Putinin azərbaycanlı dostu 500 milyonluq səhmlərini satdı — "Kreml siyahı”sı öz təsirini göstərir

Putinin azərbaycanlı dostu 500 milyonluq səhmlərini satdı
00:07
14.03.2018
4620
Dünya
A
Rusiyada yaşayan azərbaycanlı oliqarx-milyarder İlham Rəhimov gözlənilməz addım atıb.

“Ölkə.Az” Rusiya mətbuatına istinadən xəbər verir ki, Rusiya prezidentinin yaxın dostu olan iş adamı bu ölkədəki daşınmaz əmlak bazarından geri çəkilib. Belə ki, biznesmen "Kiyevskaya ploşad” şirkətlər qrupundakı payını başqa şəxsin adına keçirib. İ. Rəhimovun bu şirkətdəki səhmlərinin 500 milyon dollar dəyərində olduğu bildirilir.

Məlumata görə, səhmlərin yeni sahibi iş adamının Azərbaycanda qeydiyyatdan keçmiş "Fina” hüquq şirkətindəki tərəfdaşı olub.
Onun bu addımı atmasına səbəb isə ABŞ Maliyyə Nazirliyi tərəfindən yanvar ayında "Kreml siyahısı”nın açıqlanması olub. 

Xatırladaq ki, "Kreml siyahısı”na Kremlə yaxın məmurlarla yanaşı, bəzi oliqarxların da adı daxil edilib. Maraqlı məqam isə, həmin adlar arasında İ. Rəhimovun adının olmamasıdır.

Ölkə.Az

ŞƏRH YAZ
0

Gürcüstan parlamentində dava — VİDEO

Gürcüstan parlamentində dava
23:11
18.03.2019
587
Dünya
A
Gürcüstan parlamentində deputatların mübahisəsi əlbəyaxa dava ilə bitib.

“Ölkə.Az”ın “Sputnik-Gürcüstan”a istinadən məlumatına görə, hakim partiyanın nümayəndəsi İrakli Beraya və müxalifətçi Otar Kaxidze arasında mübahisə yaranıb. Daha sonra mübahisə deputatlar arasında dava ilə nəticələnib.

Parlamentin digər deputatları isə dava edən siyasətçiləri ayırmağa çalışıblar.

Ölkə.Az

ŞƏRH YAZ
0

Apellyasiya Məhkəməsi Koçaryana qarşı qərar çıxardı

Apellyasiya Məhkəməsi Koçaryana qarşı qərar çıxardı
21:24
18.03.2019
500
Dünya
A
Yerevanda Apellyasiya Məhkəməsi bu gün keçirdiyi iclasında Ermənistanın ikinci prezidenti Robert Koçaryanı zərərçəkmiş kimi tanımaqdan imtina edib.

“Ölkə.Az” xəbər verir ki, bu barədə “Sputnik Armenian” məlumat yayıb.

Xəbərə əsasən, söhbət Ermənistan Milli Təhlükəsizlik Xidmətinin rəhbəri Artur Vanetsyan və Xüsusi İstintaq Komitəsinin rəhbəri Susan Xaçatryan arasında baş tutan telefon danışığının dinlənilməsi faktı üzrə cinayət işindən gedir.

Apellyasiya Məhkəməsinin qərarını bu gün hakim Mqer Arqamanyan elan edib.

Qeyd edək ki, Vanetsyan və Xaçatryan 8 dəqiqəlik səs yazısında sabiq prezident Rober Koçaryanın həbsini, həmçinin Kollektiv Təhlükəsizlik Müqaviləsi Təşkilatının (KTMT) rəhbəri Yuri Xaçaturov və sabiq müdafiə naziri Mikael Arutyunyana qarşı cinayət işini müzakirə ediblər.

Ölkə.Az

ŞƏRH YAZ
0
BAĞLA