dövlət Təhlükəsizliyi Xidmətinin rəisi vəzifəsindən azad edilib.

“Ölkə.Az” xəbər verir ki, Prezidentin digər sərəncamı ilə Mədət Quliyev Azərbaycan Respublikasının müdafiə sənayesi naziri təyin edilib.

Mədət Quliyev  azərbaycanlı siyasətçi, general-polkovnik, polis general-mayoruvə ədliyyə general-leytenantı, Azərbaycanın 1-ci Dövlət Təhlükəsizliyi Xidmətinin rəisi, Azərbaycanın milli təhlükəsizlik nazirinin birinci müavini və səlahiyyətlərinin icraçısı, Azərbaycanın ədliyyə nazirinin müavini, Azərbaycanın Penitensiar Xidmətinin rəisi, Azərbaycanın Milli Qəhrəmanıdır.

Mədət Quliyev 1958-ci il sentyabrın 27-də Gəncə şəhərində mühəndis Qəzənfər və müəllimə Zambaq Quliyevlərin ailəsində anadan olub. Mədət Quliyevin babası Stalin repressiyaları zamanı qətlə yetirilib. 1965-ci ildə Gəncə şəhərində 1 nömrəli tam orta məktəbin birinci sinfinə getmiş, 1975-ci ildə Gəncə şəhərində 8 nömrəli tam orta məktəbin onuncu sinfini bitirib.

1975-ci ildən 1980-cı ilə qədər Azərbaycan Dövlət Bədən Tərbiyəsi İnstitutunda təhsil alan Mədət Quliyev, 1980-cı ildən 1982-ci ilə qədər Sovet İttifaqı Silahlı Qüvvələrinin Ermənistan və Gürcüstanda yerləşən hərbi bazaların birində həqiqi hərbi xidmətdə olub.

1971-ci ildən idmanla məşğul olan Mədət Quliyev, 1976-1980-cı illərdə sambo üzrə Azərbaycan SSR yığmasının heyətində çıxış edib və bir-sıra yarışlarda uğurlar qazanıb. Karate üzrə III dan qara Kəmərə sahib olan Mədət Quliyev, 1979-cu ildə SSRİ idman ustası normativini yerinə yetirmişdir.
Mədət Quliyev ailəlidir, Leyla Quliyeva ilə olan nigahdan Murad adında bir oğul və Xədicə adında bir qız var.

Ölkə.Az

ŞƏRH YAZ
0

Qubada evdən seyf oğurlayan şəxslər TUTULDU

Qubada evdən seyf oğurlayan şəxslər TUTULDU
18:40
Bu gün
64
Ölkə
A
Quba rayonunda oğurluq etməkdə şübhəli bilinən şəxslər saxlanılıb.

"Ölkə.Az" xəbər verir ki, Quba Rayon Polis Şöbəsinin Cinayət Axtarış Bölməsinin əməkdaşları tərəfindən “isti izlərlə” keçirilmiş əməliyyat-axtarış tədbirləri nəticəsində rayonun Qaraçay kəndi ərazisində yerləşən evlərin birindən içərisində pul və qızıl-zinət əşyaları olan seyfi oğurlamaqla zərərçəkmişə küllü miqdarda maddi ziyan vuran iki şəxs saxlanılıb.

Araşdırmalarla onların həmin kənd sakinləri Əli Əliyev və Seyfəlmülk Eldarov olduqları müəyyən edilib.

Dindirilmə zamanı hər iki gənc törətdikləri oğurluq hadisəsini etiraf ediblər. Məlum olub ki, Ə.Əliyev və S.Eldarov hadisənin baş verdiyi evə gecə saatlarında qanunsuz daxil olaraq oradan içərisində pul və qızıl-zinət əşyaları olan seyfi oğurlayıblar. Daha sonra isə əldə etdikləri pulların bir qismi ilə özlərinə üç ədəd mobil telefon, aksesuarlar, elektron qəlyan və geyin əşyaları alan cinayətkarlar,  pulların bir qismini isə rayon ərazisində yerləşən otel və iaşə obyektlərində xərcləyiblər. Oğurlanan qızıl-zinət əşyaları və pulların çox hissəsi, eləcə də oğurluq zamanı istifadə edilmiş bir ədəd balta polis əməkdaşları tərəfindən maddi sübut kimi götürülüb.

Qeyd olunan hadisə ilə bağlı Quba RPŞ-nin İstintaq Bölməsində Cinayət Məcəlləsinin müvafiq maddəsi ilə cinayət işi açılıb, həmin şəxslərin analoji hadisələrdə iştirak edib-etməmələri araşdırılır.

Ölkə.Az

ŞƏRH YAZ
0

Bakıda qardaşlardan iki qadına qarşı İYRƏNC HƏRƏKƏT

Bakıda qardaşlardan iki qadına qarşı İYRƏNC HƏRƏKƏT
18:02
Bu gün
1665
Ölkə
A
Yasamal rayonunda xuliqanlıq etməkdə şübhəli bilinən iki nəfər saxlanılıb.

"Ölkə.Az" xəbər verir ki, martın 26-da saat 23 radələrində naməlum şəxslərin paytaxt sakinləri İ.Rəhimovanın və qohumu R.Şahbazovanın evlərinin pəncərə şüşələrini sındırmaları barədə Yasamal RPİ-nin 28-ci Polis Bölməsinə məlumat daxil olmuşdur.
Keçirilmiş əməliyyat-axtarış tədbirləri nəticəsində xuliqanlıq zəminində bu əməli törətməkdə şübhəli bilinən Y.Səmədov və qardaşı saxlanılmışlar.

Davam etdirilən tədbirlərlə Y.Səmədovun evinin həyətindən müvafiq sənədləri olmayan “İJ” markalı tüfəng və 2 ədəd patron da aşkar edilərək götürülmüşdür.

Ölkə.Az

ŞƏRH YAZ
0
BAĞLA