Putin Makronun xanımını gül-çiçəklə qarşıladı

Putin Makronun xanımını gül-çiçəklə qarşıladı
15:43
26.05.2018
1139
Dünya
A
Rusiya prezidenti Vladimir Putin Peterburqda keçirilən Beynəlxalq İqtisadi Forumuna gələn qonaqları qarşılayıb.

“Ölkə.Az” xəbər verir ki, Fransa prezidenti Emmanuel Makronu isti qarşılayan Putin onun xanımı Bricit Makrona bir dəstə gül verib. Makron cütlüyü bu jestə görə çox məmnun qalıblar.

Putin 18 may tarixində də Soçiyə səfər edən Angela Merkelə gül buketi təqdim etmişdi. Alman mətbuatı isə onun bu hərəkətini tənqid edərək, Putinin Merkeli və Almaniyanı təhqir etdiyini yazmışdı.

Kremlin mətbuat katibi Dmitri Peskov isə qadınlara çiçək verməyin Rusiyada davranış qaydası olduğunu bildirmişdi.

Hikmət Həsənov
Ölkə.Az

ŞƏRH YAZ
0

Yeni Zelandiyada məscidi qana bulayan terrorçunun cəzası məlum oldu — AÇIQLAMA

Yeni Zelandiyada məscidi qana bulayan terrorçunun cəzası məlum oldu
14:50
Bu gün
2714
Dünya
A
İslam Əməkdaşlığı Təşkilatının yeni iclası İstanbulda keçirilib.

 “Ölkə.Az” xəbər verir ki, Yeni Zelandiyanın XİN rəhbəri Uinston Peters açıqlama verərək Yeni Zelandiya terrorçusunun cəzasını açıqlayıb.  Məlum olub ki, Brenton Tarrant ömrünün qalan hissəsini təkadamlıq kamerada keçirəcək.

İslam Əməkdaşlıq Təşkilatının baş katibi Useymin deyib: “Yeni Zelandiyadakı hücum əslində bizim üçün bir dönüş nöqtəsi sayıla bilər. Müsəlmanlara edilən hücum heç bir formada atacağımız addımların azalmasına ya da bitməsinə mane olmayacaqdır”.

Yeni Zelandiyanın XİN rəhbəri isə deyib: “Brenton Tarrant ömrünün qalan hissəsini Yeni Zelandiyada təkadamlıq kamerada keçirəcək. Yeni Zelandiya tarixinin ən böyük istintaqı başlayıb”.

Hikmət Həsənov
Ölkə.Az

ŞƏRH YAZ
0

Kaliforniyada Novruz bayramı qeyd olunub

Kaliforniyada Novruz bayramı qeyd olunub
11:05
Bu gün
1877
Dünya
A
Kaliforniyanın San Dieqo şəhərində Novruz bayramı təntənə ilə qeyd edilib.

Bu barədə "Ölkə.Az"a Azərbaycanın Los Ancelesdəki Baş Konsulluğundən məlumat verilib. 

Tədbir Azərbaycanın Los Ancelesdəki Baş Konsulluğunun dəstəyi və Kaliforniya Azərbaycan Dostluq Assosiasiyasının (California Azerbaijan Friendship Association - CAFA) təşkilatçılığı ilə San Dieqonun tanınmış "Cafe 21" məkanında keçirilib. Bayram şənliyində Kaliforniyada yaşayan Azərbaycan icmasının üzvləri, həmçinin Kaliforniyanın müxtəlif şəhərlərindən olan amerikalı qonaqlar iştirak ediblər.

CAFA-nın icraçı direktoru Kimiya Məmmədova çıxışında Novruz bayramı, onun tarixi, ənənələri və mahiyyəti haqqında ətraflı danışıb. O, Novruz bayramının Azərbaycanda çox qədim köklərə malik olduğunu, ölkəmizdə bu əziz bayramın çox geniş və təntənəli şəkildə qeyd edildiyini diqqətə çatdırıb. K.Məmmədova həmçinin Azərbaycanın qədim tarixi, zəngin mədəniyyəti və incəsənəti, milli mətbəxi haqqında tədbir iştirakçılarına məlumat verib. Novruz şənliyinin keçirilməsində dəstəyə görə Baş Konsulluğa və "Cafe 21"in sahibləri Lalə və İmran Cavadova və digər icma üzvlərinə təşəkkürünü bildirən K.Məmmədova icraçı direktoru olduğu CAFA təşkilatının gələcəkdə də bu kimi tədbirlərin keçirilməsini davam etdirəcəyini vurğulayıb.

Tədbir tanınmış tarzən Sahib Paşazadənin ifasında Azərbaycan musiqisindən nümunələr və Azərbaycan mətbəxinin ləziz təamlarını əks etdirən ziyafətlə davam edib.

Ölkə.Az

ŞƏRH YAZ
0
BAĞLA