Qadın güləşçimiz olimpiadaya vəsiqə qazandı

Qadın güləşçimiz olimpiadaya vəsiqə qazandı
21:23
16.05.2018
1356
İdman
A
Makedoniyanın Skopje şəhərində yeniyetmə güləşçilər arasında Avropa çempionatı davam edir.

"Ölkə.Az" Azərbaycan Güləş Federasiyasının saytına istinadən xəbər verir ki, üçüncü yarış günündə 43, 49, 57, 65 və 73 kq çəki dərəcələrində yeniyetmə qızlar yarışıb. Bu çəkilərdə finala yüksələn idmançılar və 1 nəfər üçüncü yerin sahibi (hər çəkidə 3 nəfər olmaqla) Argentinanın Buenos-Ayres şəhərində keçiriləcək yeniyetmələrin III Olimpiya Oyunlarına lisenziyanı da təmin etmiş olacaq.

Yığmamız 4 çəkidə idmançı ilə təmsil olunub.

Güləşçilərimizdən Şahanə Nəzərova (43 kq) ardıcıl olaraq Bolqarıstan və Fransa, Nigar Mirzəzadə (65 kq) isə Latviya və Belarus idmançılarını məğlub edərək yarımfinala yüksəlib. Yarımfinalda Rusiya idmançısına da heç bir şans verməyən Şahanə həm çempionatın finalına yüksəlib, həm də Olimpiya Oyunlarına vəsiqə qazanıb. Nigar Mirzəzadə isə yarımfinalda uduzduğundan bürünc medal uğrunda görüşə çıxacaq.

Final görüşləri Bakı vaxtı ilə mayın 17-si saat 20:00-da başlayacaq.

43 kq
FİNAL - Valeriya Kapustsina (BLR) - Şahanə Nəzərova 
1/2 final - Luçana Bekbaulova (RUS) - Şahanə Nəzərova 0:5
1/4 final - Justine Viqurox (FRA) - Şahanə Nəzərova 0:10
1/8 final - Şahanə Nəzərova - İrena Binkova (BUL) 10:0 (15 san.)

49 kq
1/4 final - Sevinc Əhədova - Roza Szenttamasi (HUN) 4:4*
1/8 final - Maria Ramos Diaz (ESP) - Sevinc Əhədova 0:10 (36 san.)

57 kq
1/4 final - Elnurə Məmmədova - Anastasia Blayvas (GER) 0:4
1/8 final - Elnurə Məmmədova - Zsofia Agoston Palko (ROU) 7:0

65 kq 
Bürünc medal görüşü - Nigar Mirzəzadə 
1/2 final - Nigar Mirzəzadə - Noemi Szabados (HUN) 0:4
1/4 final - Nigar Mirzəzadə - Tatyana Malışitskaya (BLR) 7:2
1/8 final - Elina Ziedina (LAT) - Nigar Mirzəzadə 2:2*

Xatırladaq ki, Avropa çempionatı oktyabrın 12-14-də Argentinanın Buenos-Ayres şəhərində keçiriləcək yeniyetmələrin III Olimpiya Oyunlarına lisenziya xarakteri daşıyır. Belə ki, yunan-Roma güləşi üzrə 45, 51, 60, 71 və 92 kq, sərbəst güləş üzrə 48, 55, 65, 80 və 110 kq çəkidə çempion olacaq güləşçilər, qadın güləşi üzrə isə 43, 49, 57, 65 və 73 kq hər çəkidə üç nəfər olmaqla finalçılar və bir nəfər üçüncü yerin sahibi Olimpiya Oyunlarına birbaşa vəsiqə qazanacaq. Reqlamentə əsasən, qazanılmış lisenziyaların sayından asılı olmayaraq, hər bir ölkə hər bir güləş növü üzrə maksimum 2 idmançı ilə təmsil oluna bilər.

Ölkə.Az

ŞƏRH YAZ
0

Azərbaycan UEFA reytinqində neçənci yerdədir?

Azərbaycan UEFA reytinqində neçənci yerdədir?
22:13
Bu gün
41
İdman
A
“Real”la “Liverpul” komandaları arasında keçirilmiş Çempionlar Liqasının final matçından sonra UEFA reytinqinin yekun siyahısı bəlli olub.

"Ölkə.Az" xəbər verir ki, finalda “Liverpool” komandasına 3:1 hesabı ilə qalib qələn “Real Madrid” İspaniyanın xal hesabını 106.712 çatdıraraq siyahıya başçılıq edir. İngiltərə ikinci, İtaliya üçüncü, Almaniya dördüncü, Fransa isə ilk “beşlik”də qərarlaşıblar.

Azərbaycan isə son 5 ilin nəticələrinə görə 23-cü yerdədir. Klublarımız bu müddətdə 19,125 xal toplayıb.

Ölkə.Az

ŞƏRH YAZ
0

Azərbaycanın U-20 yığması Makedoniyaya uduzdu

Azərbaycanın U-20 yığması Makedoniyaya uduzdu
21:10
Bu gün
173
İdman
A
Bu gün 20 yaşadək futbolçulardan ibarət Azərbaycan milli komandası növbəti matçını keçirib.

"Ölkə.Az"ın məlumatına görə, Rəşad Sadıqovun baş məşqçisi olduğu yığmamız Makedoniya ilə görüşüb. Bu, komandalar arasında ikinci qarşılaşma olub. Üç gün öncə qollu bərabərliklə (1:1) ayrılan rəqiblərin bu dəfəki duelinin taleyini bir top həll edib.

Anton Krivotsyukun avtoqolu balkanlılara qələbə qazandırıb. Millimiz məğlubiyyətdən qaçmaq imkanı qazansa da, Fərid Nəbiyev penaltidən yararlana bilməyib. Bu, yığmamızın Bakıda keçirdiyi son üç matçda 2-ci məğlubiyyətidir. Komandamız Makedoniya ilə matçlardan öncə Gürcüstana da uduzmuşdu – 1:2.

Yoldaşlıq oyunu

27 may

Azərbaycan (U-20) – Makedoniya (U-20) - 0:1

Qol: Anton Krivotsyuk, 25-öz qapısına

Fərid Nəbiyev 80-ci dəqiqədə penaltidən yararlana bilməyib.

Baş hakim: Orxan Məmmədov

“Dalğa Arena”

Ölkə.Az

ŞƏRH YAZ
0
BAĞLA