Prokuror qonşusunu öldürənə ağır cəza istədi

Prokuror qonşusunu öldürənə ağır cəza istədi
16:17
12.06.2018
1046
Hadisə
A
Bu gün Bakı Ağır Cinayətlər Məhkəməsində qəsdən adam öldürməkdə təqsirləndirilən Vidadi Rzayevin cinayət işi üzrə məhkəmə prosesi davam etdirilib.

“Ölkə.Az”ın xəbərinə görə, hakim Mahmud Ağalarovun sədrliyi ilə keçirilən iclasda dövlət ittihamçısı çıxış edib.

Prokuror çıxışında V.Rzayevin 17 il 6 ay müddətinə azadlıqdan məhrum edilməsini istəyib.

Təqsirləndirilən şəxsin vəkili çıxış üçün məhkəmədən vaxt istəyib.

Qeyd edək ki, hadisə Yasamal rayonu, Xıdır Mustafayev küçəsində qeydə alınıb. 57 yaşlı Vidadi Rzayev aralarında yaranmış mübahisə zəminində qonşusu, 47 yaşlı Şahin İsgəndərova bıçaqla 9 dəfə zərbə vurub. Şahin İsgəndərov ağır vəziyyətdə 1 saylı Şəhər Kliniki Xəstəxanasına aparılsa da, onun həyatını xilas etmək mümkün olmayıb.

Yasamal rayon hüquq mühafizə orqanlarının əməkdaşları V.Rzayevi saxlayıblar.

Hadisə şahidlərinin verdiyi məlumata görə, mərhum Ş.İsgəndərov dəfələrlə qonşusu V.Rzayevə avtomobilini yolda saxlaması ilə bağlı iradını bildirib.

 

ŞƏRH YAZ
0

Üç qadın 10 həmcinsini Türkiyədə fahişəliyə cəlb etdi — TƏFƏRRÜAT

Üç qadın 10 həmcinsini Türkiyədə fahişəliyə cəlb etdi
13:15
Bu gün
197
Hadisə
A
Bakı Ağır Cinayətlər Məhkəməsində azərbaycanlı qadınları Türkiyədə cinsi istismara məruz qoymaqda təqsirli bilinən 3 qadın barəsində məhkəmə prosesi başlayır.

“Ölkə.Az”ın xəbərinə görə, cinayət məcəlləsinin 144-1.2.1 maddəsi ilə təqsirləndirilən Poladova İradə Adil qızı, Xudaverdiyev Validə Məhəmməd qızı və Sadıqova Arifə Əjdər qızının məhkəmə prosesi iyun ayının 28-də hakim Azər Paşayevin sədrliyi keçiriləcək. Qeyd edək ki, cinayət işində 10 qadın zərərçəkmiş qismində tanınıb. 

Qeyd edək ki, 1-ci olaraq İnsan Alverinə qarşı Mübarizə Baş İdarəsi əməkdaşlarının əməliyyat-axtarış tədbirləri nəticəsində Biləsuvar şəhər sakini, 1983-cü il təvəllüdlü İradə Poladova həbs edilib.

Məlum olub ki, o, bir neçə il əvvəl insan alveri cinayətinə görə məhkum olunub. Həbsdən çıxan İradə yenidən eyni əməllərini davam etdirib. 
İradə Poladova Validə Xudaverdiyeva və Arifə Sadıqova ilə əlbir olaraq paytaxtda və respublikanın ayrı-ayrı rayonlarında tanış olduğu qadınlara Türkiyədə onları işlə təmin edəcəyi vədi verib və İğdır şəhərinə aparıb.

O, zərərçəkmişlərə xəstə insanlara baxacaqlarını, azyaşlı uşaqları saxlayacaqlarını deyib. Amma qadınlar vəd olunan işlərlə təmin olunmadıqlarını görüblər.

İradə Poladova qadınları İğdır şəhərində yerləşən otellərdə və fərdi evlərdə kişi müştərilərlə görüşməyə məcbur edib. Məcbur qalan qadınlar İradənin tələbini yerinə yetiriblər.

Zərərçəkmişlərin sənədləri İradə Poladovada olub, buna görə də vaxtında yox, bir qədər sonra geri qaça biliblər.

Qeyd edək ki, təqsirləndirilən Sadıqova Arifə Əjdər qızı digər bir cinayətinə görə 15 gün qabaq cəza alıb. Belə ki, 5 iyun tarixində Bakı Ağır Cinayətlər Məhkəməsində insan alveri və dələduzluqda təqsirləndirilən Arifə Sadıqovanın cinayət işi üzrə məhkəmə prosesi başa çatıb.

Məhkəmənin hökmü ilə A.Sadıqovanın barəsində ev dustaqlıqlığı qətimkan tədbiri həbs qətimkan tədbirinə dəyişdirilərək təqsirləndirilən 9 il 6 ay azadlıqdan məhrum edilib.

A.Sadıqovanın Nərimanov rayonu A.Heydərov küçəsində kirayədə yaşadığı mənzildə əxlaqsızlıq yuvası saxlaması və qadınları fahişəliyə cəlb etməsi müəyyən edilib.

ŞƏRH YAZ
0

Maştağadakı qətllə bağlı RƏSMİ AÇIQLAMA

Maştağadakı qətllə bağlı RƏSMİ AÇIQLAMA
12:50
Bu gün
160
Hadisə
A
Daxili İşlər Nazirliyi (DİN) Bakının Sabunçu rayonunun Maştağa qəsəbəsində baş vermiş qətl hadisəsi ilə bağlı rəsmi məlumat yayıb.

"Ölkə.Az"ın xəbərinə görə, məlumatda bildirilib ki, iyunun 20-də Sabunçu rayonunun Maştağa qəsəbəsində yerləşən “Araz” marketin yaxınlığında orada satıcı işləyən Zabrat qəsəbə sakini Surxay Əliyev münaqişə zəminində iş yoldaşları, qəsəbə sakinləri Vüqar Hüseynzadəyə və Kənan Səlimova bıçaqla xəsarət yetirib. Çoxsaylı xəsarət almış V.Hüseynzadə hadisə yerində ölüb, K.Səlimov isə xəsarətlə xəstəxanaya yerləşdirilib. Bakı Şəhər Baş Polis İdarəsinin Cinayət Axtarışı İdarəsi və Sabunçu Rayon Polis İdarəsinin 14-cü Polis Bölməsi əməkdaşlarının birgə keçirdikləri əməliyyat-axtarış tədbirləri nəticəsində S.Əliyev Bakıxanov qəsəbəsinin ərazisində saxlanılıb.

ŞƏRH YAZ
0
BAĞLA