Qadın güləşçimiz dünya çempionatında qızıl medal qazandı

Qadın güləşçimiz dünya çempionatında qızıl medal qazandı
20:29
17.05.2018
1196
İdman
A
Azərbaycan idmançısı Moskva şəhərində keçirilən hərbçilər arasında güləş üzrə 33-cü dünya çempionatının üçüncü günündə qızıl medal qazanıb.

"Ölkə.Az"ın "Report"a istinadən məlumatına görə, Rusiya Federasiyası Mərkəzi Ordu İdman Klubunun idman zalında keçirilən çempionatda güləşin sərbəst növündə qadınlar arasında 65 kiloqram çəki dərəcəsində ölkəmizi təmsil edən Ceyla Nağızadə ardıcıl olaraq Monqolustan və Qazaxıstan idmançılarına qalib gələrək dünya çempionu adına layiq görülüb.

Güləşin yunan-Roma növü üzrə yarışlarda 60 kiloqram çəki dərəcəsində mübarizə aparan idmançımız Murad Məmmədov əvvəlcə macar rəqibi B.Kovaça, sonra isə ermənistanlı güləşçi A.Manuçaryana qalib gələrək finala yüksəlib.

Digər təmsilçimiz 72 kiloqram çəki dərəcəsində çıxış edən Ülvi Qənizadə Qazaxıstan idmançısı İbrahim Maqomedov və Ermənistan güləşçisi Armen Hakopyana qalib gələrək finala çıxıb.

Hər iki güləşçimizin final qarşılaşması mayın 18-də keçiriləcək.

Ölkə.Az

ŞƏRH YAZ
1

“Arsenal” 22 oyundan sonra uduzdu — VİDEO

“Arsenal” 22 oyundan sonra uduzdu
22:33
16.12.2018
1142
İdman
A
İngiltərə Premyer Liqasında 17-ci turun oyunları davam edir.

“Ölkə.Az” xəbər verir ki, “Arsenal” səfərdə “Sauthempton”un qonağı olub. Gərgin keçən matç ev sahiblərinin 3-2 hesablı qələbəsi ilə yekunlaşıb.

“Sauthempton” 3-2 “Arsenal”

Qollar: Henrix Mxitaryan (28 və 53);  Dani İnqs (20, 44), Çarli Austin (85)

Bununla da “Arsenal”ın 22 oyunluq məğlubedilməzlik seriyasına son qoyulub.

Qeyd edək ki, “Çelsi” hazırda 37 xalla 4-cü, 3 xal az toplayan “Arsenal” isə 5-cidir. Turnir cədvəlinə 44 xalla “Mançester Siti” başçılıq edir. Liderdən 1 oyun az keçirən “Liverpul”un 42 xalı var və 2-ci sırada qərarlaşıb. İlk üçlüyü 39 xalla “Tottenhem” tamamlayır.

Ölkə.Az

ŞƏRH YAZ
0

“Qəbələ” “Sabah”dan üstün oldu

“Qəbələ” “Sabah”dan üstün oldu
17:44
16.12.2018
2387
İdman
A
Bu gün Azərbaycan kubokunun ¼ final mərhələsinin daha bir oyunu keçirilib.

“Ölkə.Az” xəbər verir ki, Qəbələ şəhər stadionunda eyni adlı klub debütant “Sabah”ı qəbul edib. Görüş meydan sahibi “Qəbələ”nin minimal hesabla qələbəsi ilə başa çatıb (1:0).

“Qəbələ” 1-0 “Sabah”

Qol: 45- Filip İvanoviç (avtoqol)

Qeyd edək ki, ¼ final mərhələsinə saat 19-da oynanılacaq “Qarabağ” – “Keşlə” oyunu ilə yekun vurulacaq.

Xatırladaq ki, dörddəbir final mərhələsinə dekabrın 15-də start verilib. “Zirə” doğma meydanda “Səbail”i (1:0), “Sumqayıt” isə səfərdə “Neftçi”ni məğlub edib (0:2).

Ölkə.Az

ŞƏRH YAZ
0
BAĞLA