Prokuror Çaqqal Karlos üçün ömürlük həbs cəzası istədi
Paris prokuroru terrorçu İliç Ramirez Sançes üçün ömürlük həbs cəzası istəyib.
"Ölkə.Az" xəbər verir ki, Çaqqal Karlos 43 il əvvəl Parisdə bir dükana hücum təşkil etdiyi üçün belə cəzaya məhkum edilə bilər.
Ramirez 43 il əvvəl Parisdə bir dükana qumbara ataraq 2 nəfərin ölümünə səbəb olmuşdu. Hadisə 1974-cü ildə baş verib. 13 mart tarixində başlayan məhkəmə prosesi bu gün başa çatıb.
Prokuror Remi Krosson çıxış edərək deyib: "İstintaq nəticəsində əlimizdə olan bütün materiallar Sançesin günahkar olduğunu göstərir. Mən onun hücumun əsas təşkilatçısı olduğunu düşünürəm və ömürlük həbsə məhkum edilməsini tələb edirəm".
Qeyd edək ki, hücum nəticəsində 2 nəfər həlak olmuş və 34 nəfər yaralanmışdı. Uzun axtarışlardan sonra Sançes 1994-cü ildə Sudanda həbs edilib.
Hikmət
Ölkə.Az
