Qaçqın düşərgəsindən Hollivuda uzanan yol
"Ölkə.Az" xəbər verir ki, 24 yaşlı Vivyan artıq Hollivudda da məşhurdur.
Körfəz müharibəsindən sonra 1991-ci ildə İraqın şimalındakı evləri dağılan Vivyanın ailəsi Suriyada qaçqın düşərgəsinə sığınır. Ailə 1995-ci ildə Yeni Zellandiya tərəfindən miqrant kimi qəbul edilir. Vivyan kiçik yaşlarından musiqiyə maraq göstərir.
15-16 yaşı olanda Yeni Zellandiyanın baş nazirinin də iştirak etdiyi bir tədbirdə mahnı oxuyaraq marağa səbəb olub. Bu ilin fevral ayında isə təhsil aldığı universiteti də ataraq musiqi karyerası üçün ABŞ-ın Los-Anceles şəhərinə köçüb. Vivyan mühəndislik fakultəsinin tələbəsi idi. Artıq iraqlı gözəlin səsi musiqi şirkətlərinin diqqətini çəkib.
"Paramount Pictures" tərəfindən çəkilən "Atalar savaşır-2" filmindəki mahnı böyük marağa səbəb olub.
Hikmət Həsənov
Ölkə.Az
