Putin Novruz bayramını qeyd edən rusiyalıları təbrik etdi
“Ölkə.Az” xəbər verir ki, Putinin təbrik məktubu Kremlin rəsmi internet səhifəsində dərc edilib. Rusiya lideri məktubunda Novruz bayramını qeyd edən rusiyalılara bol məhsuldarlıq və ailə səadəti arzulayıb.
"Əsrlərin süzgəcindən keçmiş bu bayram bizim ölkənin bir çox xalqlarının tarixi, mədəni və mənəvi dəyərlərinin ayrılmaz hissəsini təşkil edir və özündə təbiətin oyanışını, yeni həyatın başlanğıcını təcəssüm etdirir”, - deyə məktubda qeyd edilib.
Putin belə adət-ənənələrin qorunub saxlanmasını yüksək qiymətləndirib.
"Bu gün yüz illlər əvvəll olduğu kimi şəhər və kəndlərdə xalq şənlikləri təşkil olunur, istedadlı ustalar özlərinin xalq-dekorativ tətbiqi incəsənət nümunələrini nümayiş etdirir, hər bir evdə qonaqları milli xörəklərlə qarşılayırlar və əllbəttə bu gündə öz yaxınlarını anmaq, diqqətə və ehtiyacı olanlara kömək əli uzatmaq lazımdır”, - Putin qeyd edib.
Hikmət Həsənov
Ölkə.Az
