Putinlə Ərdoğanın görüşəcəyi gün məlum oldu

"Ölkə.Az" xəbər verir ki, bu barədə Ərdoğan “A News” telekanalına açıqlamasında bildirib. Onun sözlərinə görə, görüş mayın 3-də Moskvada keçiriləcək. İki ölkənin görüşü Rusiya rəhbəri Putinin təşəbbüsü ilə olacaq.

Görüş zamanı Türkiyə və Rusiya əlaqələri müzakirə olunacaq. Suriya məsələsi, terrorla mübarizədə əməkdaşlıq, siyasi və iqtisadi münasibətlər barədə danışıqlar aparılacaq”, - deyə Ərdoğan bildirib.

Qeyd edək ki, aprelin 18-də Rusiya prezidenti Vladimir Putin Türkiyə prezidenti Rəcəb Tayyib Ərdoğana zəng vurub. Putin Türkiyə Respublikası Konstitusiyasına dəyişikliklər edilməsi ilə bağlı referendumun uğurla keçirilməsi münasibətilə Ərdoğanı təbrik edib. Bundan başqa, iki dövlətin başçısı Suriya məsələsi bağlı müzakirələr aparıblar. Onlar Suriyanın İdlib vilayətində kimyəvi silahdan istifadənin dəqiq və qərəzsiz araşdırılması zəruriliyini qeyd ediblər.   

Ziya Saccad
Ölkə.az