Proqnoz: Dağ çaylarından daşqınlar keçəcək

Proqnoz: Dağ çaylarından daşqınlar keçəcək
20:00
21.04.2017
87
Ölkə
A
“2016-2017-ci illərin qış dövründə Böyük və Kiçik Qafqazın Azərbaycan hissəsinin dağ, qismən dağətəyi zonalarında qar örtüyünün yaranması prosesi ötən illərdən fərqli olaraq, oktyabr ayının 17-19-dan başlayıb. Fasilələrlə oktyabrın 3-cü ongünlüyündə və noyabrın 3-cü ongünlüyünün 1-ci yarısında davam edib”.

"Ölkə.Az"-ın xəbərinə görə, bu barədə Ekologiya və Təbii Sərvətlər Nazirliyinin Milli Hidrometeorologiya Departamentinin ölkədə qar-su ehtiyatlarının müəyyənləşdirilməsi məqsədilə apardığı qarölçmə işlərinin nəticələri, respublika çaylarında aprel, may, iyun ayları üçün yaz gursululuğunun və daşqın hadisələrinin axım proqnozunda bildirilib.
 
Proqnozda qeyd olunub ki, ötən ilin dekabr, bu ilin yanvar və fevral ayının 1-ci yarısında dağ və dağətəyi zonalarda sabit qar örtüyünün əmələ gəlməsi düşən qar hesabına daha çox olub. Yüksək dağlıq ərazilərdə havaların şaxtalı keçməsi qar örtüyünün qalmasına şərait yaradıb. Bu, gursululuq dövrünün formalaşmasında əsas rol oynayacaq.
 
“Lakin martın mülayim keçməsi və ayın 3-cü ongünlüyündə temperaturun yüksələrək nisbətən isti keçməsi orta və qismən yüksək dağlıq ərazilərdə qar ehtiyatının tədricən əriməsinə səbəb olub, nəticədə qar ehtiyatı azalıb. Bu il Böyük və Kiçik Qafqazın çay hövzələrində aparılan qarölçmə işlərinin nəticələri onu göstərir ki, yağan qar həm çoxillik normadan, həm də keçən il ilə müqayisədə çox olub” - deyə, proqnozda bildirilib.
 
Yaz-yay (aprel,may,iyun) ayları üçün gursululuq dövrünün proqnozuna gəlincə, transsərhəd çaylardan Kür çayından Şəmkir su anbarına axımın normanın 57-80, Qanıx çayından Mingəçevir su anbarına axımın normanın 55-82, Araz çayından Araz su anbarına axımın isə normanın 34-60 faizini təşkil edəcəyi gözlənilir.
 
Respublikanın dağ çaylarında - Böyük Qafqazın cənub-qərb (Balakən-Şəki,Oğuz-Qəbələ) yamacı çaylarında sululuğun çoxillik normanın 80-105, şimal-şərq (Quba-Qusar-Xaçmaz) yamacı çaylarında 63-90, Kiçik Qafqazın (Daşkəsən-Gədəbəy-Göygöl) çaylarında 75-100,  Naxçıvan MR və Lənkəran-Astara bölgəsi çaylarında isə normanın 45-85 faizini təşkil edəcəyi proqnozlaşdırılır.
 
Bu il qar ehtiyatının normadan çox olmasına və yaz (aprel-may-iyun) yağıntılarının normadan əsasən az gözlənilməsinə baxmayaraq, gursululuq dövrünün ayrı-ayrı günlərində gözlənilən leysan xarakterli yağışlar nəticəsində Böyük və Kiçik Qafqazın bəzi dağ çaylarından qısamüddətli daşqınların keçəcəyi ehtimal olunur.
 
Axım proqnozuna əsasən, bu il respublikanın daxili çay hövzələrində qarda olan su ehtiyatı çoxillik normadan çox olsa da, mart ayının mülayim keçməsi, ayın 3-cü ongünlüyündə temperaturun yüksələrək nisbətən isti keçməsi orta və qismən yüksək dağlıq ərazilərdə qar ehtiyatının tədricən əriməsinə səbəb olub və nəticədə qar ehtiyatı azalıb.
 
Qonşu Gürcüstan (Kür və Qanıx hövzələri) və Türkiyə (Kür və Araz hövzələri) ərazilərində qarda olan su ehtiyatı çoxillik normadan az olub.
 
Yaz-yay (aprel-may-iyun) yağıntılarının miqdarının çoxillik normaya yaxın və az, havanın orta temperaturunun isə normadan 0,5-1 dərəcə yüksək olacağı gözlənilir.
 
Qeyd olunanları nəzərə alaraq, aparılan hesablamalara və kompleks məlumatların təhlilinə əsasən, bu ilin gursululuq dövründə Böyük və Kiçik Qafqazın çaylarında sululuğun normaya yaxın və bir qədər az, Naxçıvan MR, Lənkəran-Astara bölgəsi və iri tranzit çaylarda isə normadan əsasən az olacağı gözlənilir.

Ölkə.Az

ŞƏRH YAZ
0

Azərbaycanda bu qurumların xərcləri artırılır

Azərbaycanda bu qurumların xərcləri artırılır
18:15
Bu gün
187
Ölkə
A
Bu ilin dövlət büdcəsində məhkəmə hakimiyyəti, hüquq-mühafizə və prokurorluq orqanlarının saxlanılmasına çəkilən xərclər 4,1% artırılaraq 1 384,235 mln. manata çatdırılacaq.

“Ölkə.Az” xəbər verir ki, bu, “2018-ci il dövlət büdcəsi haqqında” qanuna dəyişikliklərlə bağlı qanun layihəsində nəzərdə tutulub.

Sənədə əsasən, hüquq-mühafizə oqranlarının saxlanılması xərclərinin 3% artırılaraq 1 004,452 mln. manata, digər kateqoriyalara aid edilməyən xidmətlərə ayırmaların isə 10,3% artırılaraq 267,166 mln. manata çatdırılması, məhkəmə hakimiyyəti və prokurorluq orqanlarının saxlanılması xərclərinin isə əvvəlki qaydada mavafiq olaraq 54,347 mln. manat və 58,27 mln. manat olması planlaşdırılır. 

ŞƏRH YAZ
0

Azərbaycanda sosial müdafiə və sosial təminat xərcləri artırılır

Azərbaycanda sosial müdafiə və sosial təminat xərcləri artırılır
18:03
Bu gün
299
Ölkə
A
Bu ilin dövlət büdcəsində sosial müdafiə və sosial təminata ayırmalar 6,6% artırılaraq 2 343,047 mln. manata çatdırılacaq.

“Ölkə.Az” xəbər verir ki, bu, “2018-ci il dövlət büdcəsi haqqında” qanuna dəyişikliklərlə bağlı qanun layihəsində nəzərdə tutulub.

Sənədə əsasən, Artım sosial müdafiə xərclərinin 145,865 mln. manat və yaxud 6,7% artırılaraq 2 163,42 mln. manat olması hesabına 

ŞƏRH YAZ
0
BAĞLA