Prezidentliyə namizədlərin qeydə alınması üçün ayrılmış vaxt başa çatdı

Prezidentliyə namizədlərin qeydə alınması üçün ayrılmış vaxt başa çatdı
18:05
13.03.2018
1618
Siyasət
A
Prezident seçkiləri ilə əlaqədar namizədin qeydə alınması üçün zəruri olan seçki sənədlərinin Mərkəzi Seçki Komissiyasına (MSK) təqdim edilməsi üçün ayrılmış vaxt martın 12-də saat 18.00-da başa çatıb.

"Ölkə.Az"-ın məlumatına görə, Mərkəzi Seçki Komissiyası (MSK) aprelin 11-nə təyin edilmiş prezident seçkiləri ilə bağlı 15 nəfərin prezidentliyə namizədliyinin irəli sürülməsini təsdiq edib.

Mərkəzi Seçki Komissiyası (MSK) fevralın 27-də keçirilmiş iclasında Yeni Azərbaycan Partiyası tərəfindən namizədliyi irəli sürülmüş İlham Əliyevin, martın 7-də keçirilmiş iclasında öz təşəbbüsü ilə namizədliyi irəli sürülmüş Zahid Oruc, Azərbaycan Sosial Demokrat Partiyası tərəfindən namizədliyi irəli sürülmüş Araz Əlizadə, Bütöv Azərbaycan Xalq Cəbhəsi Partiyası tərəfindən namizədliyi irəli sürülmüş Qüdrət Həsənquliyevin, martın 10-da keçirilmiş iclaslında Milli Dirçəliş Hərəkatı Partiyası tərəfindən namizədliyi irəli sürülmüş Fərəc Quliyev, Müasir Müsavat Partiyası tərəfindən namizədliyi irəli sürülmüş Hafiz Hacıyev və "Cəbhəçilərin təşəbbüs qrupu" adlı təşəbbüs qrupu tərəfindən namizədliyi irəli sürülmüş Razi Nurullayevin namizədliyini qeydə alıb.

MSK-nın Media və ictimai əlaqələr şöbəsinin müdiri Şahin Əsədli "Ölkə.Az"-a bildirib ki, martın 12-i saat 18.00-dək Azərbaycan Demokrat Partiyası tərəfindən namizədliyi irəli sürülmüş Sərdar Cəlaloğlu, namizədliyi öz təşəbbüsü ilə irəli sürülən Tural Abbaslı, Vətəndaş və İnkişaf Partiyası tərəfindən namizədliyi irəli sürülən Əli Əliyev doldurulmuş imza vərəqələri və digər zəruri seçki sənədlərini MSK-ya təqdim edib.

Beləliklə, Azərbaycan Liberal Demokrat Partiyası (ALDP) tərəfindən namizədliyi irəli sürülmüş partiyanın sədri Fuad Əliyev, öz təşəbbüsləri ilə namizədlikləri  irəli sürülmüş Anar Umudov, Elşən Həsənov, Ramazan Bəkirov və Asif Məmmədov isə doldurulmuş imza vərəqələri və digər zəruri seçki sənədlərini MSK-ya təqdim etməyib, bununla da, onların seçki prosesində namizəd kimi iştirak etməyəcəkləri dəqiqləşib.

Zaur Əziz
Ölkə.Az

ŞƏRH YAZ
0

Azərbaycan prezidenti: “Bakı Rusiya silahlarının tədarükü üçün yeni müqavilələrdə maraqlıdır”

Azərbaycan prezidenti: “Bakı Rusiya silahlarının tədarükü üçün yeni müqavilələrdə maraqlıdır”
17:58
Bu gün
475
Siyasət
A
Azərbaycan Respublikasının prezidenti İlham Əliyev Davos şəhərində səfərdədir.

 “Ölkə.Az” xəbər verir ki, Davosda Dünya İqtisadi Forumunda iştirak edən İlham Əliyev Rusiyadan alınan hərbi texnika barədə “RİA Novosti” agentliyinə açıqlama verib.

“Bakı Rusiya silahlarının tədarükü üçün yeni müqavilələrdə maraqlıdır, razılaşmanın detalları müvafiq qurumlar tərəfindən razılaşdırılacaq. Hərbi texnikanın nomeklaturasına gəldikdə, bu, müvafiq qurumlar tərəfindən razılaşdırılacaq. Əlbəttə ki, biz bunda maraqlıyıq. Rusiya müasir, etibarlı silahların əsas ixracatçılarından hesab edilir. Azərbaycan Rusiya hərbi texnikasının tədarükü üçün əvvəlcədən imzalanmış müqavilələrin tam həyata keçirilməsini gözləyir.

Biz Rusiya silahlarının nəhəng alıcılarından biriyik. Əvvəlki illərdə imzalanmış bəzi müqavilələr hələ reallaşma mərhələsindədir. Yəni biz hələ hamısını deyil, böyük bir hissəsini əldə etmişik. Buna görə də bir müddət öncə hər iki tərəf bu cür əməkdaşlığın davam etməsinə ümid bəslədiyini bildirib”, - deyə Azərbaycan prezidenti açıqlamasında bildirib.

Ölkə.Az

ŞƏRH YAZ
0

İlham Əliyev: “Azərbaycan KTMT-yə üzv olmağı hələ planlaşdırmır”

İlham Əliyev: “Azərbaycan KTMT-yə üzv olmağı hələ planlaşdırmır”
17:54
Bu gün
294
Siyasət
A
Azərbaycan Respublikasının prezidenti İlham Əliyev Davos şəhərində səfərdədir.

“Ölkə.Az” xəbər verir ki, Davosda Dünya İqtisadi Forumunda iştirak edən İlham Əliyev Rusiyanın “RİA Novosti” agentliyinə açıqlama verib.

Azərbaycanın Kollektiv Təhlükəsizlik Müqaviləsi Təşkilatına (KTMT) üzvlüyü və ya təşkilatda müşahidəçi statusu məsələsi gündəmdə deyil. Bu məsələ hələ müzakirə mərhələsində deyil”,- deyə İlham Əliyev bildirib.

Hikmət Həsənov
Ölkə.Az

ŞƏRH YAZ
0
BAĞLA