Putinlə Netanyahu arasında "İL-20" ilə bağlı telefon danışığı — Təyyarə niyə vurulub?

Putinlə Netanyahu arasında
00:35
19.09.2018
1901
Dünya
A
İsrailin baş naziri Benyamin Netanyahu ilə Rusiya prezidenti Vladimir Putin arasında telefon danışığı olub.

“Ölkə.Az” Rusiya mətbuatına istinadən xəbər verir ki, danışıq mövzusu Suriyada Rusiyaya məxsus kəşfiyyatçı təyyarəsi İL-20-nin vurulması olub. 

Məlumata görə, Netanyahu Suriyada təhlükəsizlik məqsədilə hərbi əməliyyatlar zamanı koordinasiyanın vacibliyindən danışıb.

Baş nazir Putinə İsrailin hadisənin araşdırılması üçün zəruri məlumatları qarşı tərəfə təqdim etməyə hazır olduğunu deyib.

Putin Netanyahu ilə telefon söhbəti zamanı hadisənin təhlükəli insidentlərin qarşısının alınmasına dair Rusiya-İsrail anlaşmalarına riayət olunmaması üzündən baş verdiyini bildirib. 

Rusiya prezidenti İsrail tərəfini gələcəkdə bu cür hallara yol verməməyə çağırıb. 

Ölkə.Az

ŞƏRH YAZ
0

Gürcüstanda prezidentlik uğrunda 25 namizəd mübarizə aparacaq

Gürcüstanda prezidentlik uğrunda 25 namizəd mübarizə aparacaq
23:33
16.10.2018
214
Dünya
A
Gürcüstanda prezidentliyə namizədliyin geri götürülməsi ilə bağlı müddət başa çatıb.

"Ölkə.Az" report-a istinadla xəbər verir ki, bunu Gürcüstanın Mərkəzi Seçki Komissiyasının mətbuat katibi Ana Mikeladze deyib.

O bildirib ki, qeydiyyata alınmış 25 namizədin heç biri namizədliyinin geri götürülməsi ilə bağlı müraciət etməyib:

“Buna müvafiq olaraq, seçki bülleteninə 25 namizədin hamısı daxil ediləcək”.

Gürcüstanda prezident seçkiləri oktyabrın 28-də keçiriləcək. 25 namizədin 19-u siyasi partiya, 6-sı isə təşəbbüs qrupu tərəfindən irəli sürülüb.

Bundan əvvəl Gürcüstan prezidentliyinə müstəqil namizəd Salome Zurabişvilinin təşviqat materiallarının daşındığı yük maşınında yanğın baş verdiyi bildirilmişdi.

Ölkə.Az

ŞƏRH YAZ
0

Ermənistan prezidenti hökumətin istefasını qəbul etdi

Ermənistan prezidenti hökumətin istefasını qəbul etdi
22:48
16.10.2018
393
Dünya
A
Ermənistan prezidenti Armen Sarkisyan yerli hökumətin istefasını qəbul edib.

"Ölkə.Az" RİA Novosti-yə istinadən xəbər verir ki, bu barədə prezidentin mətbuat xidməti məlumat yayıb.

"Ermənistan hökumətinin istefası qəbul olundu", - deyə prezidentin saytına yerləşdirilən məlumatda qeyd olunub.

Qeyd edək ki, bir müddət öncə ölkənin baş naziri Nikol Paşinyan parlamentin buraxılmasından ötrü rəsmi səbəb yaratmaq üçün öz postunu tərk etmişdi. Buna baxmayaraq o, Nazirlər Kabinetinin rəhbəri vəzifəsini davam etdirəcək.

Ölkə.Az

ŞƏRH YAZ
0
BAĞLA