"Qadın özü boğulurdu, amma, körpəni özündən yuxarıda tutmuşdu" — Xilaskar polis dəhşətli qəzanın TƏFƏRRÜATINI DANIŞIR

15:59
19.02.2018
20330
Ölkə
A
"Biz həmin hadisə zamanı vəzifə borcumuzu yerinə yetirmişik. Qadını və körpəsini xilas etməyimiz qəhrəmanlıq deyil"

Ötən gün Bakı-Qazax yolunun 259-cu kilometrliyində - Ağdaş rayonu Aşağı Ləki kəndindən keçən hissəsində baş vermiş avtomobil qəzası zamanı ana və altı aylıq körpəsini xilas etmiş YPX əməkdaşı Ruslan Həsənov "Ölkə.Az"a açıqlama verib. R.Həsənov bildirib ki, etdikləri onların vəzifə borcudur:

R.Həsənov baş vermiş hadisənin təfərrüatını danışıb:

"Saat yeddinin yarısıydı, Bakı istiqamətinə hərəkətdəydik. Bakı-Qazax yolunun 259-cu kilometrliyinə çatanda qarşıdan gələn "Mercedes" markalı maşın idarəetməni itirərək, yoldan çıxıb kanala düşdü. Dərhal avtomobili saxlayıb yol arakəsməsini keçib özümüzü hadisə baş verən yerə çatdırdıq. Biz çatanda gördük ki, maşın arxası üstə çevrilib. Paltarlarımızı çıxarıb özümüzü suya atdıq. Maşının qapısını birtəhər açanda gördük ki, körpə səsi gəlir. Gördük ki, ana boğulur, amma körpəni özündən yuxarıda saxlayıb ki, o boğulmasın. Tez uşağı çıxartdıq, amma, səsi gəlmirdi. Silkələdik, başladı ağlamağa. Bu müdət ərzində yol kənarında daha bir maşın dayanmışdı. Xidmət yoldaşım  Natiq Hüseynov uşağı tez kanalın kənarına apardı. Oradakı bir qadın paltarından cırıb uşağı bələdi ki ölməsin. Çünki çox soyuq idi. Mən də qapını tam aralayıb qadını çıxartdım. Natiq qayıdıb gələndən sonra qadını maşından düşürüb ona verdim, qadını da kanalın qırağına apardı". 

R.Həsənov bildirib ki, hətta həyatını təhlükəyə atmaq bahasına olsa belə, hər zaman vətəndaşları çətin vəziyyətdən xilas etməyə hazırdır:
"Allaha and olsun, yenə oxşar hadisə olsa, yenə də eyni addımı atardım. Təəssüf ki, oğlanı xilas edə bilmədik. Amma inanın ki, onu da xilas etməyə cəhd etdik. Çünki maşının sürücü tərəfi əzilmişdi deyə, sıxışıb qalmışdı". 
 

Qeyd edək ki, Bakı sakini, 1990-cı il təvəllüdlü Hümbətzadə Oruc Mehbalı oğlunun idarə etdiyi "Mercedes" markalı avtomobil idarəetmədən çıxaraq su kanalına düşüb.

"Ucnoqta.az"-ın əldə etdiyi məlumata görə, ana və azyaşlı uşağı yol polisi əməkdaşları xilas edib. Belə ki, axşam saat 18:30 radələrində 99 YP 882 dövlət nömrə nişanlı patrul avtomobili ilə xidmət aparan Ruslan Həsənov və Natiq Hüseynov Bakıdan Gəncə istiqamətinə hərəkət edərkən idarəetməni itirərək təxminən yoldan 40-50 metr aralıda su kanalına düşən “Mercedes” markalı avtomobili görüblər. Bakı istiqamətində hərəkətdə olduqları üçün tez avtomobili saxlayaraq yolun ayırıcı dəmir hissələrindən keçən inspektorlar hadisə yerinə qaçıblar. Təxminən 19-20 yaşlarında bir qadın və qucağındakı 6 aylıq körpəsinin kanala düşən avtomobilin içində köməksiz vəziyyətdə qaldığının şahidi olan YPX əməkdaşları tez kanala girərək avtomobilin qapısını açıb və qadınla uşağı xilas ediblər. Qadın boğulmaq üzrə imiş. Körpəsini isə yuxarı qaldıraraq boğulmaqdan xilas edən ananı son anda yol polisləri maşından çıxara biliblər.

Yenidən hadisə yerinə qayıdan polislər sol yanı üstə düşmüş və yarıyadək lilə batmış avtomobildə qalan sürücünün boğularaq öldüyünü görüblər.

YPX əməkdaşları körpə və anasını təcili olaraq başqa bir avtomobilə əyləşdirərək xəstəxanaya çatdırılmasını təmin ediblər. Nəticədə ana və uşaq salamat qalıb.

Hazırda faktla bağlı araşdırma aparılır.

Qeyd edək ki, ana və qızını xilas edən yol polisi əməkdaşları Baş Dövlət Yol Polisi İdarəsinin Yol-Patrul Xidməti Alayının 8-cı tağımının əməkdaşlarıdır.

İntiqam VALEHOĞLU
Ölkə.Az

ŞƏRH YAZ
2

Bakıda eyvanlardan paltar asmaq qadağan edildi

Bakıda eyvanlardan paltar asmaq qadağan edildi
00:59
Bu gün
1748
Ölkə
A
Bakının Nərimanov rayon İcra Hakimiyyəti rayon sakinlərindən balkonlardan paltarların qurudulması üçün çəkdikləri zivələri yığışdırmağı tələb edib.

“Ölkə.Az” “Xəzər TV”yə istinadən xəbər verir ki, İcra Hakimiyyətinin ictimai-siyasi və humanitar məsələlər şöbəsinin müdiri Hüseyn Cəfərov bildirib ki, həmin tələb mərkəzi prospektlərdə yerləşən binaların sakinlərinə aiddir.

Onun sözlərinə görə, paltarı qurutmaq üçün alternativ vasitələr var və bunlardan istifadə şəhərdə xoşagəlməz görüntünün qarşısını almaqda daha effektli olar.

Ölkə.Az

ŞƏRH YAZ
0

Yavər Camalovun son — VİDEOSU

Yavər Camalovun son
22:10
23.06.2018
4306
Ölkə
A
Bu gün dünyasını dəyişən müdafiə sənayesi naziri Yavər Camalovun son görüntüləri yayılıb.

“Ölkə.Az” xəbər verir ki, yayılan məlumatlarda nazirin bu günlərdə Parisdə keçirilən “EUROSATORY-2018” beynəlxalq müdafiə və təhlükəsizlik sərgisində iştirak etdiyi, elə sərgidən sonra səhhətinin pisləşdiyi bildirilir. 

Yeniçağ.az isə nazirin sərgidə çəkilmiş və son görüntülərini yayıb. Həmin videonu təqdim edirik:

Ölkə.Az

ŞƏRH YAZ
0
BAĞLA