Putindən Paşinyana ismarış: “Rusiyadan asılı olduğunuzu unutmayın”

Putindən Paşinyana ismarış: “Rusiyadan asılı olduğunuzu unutmayın”
17:55
14.06.2018
4562
Dünya
A
Rusiyada futbol üzrə dünya çempionatı bu gün start götürür.

“Ölkə.Az” xəbər verir ki, Azərbaycan prezidenti İlham Əliyev də açılışda iştirak etmək üçün Moskvada səfərdədir. Dünən Rusiya prezidenti İlham Əliyevi qəbul edib. Bir gün sonra isə Putin Ermənistanın baş naziri Nikol Paşinyanla da görüş keçirib.

Politoloq Elxan Şahinoğlu sosial şəbəkədəki hesabında Putinlə Paşinyanın görüşünü şərh edib:

“Putin dünən Azərbaycan prezidenti ilə görüşdə belə bir cümlə işlətmişdi: “İqtisadi əlaqələrimiz yüksək templə inkişaf edir. Siyasi məsələlərə gəlincə, burada da vəziyyət sabitdir”. Yəni “problem yoxdur” demək istəyib”. 

Ekspert qeyd edib ki, Putin Ermənistanla da iqtisadi əlaqələrin artım tempindən məmnundur. 

“Kreml sahibi Paşinyanla görüşdə də diqqəti cəlb edən cümlə işlədib:

“Münasibətlərimizin strateji xarakterini və əməkdaşlığımızın müxtəlif istiqamətlərini nəzərə alaraq görüşlərimizə hər zaman ehtiyac var”. Bu cümləni belə də oxumaq olar: “Birincisi, Rusiyadan asılı olduğunuzu unutmayın.

İkincisi, tez-tez görüşməliyik ki, sizin atacağınız addımlardan əvvəlcədən xəbər tutum”. Başqa sözlə Ermənistanda hakimiyyətdə kim olursa-olsun, Kreml İrəvan üzərindəki nəzarətini azaltmayacaq”.

Ölkə.Az

ŞƏRH YAZ
0

Yeni Zelandiyada məscidi qana bulayan terrorçunun cəzası məlum oldu — AÇIQLAMA

Yeni Zelandiyada məscidi qana bulayan terrorçunun cəzası məlum oldu
14:50
Bu gün
4539
Dünya
A
İslam Əməkdaşlığı Təşkilatının yeni iclası İstanbulda keçirilib.

 “Ölkə.Az” xəbər verir ki, Yeni Zelandiyanın XİN rəhbəri Uinston Peters açıqlama verərək Yeni Zelandiya terrorçusunun cəzasını açıqlayıb.  Məlum olub ki, Brenton Tarrant ömrünün qalan hissəsini təkadamlıq kamerada keçirəcək.

İslam Əməkdaşlıq Təşkilatının baş katibi Useymin deyib: “Yeni Zelandiyadakı hücum əslində bizim üçün bir dönüş nöqtəsi sayıla bilər. Müsəlmanlara edilən hücum heç bir formada atacağımız addımların azalmasına ya da bitməsinə mane olmayacaqdır”.

Yeni Zelandiyanın XİN rəhbəri isə deyib: “Brenton Tarrant ömrünün qalan hissəsini Yeni Zelandiyada təkadamlıq kamerada keçirəcək. Yeni Zelandiya tarixinin ən böyük istintaqı başlayıb”.

Hikmət Həsənov
Ölkə.Az

ŞƏRH YAZ
0

Kaliforniyada Novruz bayramı qeyd olunub

Kaliforniyada Novruz bayramı qeyd olunub
11:05
Bu gün
2585
Dünya
A
Kaliforniyanın San Dieqo şəhərində Novruz bayramı təntənə ilə qeyd edilib.

Bu barədə "Ölkə.Az"a Azərbaycanın Los Ancelesdəki Baş Konsulluğundən məlumat verilib. 

Tədbir Azərbaycanın Los Ancelesdəki Baş Konsulluğunun dəstəyi və Kaliforniya Azərbaycan Dostluq Assosiasiyasının (California Azerbaijan Friendship Association - CAFA) təşkilatçılığı ilə San Dieqonun tanınmış "Cafe 21" məkanında keçirilib. Bayram şənliyində Kaliforniyada yaşayan Azərbaycan icmasının üzvləri, həmçinin Kaliforniyanın müxtəlif şəhərlərindən olan amerikalı qonaqlar iştirak ediblər.

CAFA-nın icraçı direktoru Kimiya Məmmədova çıxışında Novruz bayramı, onun tarixi, ənənələri və mahiyyəti haqqında ətraflı danışıb. O, Novruz bayramının Azərbaycanda çox qədim köklərə malik olduğunu, ölkəmizdə bu əziz bayramın çox geniş və təntənəli şəkildə qeyd edildiyini diqqətə çatdırıb. K.Məmmədova həmçinin Azərbaycanın qədim tarixi, zəngin mədəniyyəti və incəsənəti, milli mətbəxi haqqında tədbir iştirakçılarına məlumat verib. Novruz şənliyinin keçirilməsində dəstəyə görə Baş Konsulluğa və "Cafe 21"in sahibləri Lalə və İmran Cavadova və digər icma üzvlərinə təşəkkürünü bildirən K.Məmmədova icraçı direktoru olduğu CAFA təşkilatının gələcəkdə də bu kimi tədbirlərin keçirilməsini davam etdirəcəyini vurğulayıb.

Tədbir tanınmış tarzən Sahib Paşazadənin ifasında Azərbaycan musiqisindən nümunələr və Azərbaycan mətbəxinin ləziz təamlarını əks etdirən ziyafətlə davam edib.

Ölkə.Az

ŞƏRH YAZ
0
BAĞLA