Qadın alverçisi həbs edildi

Qadın alverçisi həbs edildi
19:03
12.02.2018
1718
Hadisə
A
Azərbaycanlı qadınları Türkiyədə cinsi istismara məruz qoymaqda təqsirli bilinən şəxsin tutulması üçün əməliyyat keçirilib.

“Ölkə.Az”ın məlumatına görə, İnsan Alverinə qarşı Mübarizə Baş İdarəsinin əməkdaşları əməliyyat-axtarış tədbirləri nəticəsində Mingəçevir şəhər sakini, 1978-ci il təvəllüdlü Namiq Şaməmmədov həbs edib.

İstintaq zamanı məlum olub ki, o, 10-a yaxın azərbaycanlı qadını xadimə və digər işlərdə işləmək adı ilə Türkiyəyə aparıb. Orada həmin qadınları dəstənin digər üzvlərinə verib.

Dəstə üzvləri qadınların ümunmvətəndaşlıq pasportlarını əllərindən alıb, onları otel və kirayələrdə kişi müştərilərlə görüşdürüb. Azərbaycana qayıdan zərərçəkmiş qadınlar Namiq Şaməmmədovdan İnsan Alveri İdarəsinə şikayət ediblər.

Şikayət əsasında Namiq Şaməmmədov həbs edilib.

Məlumata görə, Namiq Şaməmmədov həmin qadınlarla sosial şəbəkədə tanış olub. Qadınlarla münasibət quran Namiq onların ailə vəziyyətini öyrənib.

Qadın tanışlara qazanc əldə etmək təklifi verib, Türkiyədə varlı iş adamları ilə əlaqələri olduğunu bildirib.

Bu yolla Namiq Şaməmmədov qadınları aldadaraq mütəşəkkil dəstənin digər üzvlərinə verməyi bacarıb.

Faktla bağlı araşdırma davam etdirilir.

ŞƏRH YAZ
0

19 yaşlı ana doğuş zamanı ölüb — Kürdəmirdə

19 yaşlı ana doğuş zamanı ölüb
00:01
Bu gün
2861
Hadisə
A
Kürdəmir rayonunda doğuş zamanı ölüm hadisəsi baş verib.

“Ölkə.Az”ın “Report”a istinadən məlumatına görə, rayonun 19 yaşlı Carlı kənd sakini Nuranə Sədrəddin qızı Novruzova bu gün saat 14:00 radələrində doğuş sancıları ilə Kürdəmir Rayon Mərkəzi Xəstəxanasının (RMX) Doğuş şöbəsinə yerləşdirilib.

Saat 16:30-da isə doğuş baş tutub və ana 3,4 kq-lıq oğlan uşağı dünyaya gətirib. Doğuşdan təqribən 15-20 dəqiqə sonra anada boğulma halı baş verib. Həkimlər onu reanimasiya etmək istəsələr də, Nuranənin həyatını xilas etmək mümkün olmayıb.

Hadisənin hansı səbəbdən baş verməsi ekspertin rəyindən sonra aydın olacaq.

Kürdəmir RMX-nin baş həkimi Eynulla Novruzov "Report"a bildirib ki, Nuranə xəstəxanaya daxil olarkən səhhəti normal olub və doğuş normal həyata keçirilib.

Yeni doğulan körpənin vəziyyəti normaldır. Son 26 ildə Kürdəmir RMX-da ana ölümü baş verməyib.

Faktla bağlı Kürdəmir Rayon Prokurorluğunda araşdırma aparılır.

Ölkə.Az

ŞƏRH YAZ
1

Əri ilə mübahisə etdi, baltayla vurub öldürdü...

Əri ilə mübahisə etdi, baltayla vurub öldürdü...
23:33
21.02.2019
2136
Hadisə
A
Bu gün Bakı Ağır Cinayətlər Məhkəməsində ərini öldürməkdə təqsirləndirilən 1994-cü il təvəllüdlü Tünzalə Vəliyevanın cinayət işi üzrə məhkəmə iclası davam etdirilib.

“Ölkə.Az”ın Trend-ə istinadən məlumatına görə, hakim Ənvər Seyidovun sədrliyi ilə keçirilən prosesdə məhkəmə istintaqı başa çatıb və prokuror təqsirləndirilən şəxsə cəza istəyib.

Dövlət ittihamçısı qadının 17 il azadlıqdan məhrum edilməsini istəyib.

Məhkəmənin növbəti iclası fevralın 28-nə təyin edilib.

İttihama görə, 2017-ci ilin noyabr ayında Sabunçu qəsəbəsinin Əbdülkərim Əlizadə küçəsində yaşayan Vəliyev Nazim Fəxrəddin oğlu həyat yoldaşı T.Vəliyeva ilə ailə münaqişəsi zəminində mübahisə edib.

Qadın onun baş nahiyəsinə balta ilə zərbə endirib, nəticədə N.Vəliyev ölüb.

Hadisəni törədən qadın Sabunçu rayon Polis İdarəsinin 12-ci polis bölməsinin əməkdaşları tərəfindən saxlanılıb.

Məlumata görə, hadisə baş verən zaman N.Vəliyev sərxoş olub. Son vaxtlar ailədə hər gün münaqişə olurmuş və N.Vəliyev evə içkili vəziyyətdə gələrək həyat yoldaşını döyürmüş. O, fəhləliklə məşğul olub.

Xatırladaq ki, ər və arvadın birgə nikahdan iki övladı var.

Ölkə.Az

ŞƏRH YAZ
0
BAĞLA