KORONAVİRUSA YOLUXANLARIN SAYI - CANLI STATİSTİKA

Psixoloji problemi olan müxalifət liderləri

Psixoloji problemi olan müxalifət liderləri
17:46
06.11.2019
3996
Siyasət
A
Noyabrın 5-də Müsavat Partiyasının qərargahında AXCP, Müsavat və Əli İnsanovun bir araya gələrək ölkədəki ictimai siyasi vəziyyəti, gələcək əməkdaşlıq perspektivlərini müzakirə etməsi hətta müxalif düşərgədə birmənalı qarşılanmadı.

Toplantıya qatılmayan müxalif düşərgə bu əməkdaşlığın perspektivsizliyini, uzunmüddətli olmadığını, müəyyən  korporativ maraqlara xidmət ediyini bəyan etdi. Çünki AXCP və Müsavat son 25 ildə çoxsaylı siyasi birliklərdə bir yerdə iştirak ediblər və sonluq da hər dəfə uğrusuzluqla nəticələnib. Yaradılan birliklər hədəfinə nail olmadan yarıyolda dağılıb. Nəticədə isə tərəflər bir-birini satqınçılıqda , xəyanətdə, hakimiyyətə işləməkdə suçlayıblar. Elə noyabrın 5-də bir araya gələn nümayəndələrin də gələcək fəaliyyəti bundan xəbər verir. Ona görə ki, Müsavat Partiyasında bir araya gələn liderlər birgə əməkdaşlıqda səmimi deyildirlər. Onlar yaranmış situasiyadan istifadə edərək müxalif düşərgədə önə çıxaraq, ölkədəki narazı elektoratdan faydalanaraq,  gələcək müxalif fəaliyyətini davam etdirmək niyyəti güdürlər.  Bu şəxslər özləri da yaxşı anlayır ki, onlar bir araya gəlsələr belə, ölkədə hər hansı ciddi siyasi uğurlara  imza ata bilməyəcəklər. Odur ki, "düşmənimin düşməni mənim dostumdur" prinsipinə əsaslanaraq, bir-birini qəbul etməyən qüvvələr məcburiyyət qarşısında bir araya gəliblər. Əslində, orada bir araya gələn şəxslərin məqsədi heç də özlərinin bəyan etdikləri kimi ölkənin inkişafı,  Qarabağın azad edilməsi uğrunda mübarizə deyil, əsas hədəf bir-birindən  bacardıqları qədər daha çox faydalanmaqdır.  AXCP və Müsavatın Əli İnsanova olan sevgisinin arxasında həqiqətdə cəmiyyətin, ölkənin gələcək inkişafı yox, öz korporativ  və maddi maraqlaırnın təmin edilməsi niyyəti durur. O baxımdan da  bir zamanlar bu şəxslər haqqında ən sərt və aşağılayıcı ifadələr işlədən şəxsin qarşısında təzim etmək zorunda qalıblar. Hamıya gün kimi aydındır ki, AXCP və Müsavat liderlərini  Əli İnsanovun qarşısında əyən, onun “vətənpərvərliyi”, “qəhrəmanlığı” deyil, cibinin puludur. Bunu kimsədən gizlətmək belə mümkün deyil. 

Yuxarıda qeyd etdiyimiz fikri bir daha təkrarlayıb, inkişaf etdirərək əlavə etmək istərdik ki, bu şəxslər öz güc və potensillarına bəllədirlər. Bilirlər ki, onların bu gün ölkədə gedən ictimai-siyasi proseslərə təsir etmək gücündə deyillər. Sadəcə ölkədə gedən proseslərdən öz korporativ maraqları naminə istifədə edib sadə “obıvateli” aldatmaqla  maddi imkanlarını artırmaq istəyirlər.

Bu gün Azərbaycanda pərakəndə formada olan müxalifətin, xüsusən də AXCP və Müsavatın bir araya gəlməsi qeyri-mümkündür. Az-çox siyasi fəaliyyətlə məşğul olan insanlar ağ rənglə qara rəngin bir araya gəlməsinə və yaxud “qara daşın” göyərməsinə inanar, ancaq bunların səmimi birliyinin yaratmasına yox.  Sadə AXCP və Müsavat üzvü bəlkədə birliyi istər, ancaq  bu təşkilatlara rəhbərlik edən  insanların  reallığa uyğun olamayan  şəxsi ambisiyaları imkan vermir. Məhz elə ona görədir ki, 25 ildən artıqdır bu qurumlar ortaq məxrəcə gələ bilmir. Onların bir araya gəlməməsinə səbəb isə nailiyyətsizlik sindromudur.

Elmdə nailiyyətsizlik sindromu deyilən bir anlayış var. Əgər uzun müddət fəaliyyət göstərən şəxs, siyasi qrup, birlik nailiyyət əldə edə bilmirsə, o zaman sonrakı fəaliyyət onun özünə qarşı çevrilməyə başlayır. Necə ki, təyyarə havaya qalxanda hündürlüyü düzgün seçə bilməyəndə yerə düşməli olursa, siyasi qrup və insan uzun müddət fəaliyyət göstərib nəticə əldə edə bilməyəndə, bu fəaliyyət yekunda onun özünə qarşı dönməyə başlayır. Baxın, bu gün iqtidar qalıb bir kənarda Azərbaycan müxalifəti bir-biri ilə didişir, mübarizə aparır. Qarşılıqlı ittihamlarla çıxış edir. Bunun səbəbi də nailiyyətsizlik sindromudur.

Odur ki, vəziyyətdən ən yaxşı çıxış yolu isə   adı çəkilən partiya liderlərinin özlərində kişilik tapıb, nəfslərinə hakim kəsilərək ya  uğursuzluq sindromundan xilas olaraq islah olunmalıdırlar, ya da siyasi səhnəni tərk etməlidirlər. Uğursuzluq sindromundan  xilas olmaları mümkün olmadığı üçün siaysi səhnədən  getmələri daha məqbul və doğru seçim olardı.

Təəssüflər olsun ki, bu gün  AXCP və Müsavat liderləri nə islah olunmağı, nə də uğrusuzluq sindromundan çıxa bilmirlər, nə də öz nəfslərinə hakim kəsilə bilirlər. Bu onların psxoloji durumları ilə bağlıdır. Onlarda yaranan psixoloji durum  müxalif düşərgənin həm normal fəaliyyətinə, bir araya gəlməsinə mane olduğu kimi,  anti-Azərbaycan qüvvələrin, ölkəmizə qarşı təzyiq edərək xaos yaratmaq istəyən  qüvvələrin əllərində alətə çevrilirlər.

Ölkə.Az
 

ŞƏRH YAZ
1

Paşinyan növbəti etirafı ilə özünü çətinə saldı

Paşinyan növbəti etirafı ilə özünü çətinə saldı
22:25
11.07.2020
885
Siyasət
A
“Bu ilin 10 iyul tarixində Yerevanda keçirilən Təhlükəsizlik Şurasının iclasında Ermənistanın Milli Təhlükəsizlik Strategiyasının müzakirəsi zamanı bu ölkənin bölgədə sülh və təhlükəsizliyə birbaşa hədə törədən təcavüzkar siyasəti baş nazir N.Paşinyanın dilindən növbəti dəfə etiraf edildi”.

"Ölkə.Az" Xarici İşlər Nazirliyinə istinadən xəbər verir ki, Azərbaycanın beynəlxalq tanınmış torpaqlarına qarşı əsassız ərazi iddialarını, beynəlxalq hüququ kobudcasına pozaraq hərbi işğala əsaslanan siyasətini ölkənin milli strategiyasında əks etdirən Ermənistan bölgədə ciddi təhlükə ocağı olaraq qalmaqdadır:

“Azərbaycanın ərazilərini hərbi işğal edib bu ərazilərdə yaşayan erməni icmasının öz müqəddəratını müəyyən etməsindən danışan və bunu “milli məqsəd” kimi təhlükəsizlik strategiyasında əks etdirən işğalçı Ermənistan beynəlxalq hüququn, o cümlədən 1975-ci il Helsinki Yekun Aktının prinsiplərini yenidən görməzlikdən gəlir. Xalqların öz müqəddəratını təyin etməsi prinsipinin heç bir halda Azərbaycanın Dağlıq-Qarabağ bölgəsində yaşayan erməni icmasına şamil olunmadığını və ümumiyyətlə, Helsinki Yekun Aktının 8-ci bəndində öz müqqəddəratını təyin etmə prinsipinin BMT Nizamnaməsi, beynəlxalq hüququn norma və prinsipləri, xüsusilə ərazi bütövlüyünə uyğun şəkildə ifadə edilməsini təsbit edildiyini xatırladırıq.

Ermənistan rəhbərliyinin Azərbaycanın hərbi işğal altında saxladığı ərazilərində “suverenlik” iddiası, işğalçı siyasətinin nəticələrinin qorunub saxlanılmasının münaqişənin həlli üzrə aparılan danışıqların məqsədi kimi müəyyən etməsi bu ölkənin münaqişənin həlli prosesinə ciddi əngəl törətdiyini və beynəlxalq ictimaiyyətin qərar və qətnamələrinə hörmətsizlik nümayiş etdirdiyini açıq şəkildə göstərir.

Ermənistan rəhbərliyi anlamalıdır ki, hazırda apardıqları siyasətə görə Ermənistan-Azərbaycan Dağlıq Qarabağ münaqişəsinin həlli məsələsində tamamilə tək qalıblar. Bu ölkənin beynəlxalq reallıqlardan uzaq və sadəlövh milli təhlükəsizlik strayegiyası iflasa uğrayan daxili siyasəti sakitləşdirmək cəhdindən başqa bir şey deyildir.

Beynəlxalq tanınmış əraziləri, o cümlədən müvəqqəti işğal altında olan Dağlıq Qarabağ və ətraf rayonları da daxil olmaqla ərazi bütövlüyünü və azərbaycanlı məcburi köçkünlərin öz evlərinə geri qayıtmasını təmin etmək üçün Azərbaycanın cavab tədbirləri beynəlxalq hüquqa, BMT Nizamnaməsinə, BMT Təhlükəsizlik Şurasının qətnamələrinə və ölkə Konstitusiyasının ona verdiyi haqqa əsaslanır. Bölgədə artan gərginliyin məsuliyyəti isə bilavasitə işğalçı Ermənistanın üzərindədir”.

Ölkə.Az

ŞƏRH YAZ
0

Baş Nazir Əli Əsədov Konstitusiya Məhkəməsinə sorğu göndərib

Baş Nazir Əli Əsədov Konstitusiya Məhkəməsinə sorğu göndərib
21:05
11.07.2020
874
Siyasət
A
Baş Nazir Əli Əsədov Konstitusiya Məhkəməsinə sorğu göndərdi.

"Ölkə.Az" Nazirlər Kabinetinin mətbuat xidmətinə istinadən xəbər verir ki, Əmanətlərin Sığortalanması Fondunun “Atabank” ASC, “NBCBank” ASC və “AGBank” ASC-də sığorta hadisəsinin baş verməsi ilə əlaqədar həmin banklarda olan müvafiq əmanətlərin qorunan əmanət hesab edilib-edilməməsi məsələsinə Azərbaycan Respublikasının Konstitusiya Məhkəməsi tərəfindən şərh verilməsi üçün Nazirlər Kabinetinə göndərdiyi müraciət öyrənilib və Konstitusiya Məhkəməsinə sorğu göndərilməsi qərar alınıb.

Nazirlər Kabinetinin Konstitusiya Məhkəməsinə ünvanladığı sorğuda həmin banklarda əmanətçilərin mənafelərinin qorunması məqsədilə “Əmanətlərin sığortalanması haqqında” Azərbaycan Respublikasının Qanununun 2.1.2.6-cı maddəsinə şərh verilməsinin zəruriliyi əsaslandırılır. 

Qeyd edək ki, “Əmanətlərin sığortalanması haqqında” qanunun 2.1.2.6-cı maddəsinə əsasən, cəlb edildiyi günə qorunan əmanətlər üzrə illik faiz dərəcəsinin yuxarı həddini maliyyə bazarlarına nəzarət orqanı və Mərkəzi Bankla razılaşdırmaqla müəyyən edilmiş həddən yuxarı illik faiz dərəcəsi ilə qəbul edilir.

Ölkə.Az

ŞƏRH YAZ
0
BAĞLA