KORONAVİRUSA YOLUXANLARIN SAYI - CANLI STATİSTİKA

Prezidentin Müdafiə Sənayesi naziri təyin etdiyi Mədət Quliyevin — DOSYESİ

Prezidentin Müdafiə Sənayesi naziri təyin etdiyi Mədət Quliyevin
18:11
20.06.2019
32326
Ölkə
A
Prezident İlham Əliyevin sərəncamı ilə Mədət Qəzənfər oğlu Quliyev Azərbaycan Respublikasının Dövlət Təhlükəsizliyi Xidmətinin rəisi vəzifəsindən azad edilib.

“Ölkə.Az” xəbər verir ki, Prezidentin digər sərəncamı ilə Mədət Quliyev Azərbaycan Respublikasının müdafiə sənayesi naziri təyin edilib.

Mədət Quliyev  azərbaycanlı siyasətçi, general-polkovnik, polis general-mayoruvə ədliyyə general-leytenantı, Azərbaycanın 1-ci Dövlət Təhlükəsizliyi Xidmətinin rəisi, Azərbaycanın milli təhlükəsizlik nazirinin birinci müavini və səlahiyyətlərinin icraçısı, Azərbaycanın ədliyyə nazirinin müavini, Azərbaycanın Penitensiar Xidmətinin rəisi, Azərbaycanın Milli Qəhrəmanıdır.

Mədət Quliyev 1958-ci il sentyabrın 27-də Gəncə şəhərində mühəndis Qəzənfər və müəllimə Zambaq Quliyevlərin ailəsində anadan olub. Mədət Quliyevin babası Stalin repressiyaları zamanı qətlə yetirilib. 1965-ci ildə Gəncə şəhərində 1 nömrəli tam orta məktəbin birinci sinfinə getmiş, 1975-ci ildə Gəncə şəhərində 8 nömrəli tam orta məktəbin onuncu sinfini bitirib.

1975-ci ildən 1980-cı ilə qədər Azərbaycan Dövlət Bədən Tərbiyəsi İnstitutunda təhsil alan Mədət Quliyev, 1980-cı ildən 1982-ci ilə qədər Sovet İttifaqı Silahlı Qüvvələrinin Ermənistan və Gürcüstanda yerləşən hərbi bazaların birində həqiqi hərbi xidmətdə olub.

1971-ci ildən idmanla məşğul olan Mədət Quliyev, 1976-1980-cı illərdə sambo üzrə Azərbaycan SSR yığmasının heyətində çıxış edib və bir-sıra yarışlarda uğurlar qazanıb. Karate üzrə III dan qara Kəmərə sahib olan Mədət Quliyev, 1979-cu ildə SSRİ idman ustası normativini yerinə yetirmişdir.
Mədət Quliyev ailəlidir, Leyla Quliyeva ilə olan nigahdan Murad adında bir oğul və Xədicə adında bir qız var.

Ölkə.Az

ŞƏRH YAZ
0

Bakıda 65 yaşlı kişini mağazada qətlə yetirən şəxslər TUTULDU

Bakıda 65 yaşlı kişini mağazada qətlə yetirən şəxslər TUTULDU
18:00
Bu gün
401
Ölkə
A
Sabunçu rayonunda işlədyi mağazada 65 yaşlı kişini qətlə yetirib, pul oğurlayan şəxslər saxlanılıb.

"Ölkə.Az" xəbər verir ki, iyunun 1-də səhər saat 6 radələrində 65 yaşlı Hüseyn Əhmədovun paytaxtın Sabunçu rayonu Kürdəxanı qəsəbəsi ərazisində yerləşən işlədiyi mağazanın anbarında üzərində zorakılıq əlamətləri olan meyitinin aşkar edilməsi barədə Sabunçu RPİ-nin 15-ci Polis Bölməsinə məlumat daxil olmuşdur.

Dərhal rayonun polis və prokurorluq orqanlarının əməkdaşları tərəfindən müvafiq tədbirlər həyata keçirilmişdir. Hadisə yerinə baxış keçirilən zaman mağazanın seyfindən 40 min manat məbləğində pul vəsaitinin oğurlandığı müəyyən edilmişdir.

Faktla bağlı Cinayət Məcəlləsinin müvafiq maddələri ilə cinayət işi başlanmışdır.

Təxirəsalınmaz istintaq və əməliyyat-axtarış tədbirləri nəticəsində bu cinayət əməlini törətməkdə şübhəli bilinənlər - Tərtər rayon sakini F.Yusifli və Kürdəmir rayon sakini S.Cəlalov saxlanılmışlar. Onlardan qeyd edilən pul və müşahidə kamerasının yaddaş bloku maddi sübut kimi götürülmüşdür.

Ölkə.Az

ŞƏRH YAZ
0

Müharibə veteranlarına 46 gündən az olmayan məzuniyyət veriləcək

Müharibə veteranlarına 46 gündən az olmayan məzuniyyət veriləcək
17:47
Bu gün
875
Ölkə
A
Xüsusi xidmətləri olan və 46 təqvim günündən az olmayan əmək məzuniyyəti verilən işçilər sırasına ölkəmizin ərazi bütövlüyü uğrunda aparılan döyüş əməliyyatlarında iştirak etdiyinə görə müharibə veteranı adı almış şəxslərin də aid edilməsi nəzərdə tutulur.

Bu barədə "Ölkə.Az"a Əmək və Əhalinin Sosial Müdafiəsi Nazirliyindən məlumat verilib. 

Əmək Məcəlləsində dəyişikliklər edilməsinə dair nazirliyin hazırladığı yeni qanun layihəsində bununla bağlı təklif əksini tapır. Həmçinin təklifdə qeyd edilən işçilər sırasına başqa ölkələrin ərazisində gedən məhəlli müharibələrdə və hərbi münaqişələrdə hərbi birləşmələrin tərkibində iştirak etmiş işçilərin də daxil edilməsi yer alıb.

Qeyd edək ki, Əmək Məcəlləsinin 120-ci maddəsində bildirilir ki, Azərbaycan Respublikasının azadlığı, suverenliyi və ərazi bütövlüyü uğrunda xəsarət (yaralanma, travma, kontuziya ) alan işçilərə, Azərbaycanın Milli Qəhrəmanlarına, Sovet İttifaqı Qəhrəmanlarına, 1941-1945-ci illər müharibəsində döyüş əməliyyatlarında iştirak etmiş, habelə hərbi xidmətdə olmuş, lakin döyüş əməliyyatlarında iştirak etməmiş hərbi qulluqçulara, İstiqlal ordeni ilə, habelə Azərbaycanın suverenliyi və ərazi bütövlüyünün müdafiəsi ilə bağlı digər dövlət təltifləri ilə təltif olunmuş işçilərə məzuniyyət 46 təqvim günündən az olmayaraq verilir. 

ŞƏRH YAZ
0
BAĞLA