Putin yeni hədəflərindən danışdı

“Ölkə.Az” xəbər verir ki, seçki qərargahının həmsədrləri ilə görüşən Putin daxili gündəmə çox diqqət ayıracağını bildirib.

Onun sözlərinə görə, Rusiya iqtisadiyyatını inkişaf etdirmək və ona innovasiyalı xarakter vermək əsas hədəfdir.

“Bu inkişaf səhiyyə, təhsil, sənaye istehsalı, infrastruktur və digər vacib sahələrdə olmalıdır. Bununla da irəli getmək və insanların həyat səviyyəsini yüksəltmək lazımdır”, - deyə Putin bildirib.

Bununla yanaşı prezident bildirib ki, ölkənin təhlükəsizliyi və müdafiə qabiliyyəti də diqqətdən kənar qalmayacaq:
“Bu olmasa mümkün deyil. Bununla yanaşı, bizim əsas hədəfimiz ölkənin daxili məsələləri olacaq”.

Hikmət Həsənov
Ölkə.Az