Putin Makrona zəng etdi

"Ölkə.Az" xəbər verir ki, bu liderlərin ilk telefon danışığıdır. Rusiya prezidenti administrasiyasının məlumatına əsasən Putin Emmanuel Makronu prezident seçilməsi və yeni hökuməti qurması ilə bağlı təbrik edib.

Kremlin məlumatına görə tərəflər ənənəvi rus-fransız dostluq münasibələrinin bundan sonra da siyasi, ticari-iqtisadi və mədəni-humanitar sahələrlə yanaşı digər sahələrdə də inkişaf etdirməyə hazır olduqlarını bildiriblər.

Bununla yanaşı liderlər terrora qarşı mübarizə də daxil olmaqla bir sıra aktual beynəlxalq və regional məsələlərdə əməkdaşlıq etmək barədə razılığa gəliblər.

Putin və Makron "Normand formatı" çərçivəsində Ukraynanın şərqindəki böhranı Minsk anlaşmasına əsasən həll etmək barədə razılaşıblar. Prezidentlər yaxın gələcəkdə görüşməyi də müzakirə ediblər.

Hikmət
Ölkə.Az