Professor Nizaməddin Şəmsizadə 65 yaşında
Quba rayon Mədəniyyət Mərkəzində görkəmli tənqidçi və nəzəriyyəçi, ədəbiyyatşünas, Dövlət mükafatı laureatı professor Nizaməddin Şəmsizadənin anadan olmasının 65 illiyi ilə əlaqədar görüş keçirilib.
“Ölkə.Az” xəbər verir ki, həmçinin professorun "İdrakın üfüqləri" kitabının təqdimatı da baş tutub. Tədbir onun haqqında çəkilmiş sənədli filmə baxışla start götürüb.
.jpg)
Tədbirdə qonaqlardan Xalq şairi Ramiz Rövşən, şair, oftalmoloq alim Paşa Qəlbinur, yazıçı, professor Rəhim Əliyev, şair-tərcüməçi Ramiz Məmmədzadə, əməkdar jurnalist, professor Qulu Məhərrəmli, Gülxani Pənah, millət vəkili Vahid Əhmədov çıxış edərək, onun haqqında səmimi fikirlər söyləyiblər.
Tədbirin sonunda Nizaməddin Şəmsizadə çıxış edərək təşkilaçılara və gələn qonaqlara minnətdarlığını bildirib.
Vüsalə Balayeva
Ölkə.Az
