Putinlə Ərdoğanın Dağlıq Qarabağ danışığı nəticə verəcəkmi? — Politoloqların şərhi

Putinlə Ərdoğanın Dağlıq Qarabağ danışığı nəticə verəcəkmi?
23:43
06.11.2017
3250
Analitika
A
Türkiyə prezidenti Rəcəb Tayyib Ərdoğan il ərzində rusiyalı həmkarı Vladimir Putinlə bir neçə dəfə görüşüb, fikir mübadiləsi aparıb. Lakin hələlik danışıqlar nəticə verməyib. Bəs bu görüşdən sonra nələr baş verəcək?

Azərbaycanlı siyasətçilər məsələyə birmənalı yanaşmırlar. Politoloq Fikrət Sadıqov “Ölkə.Az”a açıqlamasında bildirib ki, növbəti görüş fərqlidir və bunun Azərbaycan üçün mühüm əhəmiyyəti var. Onun fikrincə, əgər iki güc dövlətinin rəhbəri razılığa gələrsə, problemin həll olunmasında irəliləyiş olacaq.

“Ərdoğan haqlıdır, Dağlıq Qarabağ probleminin həlli bir çox məqamlara görə Rusiyadan asılıdır. Lakin bu heç də o demək deyil ki, bəzi aparıcı dövlətlər kənarda dayanacaqlar. Amma reallıq odur ki, Putindən çox şey asılıdır. Ərdoğanla Putinin görüşü zamanı bu məsələ çox ciddi şəkildə müzakirə olunacaq. İlkin məlumatlara görə, söhbət 5 rayonun boşaldılmasından gedir. Əvəzində bölgədə sülhməramlılar yerləşdirilməlidir. Dağlıq Qarabağa müvəqqəti status verilməsi və s. məsələlər müzakirə olunacaq. Düşünürəm ki, Rusiya ilə Türkiyə arasında müəyyən razılıq əldə olunsa, bu Azərbaycan üçün böyük nəaliyyət ola bilər. Ərdoğan bizim maraqlarımızı müdafiə edərək, Putinlə danışıqlar aparır. Bu danışıqlardan çox şey gözləyirəm”, - deyə Fikrət Sadıqov bildirib.

Millət vəkili, politoloq Araz Əlizadə isə deyilənlərlə razı deyil. Deputat “Ölkə.Az”a açıqlamasında bildirib ki, bu görüş də digərləri kimi nəticəsiz qalacaq.

“Dağlıq Qarabağ münaqişəsinin həlli Putindən asılıdır. Qarabağ probleminin iki açarı var, biri Rusiyanın, digəri Azərbaycanın əlindədir. Putin heç vaxt Qarabağı Ərdoğana verməyəcək. Düşünürəm ki, onların danışığının heç bir nəticəsi olmayacaq. Biz heç kimdən sədəqə istəmirik. Dağlıq Qarabağı özümüz qaytarmalıyıq və torpaqlarımız qaytaracağıq”,  - deyə Araz Əlizadə bildirib.

Ziya Səccad
Ölkə.Az

ŞƏRH YAZ
1

"20 Yanvar faciəsini törədənlər cəzalandırılmalıdır" — Gürcü politoloq

00:33
18.01.2019
459
Analitika
A
"1990-cı ilin 20 yanvarında Azərbaycanda qanlı cinayət törədənlər mütləq cəzalandırılmalıdır".

"Ölkə.Az" report-a istinadən bildirir ki, bunu gürcü politoloq Tengiz Txilava jurnalistlərə açıqlamasında deyib.

O, bildirib ki, 20 Yanvar hadisəsi Azərbaycan xalqına dost və qardaş xalqlar üçün də faciəvi tarixdir: "Gürcüstan və Azərbaycan xalqları müstəqilik uğrunda mübarizə yolunda oxşar talelər yaşayıblar. Gürcüstanda da 1989-cu ilin aprelin 9-da eyni qanlı hadisə törədildi. Xatırlayıram ki, Tbilisidə baş verən faciədən sonra Azərbaycandan nümayəndə heyətləri Gürcüstana gələrək, gürcü xalqına dəstəyini ifadə etdi".

T.Txilava qeyd edib ki, Bakıda 20 Yanvar faciəsi baş verəndən sonra Gürcüstan da dost Azərbaycan xalqına dəstək bildirib: “O zaman mən Gürcüstanda deyildim. Lakin bir çox dostlarım və tanışlarım Azərbaycan xalqına dəstək vermək üçün Bakıya getmişdilər. Şəhidlərin doğmaları və yaxınlarına başsağlığı verirəm. 20 Yanvar faciəsi Azərbaycan xalqının yaddaşından heç vaxt silinməyəcək”.

Ölkə.Az

ŞƏRH YAZ
0

Ekspert: Azərbaycan Prezidenti ilə vətəndaşların canlı təmaslarına müasir dövlət idarəçiliyi sistemində böyük önəm verilir

Ekspert: Azərbaycan Prezidenti ilə vətəndaşların canlı təmaslarına müasir dövlət idarəçiliyi sistemində böyük önəm verilir
21:13
14.01.2019
399
Analitika
A
Azərbaycan dövlətinin sosial siyasətinin dönməz, fasiləsiz və bütün ölkə boyu xarakter daşıdığını Prezident İlham Əliyevin iştirakı ilə Bakının Qaradağ rayonunun Qobustan qəsəbəsində Səhiyyə Nazirliyinin yeni inşa olunan 17 saylı birləşmiş şəhər xəstəxanasının açılışı bir daha göstərdi.

Ölkə.Az" bildirir ki, bunu trend-ə açıqlamasında "Bakı xəbər" qəzetinin baş redaktoru, siyasi ekspert Aydın Quliyev deyib.

Onun sözlərinə görə, xəstəxana kollektivi ilə Prezidentin və birinci xanımın görüşü və orada dövlət başçısının çıxışı ümumiləşdirmələr aparmağa, bir neçə maraqlı nəticələr çıxarmağa əsas verdi:

"Hər şeydən əvvəl ölkə başçısı bölgələrə mütəmadi səfərlər zamanı vətəndaşlara verdiyi sözləri əməli olaraq sonadək tam icra etdiyini, özünün iş normalarından birinə çevirdiyini nümayiş etdirdi. Yəqin ki, Azərbaycanda çoxları bilmirdi ki, Qaradağa sonuncudan əvvəlki səfərdə Prezident yerli sakinlərə sosial obyektlərin tikintisi ilə bağlı hansı vədləri vermişdi. Ancaq hamı gördü ki, Prezident vətəndaşlarla işgüzar ünsiyyətlərində də öz sözünü sonadək, tam şəkildə icra edir və buna xalq qarşısında yüksək borc kimi baxır. Dövlət başçısı ilə yerlərdə vətəndaşların canlı təmaslarına müasir Azərbaycan dövlət idarəçiliyi sistemində böyük önəm verildiyini Qaradağ rayonundakı açılış mərasimlərində bir daha gördük. Dövlət başçısı bir daha insanları canlı təmaslara dəvət etdi və bu canlı təmasların daha səmərəli idarəçilik üçün nə qədər əhəmiyyətli olduğunu çox sadə dildə onlara izah etdi. "Əgər o vaxt mənim qarşımda bu məsələ qaldırılmasaydı, bəlkə də indi bu xəstəxana da tikilməyəcəkdi", - deməklə Prezident-xalq ünsiyyətinin həm yenilməz güc mənbəyi olduğunu, həm də problemlərin həllinin əsas şərti olduğunu ifadə etdi".

Ekspert qeyd edib ki, Prezident bununla həm də cəmiyyətlə canlı təmaslar üçün öz qarşısında hər hansı manəe görmədiyini və bunu vacib hesab etdiyini bildirdi:

"Şübhə yoxdur ki, Prezidentin Qaradağ sakinləri ilə səmimi söhbəti bundan sonra insanları dövlət başçısı ilə işgüzar müstəvidə daha fəal olmağa ruhlandıracaq ki, bu da səmərəli dövlət idarəçiliyi üçün çox vacibdir. Azərbaycan dövləti üçün insanların sağlamlığının əsas strateji hədəflərdən biri olduğuna bir daha əmin olduq. Hər il azı 5 milyon insanın pulsuz tibbi müayinədən keçirildiyini bildirən cənab İlham Əliyev dünyanın nadir ölkələrinin bu yolla getdiyini dedi".

A.Quliyev əlavə edib ki, Qaradağda xəstəxana kollektivi ilə işgüzar və səmimi söhbət Azərbaycan Prezidentinin xalqa növbəti hesabat addımı kimi də dəyərlidir: "İndi hər kəsə yəqindir ki, dövlət başçısı bölgələrə səfərlərinə regionların sosial-iqtisadi mənzərəsini real olaraq dəyişən hadisə kimi baxır və bu imkandan dövlət mənafeyi üçün maksimum istifadə etməyə çalışır. O da dəqiqdir ki, Prezident bölgə səfərlərində insanların hər bir təşəbbüsünə xüsusi önəm verir, xalqın qaldırdığı hər bir məsələni necə və nə vaxt icra edəcəyi barədə özü üçün fəaliyyət planı işləyir. Hər dəfə Prezidentin müxtəlif bölgə sakinləri ilə görüşlərə həvəslə və inamlı getməsinin səbəbi budur. İlham Əliyev verdiyi sözlərin ağası olduğu üçün xalqla canlı ünsiyyətlərdən çəkinmir və belə ünsiyyətlərin təsir gücünə mühüm önəm verir".

Ölkə.Az

ŞƏRH YAZ
0
BAĞLA