Prezidentin sərəncamı Nazirlər Kabinetində müzakirə edilib

Prezidentin sərəncamı Nazirlər Kabinetində müzakirə edilib
15:14
12.10.2017
246
Siyasət
A
Azərbaycan Respublikasının Nazirlər Kabinetində Əmək Münasibətlərinin Tənzimlənməsi və Koordinasiyası Komissiyasının növbəti iclası keçirilib.

"Ölkə.Az" xəbər verir ki, iclasda Azərbaycan Respublikası Prezidentinin “Azərbaycan Respublikasında qeyri-rəsmi məşğulluğun qarşısının alınmasına dair Tədbirlər Planı”nın təsdiq edilməsi haqqında 2017-ci il 9 oktyabr tarixli Sərəncamından irəli gələn vəzifələr müzakirə edilib.

Baş nazirin müavini, Əmək Münasibətlərinin Tənzimlənməsi və Koordinasiyası Komissiyasının sədri Əli Əhmədov bildirib ki, qeyri-rəsmi məşğulluğun aradan qaldırılması üçün bir sıra işlər həyata keçirilib. Bu istiqamətdə layihələr hazırlanıb, sahibkarlarla görüşlər təşkil edilib və onlar arasında əmək münasibətlərinin tənzimlənməsi ilə bağlı maarifləndirmə işləri aparılıb. Sərəncamdan irəli gələn əsas məsələlərdən biri kimi, qeyri-rəsmi məşğulluğun aradan qaldırılması üçün kütləvi informasiya vasitələrində maarifləndirmə işlərinin davam etdirilməsi tövsiyə edilib.

Əli Əhmədov qeyd edib ki, qeyri-rəsmi məşğulluqla bağlı xeyli sayda fakt aşkarlanaraq aradan qaldırılıb. Azərbaycan Respublikasının Prezidenti İlham Əliyevin tapşırığı ilə qeyri-rəsmi məşğulluqla mübarizə davam etdiriləcək və bu cür hallar aşkarlanaraq qarşısı alınacaq.

Müzakirələrdə yeni iş yerlərinin yaradılması, əhalinin sosial vəziyyətinin yaxşılaşdırılması və qeyri-rəsmi məşğulluğun aradan qaldırılması məsələlərinin prioritet olduğu vurğulanıb. Həmçinin qeyri-rəsmi məşğulluğun aradan qaldırılması ilə bağlı normativ hüquqi aktların təkmilləşdirilməsi məsələsinə də toxunulub. Qeyd olunub ki, dövlətimizin başçısının tapşırığına əsasən bu istiqamətdə lazımi işlər görülür. Bundan başqa, komissiya qarşısında qoyulan vəzifələrin icrasını təmin etmək məqsədilə təşkilati məsələlər, tədbirlər planından irəli gələn tapşırıqların icrasının tənzimlənməsi və işin səmərəli təşkil edilməsi məqsədilə hazırlanan nəzarət cədvəli forması, qeyri-rəsmi məşğulluğun qarşısının alınması ilə bağlı qabaqcıl beynəlxalq təcrübənin öyrənilməsi məsələləri də müzakirə mövzusu olub.

Sonda “Azərbaycan Respublikasında qeyri-rəsmi məşğulluğun qarşısının alınmasına dair Tədbirlər Planı”ndan irəli gələn məsələlərə ciddi nəzarət edilməsi məqsədilə xüsusi icraya nəzarət mexanizminin yaradılması, iş qrafikin müəyyənləşdirilməsi, hər 3 aydan bir komissiyanın iclasının keçirilməsi ilə bağlı razılığa gəlinib.

İclasa yekun vuran Baş nazirin müavini, Əmək Münasibətlərinin Tənzimlənməsi və Koordinasiyası Komissiyasının sədri Əli Əhmədov vurğulayıb ki, qeyri-rəsmi məşğulluğun aradan qaldırılması istiqamətində görülən işlərlə əlaqədar mütəmadi olaraq Azərbaycan Respublikasının Prezidentinə məlumat veriləcək.

ŞƏRH YAZ
0

Əli Həsənov bir qrup türkiyəli jurnalistlə görüşüb

Əli Həsənov bir qrup türkiyəli jurnalistlə görüşüb
01:30
Bu gün
333
Siyasət
A
Türkiyə-Azərbaycan Media Forumunda iştirak etmək üçün Türkiyənin Qəzetçilər Birliyi və Anadolu Yayımçılar Dərnəyinin təşkilatçılığı ilə bu ölkənin 40-dan artıq jurnalisti Azərbaycanda səfərdədir.

"Ölkə.Az" xəbər verir ki, onlar iki gün ərzində Bakıda Azərbaycan jurnalistləri ilə bir araya gələcək, jurnalistikanın aktual problemlərinə dair məsələləri müzakirə edəcəklər. Bakıda fəaliyyət göstərən İslam Əməkdaşlıq Təşkilatına üzv Dövlətlərin Jurnalistləri Assosiasiyası, Azərbaycan Mətbuat Şurası və “Yeni çağ” media qrupu da bu forumun təşkilatçıları sırasındadır.

Forumda iştirak etmək üçün Bakıya gələn türkiyəli jurnalistlərin bir qrupu iyulun 20-də Prezident Administrasiyasında Azərbaycan Respublikası Prezidentinin ictimai-siyasi məsələlər üzrə köməkçisi Əli Həsənovla görüşüb.

Görüşdə Əli Həsənov Azərbaycanda son zamanlar yaşanan proseslərdən, Prezident İlham Əliyevin həyata keçirdiyi siyasətin uğurlu nəticələrindən, Azərbaycanın ötən 15 ildəki inkişafından, iqtisadi, siyasi, sosial sahələrdə görülən işlərdən, qardaş ölkələrimizin liderliyi ilə həyata keçirilən “Cənub Qaz Dəhlizi” layihəsindən, onun region və Avropa ölkələrinin enerji təhlükəsizliyinə töhfəsindən danışdı.

Azərbaycanın və qardaş Türkiyənin regionda artan rolunu vurğulayan Prezidentin köməkçisi türkiyəli jurnalistlərin suallarını cavablandırdı.

Ölkə.Az

ŞƏRH YAZ
0

“Mehriban Əliyeva Qarabağdakı kriminal durumla bağlı konkret addımlar atmağa çağırdı” — Politoloq

“Mehriban Əliyeva Qarabağdakı kriminal durumla bağlı konkret addımlar atmağa çağırdı”
22:10
20.07.2018
1257
Siyasət
A
Azərbaycan sabitliyin, təhlükəsizliyin hökm sürdüyü nümunəvi ölkədir.

"Ölkə.Az" xəbər verir ki, bunu Trend-ə politoloq, Qərb-Xəzər Universitetinin professoru Fikrət Sadıxov deyib.

F.Sadıxov qeyd edib ki, bu fikir Azərbaycanın Birinci-vitse prezidenti Mehriban Əliyevanın Müstəqil Dövlətlər Birliyinin (MDB) iştirakçısı olan ölkələrin Daxili İşlər Nazirləri Şurasının Bakıda keçirilən iclasının iştirakçıları ilə görüşü zamanı səsləndirilib:

"Qeyd olunub ki, Azərbaycan təhlükəsizliyin hökm sürdüyü sabit dövlətdir. Əminəm ki, ölkə daxilində sabitlik daha da möhkəmlənəcək və təhlükəsizlik məsələləri bundan sonra da diqqət mərkəzində olacaq. Burada güc strukturları, hüquq-mühafizə orqanlarının da rolu böyükdür. Bu, bütün əhəmiyyətli prioritetlərin möhkəmlənməsində mühümdür".

Politoloq vurğulayıb ki, Birinci vitse-prezident görüş zamanı Ermənistan tərəfindən Azərbaycan torpaqlarının bir hissəsinin işğal edildiyni bir daha xatırladıb və buna diqqət çəkib:

"Birinci vitse-prezident Mehriban Əliyeva vurğuladı ki, Ermənistan tərəfindən işğal olunmuş Azərbaycan torpaqlarından narkotiklərin becərilməsi və sonradan trafiki üçün istifadə olunması faktları mövcuddur.Artıq uzun illərdir orada qanunsuz olaraq xarici hüquqi və fiziki şəxslər fəaliyyət göstərir ki, bu da yolverilməzdir, Azərbaycan Respublikasının qanunverciliyinin kobud şəkildə pozulması deməkdir. Birinci vitse-prezident MDB ölkələrinin hüquq-mühafizə orqanları rəhbərlərini bu məsələyə diqqət ayırmağa, bununla əlaqədar konkret addımlar atmağa çağırdı. Əks halda regionda təhlükəsizlik və sabitlik şübhə altında qala bilər".

Ölkə.Az

ŞƏRH YAZ
0
BAĞLA