Prezidentin səfir təyin etdiyi Xanım İbrahimova kimdir? — FOTO

Prezidentin səfir təyin etdiyi Xanım İbrahimova kimdir?
10:51
14.09.2017
1328
Ölkə
A
Xəbər verdiyimiz kimi, ötən gün Prezident İlham Əliyev Xanım Məmməd qızı İbrahimovanın Azərbaycan Respublikasının İsveçrə Konfederasiyasında fövqəladə və səlahiyyətli səfiri təyin edilməsi haqqında sərəncam imzalayıb

Sərəncamda qeyd edilib: "Xanım Məmməd qızı İbrahimova Azərbaycan Respublikasının İsveçrə Konfederasiyasında fövqəladə və səlahiyyətli səfiri təyin edilsin".

"Ölkə.Az" axar.az-a istinadən xəbər verir ki, Xanım İbrahimova daha öncə Azərbaycanın Avstriya səfirliyində və BMT yanında daimi nümayəndəliyində müşavir vəzifəsində çalışıb. Birləşmiş Millətlər Təşkilatının Sivilizasiyalar Alyansının 7-ci Qlobal Forumunun təşkilində səmərəli fəaliyyətlərinə görə ötən il "Tərəqqi" və "Dövlət qulluğunda fərqlənməyə görə" medalları ilə təltif edilib. 2016-cı il iyunun 29-da nazir Əbülfəs Qarayev medalı müşavirə təqdim edib.

X.İbrahimovanın sələfi Əkrəm Zeynallı Prezidentin 25 may 2017-ci il sərəncamı ilə geri çağırılıb, 19 iyulda isə Çin Xalq Respublikasına səfir təyin edilib.

ŞƏRH YAZ
0

Mərhum naziri hazırda o əvəz edir

Mərhum naziri hazırda o əvəz edir
19:53
Bu gün
904
Ölkə
A
Xəbər verdiyimiz kimi, Müdafiə sənayesi naziri Yavər Camalov dünən vəfat edib. 69 yaşlı Y. Camalov uzun müddət ağır xəstəlikdən əziyyət çəkib və günorta saatlarında Bakıda evində səhhəti qəfil pisləşib və dünyasını dəyişib.

“Ölkə.Az”ın Unikal.org-a istinadən verdiyi məlumata görə, Y. Camalovu nazirin müavini Yəhya  Musayev əvəz edir.

Qeyd edək ki,  Y. Musayev Azərbaycan Prezidentinin 15 dekabr 2006-cı il tarixli Sərəncamı ilə müdafiə sənayesi nazirinin müavini təyin edilib.

Ölkə.Az

ŞƏRH YAZ
0

“Türk Ulduzları” aviasiya qrupu ölkəmizə gəlib — FOTO

“Türk Ulduzları” aviasiya qrupu ölkəmizə gəlib
16:15
Bu gün
2945
Ölkə
A
Azərbaycan Ordusunun 100 illiyi ilə əlaqədar keçiriləcək bayram tədbirlərində iştirak etmək məqsədilə Türkiyə Hərbi Hava Qüvvələrinin “Türk Ulduzları” aviasiya qrupuna daxil olan 8 ədəd F-5 tipli təyyarələri ölkəmizə gəlib.

"Ölkə.Az" Report-a istinadən xəbər verir ki, iyunun 26-da hərbi paraddan sonra saat 12.30-da “Solo Türk” və “Türk Ulduzları” aviaqrupuna daxil olan 2 ədəd F-16 və 8 ədəd F-5 tipli təyyarələrin Bakı buxtası üzərində nümunəvi uçuşları keçiriləcək.

Ölkə.Az

ŞƏRH YAZ
0
BAĞLA