Qabarlardan necə xilas olmaq olar?

Qabarlardan necə xilas olmaq olar?
20:57
12.01.2018
5011
Maraqlı
A
İnsanları ən çox narahat edən məsələlərdən biri də əllərdə və ayaqlarda olan qabarlar, çatlamalardır. Qabaqlar ən çox əl və ayaqlarda olur. Qabarlara toxunanda insanı ağrıdır. Küçədə gedərkən ayaqqabı qabarlı ayağa ağlasığmaz ağrılar verir. Bu zaman insan normal hərəkət edə bilmir.

Bəs qabarlardan necə xilas etmək olar?

“Ölkə.Az” xəbər verir ki, bunun üçün ev şəraitində qabarları müalicə etmək mümkündür. Qabarlara yaxşı təsir edən epsom duzudur. Bunun üçün epsom duzunu isti suda həll etmək lazımdır. Daha sonra təmiz tənzifi duzlu suya batırıb, qabarların üstünə sürtmək olar. Bundan sonra yumşalan qabarları ehmalca ovaraq təmizləyib, duzlu suya batırılan tənziflə bağlamaq mütləqdir. Bir litr isti suya 4 xorək qaşığı epsom duzu qatırlar.

Əgər qabarlar daha sərtdirsə, o zaman epsom duzu həll edilmiş isti su ilə ayaqları yumaq lazımdır. İmkan daxilində ayaqları bu suda saxlamaq xeyirlidir. Tam təsir etməsi üçün bunu 3 həftə hər gün etmək olar.

Digər vasitələrdən biri də alma sirkəsidir. Tənzifi alma sirkəsinə batıraraq ayaqları silmək və sirkəyə batırılmış pambıqla qabarı bağlamaq olar. Bu üsul ilə müalicə bir həftə, yaxud daha uzun sürə bilər.

Qabarların müalicəsi üçün banan qabığından da istifadə etmək xeyirli üsullardandır. Bunun üçün bananın qabığını qabarlar olan yerə qoymaq və onu bağlamaq gərəkir. Yaxud da, banan qabığını qabarların üstünə ovmaq olar.

Daha sonra tənzif ilə bağlayıb, corab geyinmək lazımdır.

Ziya Səccad
Ölkə.Az

ŞƏRH YAZ
0

Kiçik ölçülü nüvə reaktoru hazırlanır — Yeni tədqiqatlar aparılacaq

Kiçik ölçülü nüvə reaktoru hazırlanır
22:52
19.01.2018
5201
Maraqlı
A
NASA və ABŞ Energetika Nazirliyi kiçik ölçülü nüvə reaktoru hazırlayırlar.

"Ölkə.Az" xəbər verir ki, reaktordan kosmik məkanın araşdırılması və ya Ay və Marsın öyrənilməsi üçün istifadə oluna bilər. Qurğunun növbəti sınağı martda Nevada səhrasında keçiriləcək.

"Kilopower" adlandırılan reaktorun gücü 1-dən 10 kVt-dək olacaq və 10 il istifadə ediləcək.

Kosmik qurumun mütəxəssislərinin qiymətləndirməsinə əsasən, bununla iki fərdi yaşayış evini enerji ilə təmin etmək olar.

Ölkə.Az

ŞƏRH YAZ
0

Adnan Oktar və “kediciklər”i Türkiyədə etirazlara səbəb oldu — Aidiyyəti qurum isə “qarışmırıq” deyir

Adnan Oktar və “kediciklər”i Türkiyədə etirazlara səbəb oldu
22:05
19.01.2018
4320
Maraqlı
A
Özünə məxsus “A9TV” kanalında daim şou-verilişlərilə gündəmdə qalmağı bacaran və çılpaq qadınları ilə məşhur olan Adnan Oktar Türkiyədə böyük etirazlara səbəb olub.

“Ölkə.Az” xəbər verir ki, cəmi iki ay ərzində “Adnan Oktar ilə söhbətlər” verilişinə görə Türkiyə Radio və Televiziya Şurasına 444 şikayət daxil olub. Buna baxmayaraq, şura kanalın fəaliyyətinə qarşı çıxmayıb və onları cəzalandırmayıb.

Şikayətlər Adnan Oktarın din, irq, siyasi və cinsi ayrı-seçkiliyə yol verməsindən, gəncləri seksə dəvət etməsindən, əxlaqsızlığı təbliğ etməsindən və s. səbəblərdən edilib. Türkiyə Radio və Televiziya Şurası isə açıqlama verib ki, onların xətti ilə yayımlanan “A9TV” kanalı mövcud qanunvericiliyi pozmur və pis vərdişləri təbliğ etmir.

Sonradan aparılan araşdırmalar zamanı məlum olub k, “kedicik”ləri soyunduraraq, efirdə oynadan A.Oktar bu görüntüləri yalnız “YouTube” video portalı və sosial şəbəkələr vasitəsilə yayımlayır. Görüntülərə  “A9TV” loqosu vurduqlarına görə isə izləyicilər düşünür ki, telekanalda yayımlanan verilişdən götürülüb. Əslində isə Türkiyə Radio və Televiziya Şurasının nəzarət etdiyi kanalda belə abırsız görüntülər yayımlanmır.

Türkiyə Radio və Televiziya Şurası bildirib ki, onlar təkcə öz xətlərilə yayımlanan kanalların efirlərinə nəzarət edə bilirlər, internet üzərindən yayımlanan verilişlərə isə qarışa bilmirlər.

Ölkə.Az

ŞƏRH YAZ
1
BAĞLA