Prokuror MTN generalının 7 milyon manat ziyanı ödəməsini tələb etdi

Prokuror MTN generalının 7 milyon manat ziyanı ödəməsini tələb etdi
13:07
14.11.2017
717
Ölkə
A
Ləğv edilmiş Milli Təhlükəsizlik Nazirliyinin Antiterror Mərkəzinin rəisi, general-mayor Elçin Quliyev və Antiterror Mərkəzinin əməkdaşı, polkovnik Azər Mehdiyevin cinayət işi üzrə prokurorun çıxışının bəzi təfərrüatları məlum olub.

"Ölkə.Az"ın APA-ya istinadən məlumatına görə, Bakı Hərbi Məhkəməsində hakim Elbəyi Allahverdiyevin sədrliyi ilə keçirilən prosesdə çıxış edən prokuror Fəhmin Hümbətov təqsirləndirilən şəxslər tərəfindən Dövlət Təhlükəsizlik Xidmətinə (DTX) və zərərçəkənlərə vurulan ziyanın tam ödənilməsini istəyib.
 
Dövlət ittihamçısı DTX-ya vurulan 7 milyon manatdan artıq ziyanın ödənilməsini tələb edib. Bundan başqa, zərərçəkənlərə vurulan 500 min manatdan artıq ziyanın ödənilməsi istənilib.  
 
Qeyd edək ki, ötən gün keçirilən prosesdə dövlət ittihamçısı Elçin Quliyevin 15, Azər Mehdiyevin 13 il müddətinə azadlıqdan məhrum edilməsini, hərbi rütbələrinin alınmasını və əmlaklarının 4 zərərçəkənin xeyrinə müsadirə olunmasını istəyib.
 
Proses jurnalistlərin iştirakı olmadan keçirilib.
 
Elçin Quliyev MTN-in Antiterror Mərkəzinin rəisi olub. MTN-lə bağlı aparılan istintaq zamanı o, tutduğu vəzifədən azad edilərək nazirliyin Heydər Əliyev adına Akademiyasının kafedra rəisi təyin edilib. Ondan sonra isə şübhəli şəxs qismində saxlanılaraq həbs edilib.
 
Elçin Quliyevə Cinayət Məcəlləsinin 145.3-cü (qanunsuz azadlıqdan məhrum etməklə ehtiyatsızlıqdan zərərçəkmiş şəxsin ölümünə və ya digər ağır nəticələrə səbəb olma), 181.3.1-ci (mütəşəkkil dəstə tərəfindən quldurluq törətmək), 181.3.2-ci (külli miqdarda əmlak əldə etmək məqsədi ilə quldurluq törətmək), 182.3.1-ci (mütəşəkkil dəstə tərəfindən hədə-qorxu yolu ilə tələb etmə), 182.3.2-ci (külli miqdarda əmlak əldə etmək məqsədi ilə hədə-qorxu yolu ilə tələb etmə), 302.2-ci (əməliyyat-axtarış fəaliyyəti haqqında qanunvericiliyi pozma, eyni əməllər informasiyanın gizli yolla götürülməsi üçün nəzərdə tutulan xüsusi texniki vasitələrdən istifadə edilməklə törədildikdə), 308.2-ci (vəzifə səlahiyyətlərindən sui-istifadə etmək), 309.2-ci (vəzifə səlahiyyətlərini aşmaqla, zor tətbiq etməklə və ya zor tətbiq etmə hədəsi ilə törədildikdə, yaxud silah və digər xüsusi vasitələrdən istifadə etməklə törədildikdə və ya ağır nəticələrə səbəb olma), 311.3.1-ci (qabaqcadan əlbir olan bir qrup şəxs və ya mütəşəkkil dəstə tərəfindən rüşvət alma), 311.3.2-ci (təkrar rüşvət alma), 311.3.3-cü (külli miqdarda rüşvət alma) maddələri ilə ittiham elan olunub.

ŞƏRH YAZ
0

"Miqrasiya böhranı insan alveri üçün əlverişli şərait yaradır" — Aİ səfiri

10:55
Bu gün
4
Ölkə
A
"Azərbaycanın insan alverinə qarşı mübarizədə atdığı addımları yüksək qiymətləndiririk. Qanun səviyyəsində çox şey edilib. Amma belə halların araşdırılması və müəyyən edilməsi üzrə hələ çox iş görülməlidir".

"Ölkə.Az" Report-a istinadən xəbər verir ki, bunu Avropa İttifaqının (Aİ) Azərbaycandakı nüməyəndəliyinin rəhbəri səfir Kestutis Yankauskas "Avropa İttifaqının İnsan Alverinə Qarşı Mübarizə” gününə həsr olunmuş konfransda deyib.

Onun sözlərinə görə, hər kəs bu cür cinayətlərə qarşı mübarizə aparmalıdır: "Bu cinayətlər dəyərlərimizə ziddir. Bu problemi yalnız birgə səylərlə həll edə bilərik. Vəziyyəti təhlil etmək çox vacibdir. Problemin həlli üçün ən yaxşı yol onun mənbəyini tapmaqdır", - diplomat vurğulayıb.

K.Yankauskas qeyd edib ki, hazırda müşahidə olunan miqrasiya böhranı problemdir və insan alveri üçün əlverişli şərait yaradır.

ŞƏRH YAZ
0

14 ildə 1321 nəfər insan alverinin qurbanı olub

14 ildə 1321 nəfər insan alverinin qurbanı olub
10:45
Bu gün
40
Ölkə
A
“Dünya birliyinin davamlı səylərinə baxmayaraq insan alveri müasir dövrün ən aktual problemlərindən biri olaraq qalmaqdadır. Azərbaycanda 14 ildən artıqdır ki, insan alverinə qarşı mübarizə üzrə kompleks tədbirlər həyata keçirilir. Bu istiqamətdə qanunvericilik bazası təkmilləşdirilərək insan qurbanlarının milli istiqamətləndirmə mexanizmi çərçivəsində qəbul edilən 20-dən artıq normativ hüquqi aktlara əsasən, onların reabilitasiyası və reinteqrasiyası təmin edilib”.

"Ölkə.Az"ın Report-a istinadən xəbərinə görə, “Azərbaycanda insan alverinə qarşı mübarizə üzrə potensialların artırılması” mövzusunda keçirilən konfransda Daxili İşlər Nazirliyi (DİN) İnsan Alverinə qarşı Mübarizə Baş İdarəsinin rəisi general-mayor Heydər Heydərov deyib.

İdarə rəisi qeyd edib ki, Azərbaycanda bu sahədə maarifləndirmə işləri aparılır.

Onun sözlərinə, ölkədə insan alveri qurbanlarının kompensasiya almaq, istismar dövründə törətdiyi hüquqazidd əmələ cəzalandırılmamaq kimi hüquqları tanınıb: “İnsan alveri qurbanları könüllü qaydada ödənişsiz sosial reablitasiya və təhlükəsizlik tədbirləri ilə əhatə olunmaqla onlara tibbi, hüquqi, psixoloji, yaşayış yeri yardımları ödənişsiz göstərilir, normal həyat tərzinə qayıdışı təmin edilir. Azərbaycanda 14 il müddətində həyata keçirilən əməliyyat-axtarış tədbirləri ilə 1321 insan alveri və məcburi əmək cinayəti qeydə alınaraq, 538 nəfər məhkəmə məsuliyyətinə təqdim edilib. Müəyyən edilən 873 insan alveri qurbanının cəmiyyətə reinteqrasiyası təmin edilib. Əldə edilən nəticələr beynəlxalq tərəfdaşlar tərəfindən müsbət dəyərləndirilib. Bu sahədə Azərbaycan təcrübəsi bir sıra ölkələrin müvafiq qurumlarının diqqət mərkəzindədir”.

ŞƏRH YAZ
0
BAĞLA