Putin Fransa şirkətlərinin Rusiya bazarından getməsinə aydınlıq gətirdi

“Ölkə.Az” xəbər verir ki, bu barədə Rusiya prezidenti Vladimir Putin Fransa prezidenti Emmanuel Makron ilə Parisdəki görüşündən sonra keçirilən mətbuat konfransında bildirib. Onun sözlərinə görə, Rusiyada fransalı iş adamlarına böyük imkanlar yaradılıb.

“Bəzi Kütləvi İnformasiya Vasitələri yazırlar ki, Rusiyada fəaliyyət göstərən fransalı iş adamlarına basqı var. Bu səbəbdən də, 500-ə yaxın fransız biznesmen ölkəni tərk edib. Bu belə deyil. Bütün iqtisadi çətinliklərə baxmayaraq, 500-ə yaxın Fransa şirkəti Rusiya bazarından getməyib. Əksinə Fransadan ölkəyə böyük maraq var. Əsasən də, gənc tələbələr Rusiyaya gəlməyə çalışırlar. Düşnürəm ki, Fransada da rusiyalı tələbələr təhsil almalıdırlar. Gənclər arasında mübadiləni möhkəmləndirmək lazımdır", - deyə Putin bildirib.

Putin həmçinin iki dövlət arasında əlaqələrin genişləndirməkdən söz açıb:

“Bizim əsas danışığımız iki dövlət arasında əlaqələrdən oldu. Bundan başqa, söhbət zamanı Rusiya və Avropa Birliyi arasında qarşılıqlı münasibətlərdən danışdıq”.

Qeyd edək ki, mayın 29-da Fransa prezidenti Emmanuel Makron və Rusiya prezidenti Vladimir Putin görüşüb. Görüş Parisdə bağlı qapılar arxasında 3 saata yaxın davam edib. Görüşdən sonra iki ölkə rəhbəri jurnalistlər üçün mətbuat konfransı keçirib.

Ziya Səccad
Ölkə.Az